Robert Burns Woodward

Na Galipedia, a Wikipedia en galego.
Saltar ata a navegación Saltar á busca
Robert Burns Woodward
Nobel prize medal.svg
Robert Burns Woodward in 1965.jpg
Robert Burns Woodward, 1965.
Datos persoais
Nacemento 10 de abril de 1917
Lugar Boston Estados Unidos de América Estados Unidos
Falecemento 8 de xullo de 1979 (62 anos)
Lugar Cambridge Estados Unidos de América Estados Unidos
Causa Infarto agudo de miocardio
Residencia Estados Unidos de América Estados Unidos
Nacionalidade estadounidense
Cónxuxe
  • Irja Pullman (1938)
  • Eudoxia Muller (1946)
  • Actividade
    Campo
  • Química orgánica
  • Alma máter
  • MIT
  • Alumnos de tese
  • Harry Wasserman
  • Ronald Breslow
  • Ken Houk
  • Contribucións e premios
    Coñecido por
  • polos seus traballos na síntese de materiais naturais.
  • Premios
  • Medalla Davy (1959)
  • National Medal of Science (1964)
  • Premio Nobel de Química (1965)
  • editar datos en Wikidata ]

    Robert Burns Woodward, nado o 10 de abril de 1917 en Boston (EUA) e finado o 8 de xullo de 1979 en Cambridge (EUA) foi un químico e profesor universitario estadounidense galardoado co Premio Nobel de Química do ano 1965.

    Traxectoria[editar | editar a fonte]

    Fillo de inmigrantes británicos (Arthur Woodward de Inglaterra e Margaret Woodward de Glasgow, Escocia) estudou química no Instituto de Tecnoloxía de Massachusetts (MIT), onde se licenciou en 1936 e doctorouse en 1937. Posteriormente realizou unha tese postdoctoral na Universidade de Illinois, e a partir de 1950 foi profesor de química e catedrático na Universidade Harvard.

    Woodward faleceu na súa residencia de Cambridge vítima dun infarto de miocardio.

    Investigacións científicas[editar | editar a fonte]

    Interesado na síntese química de substancias orgánicas, conseguiu sintetizar a quinina en 1944, o colesterol e a cortisona en 1951, a estricnina en 1954, a reserpina en 1956 e a vitamina B12 en 1971. Tamén conseguiu reproducir nun laboratorio a molécula da clorofila, o pigmento responsable da cor verde das plantas.

    En 1965 foille concedido o Premio Nobel de Química polos seus traballos na síntese de materiais naturais.

    En 1959 foi galardoado coa Medalla Davy pola Royal Society.

    Os seus traballos teóricos inclúen a súa colaboración con Roald Hoffmann, con quen realizou estudos dos mecanismos de reacción dos produtos químicos, instaurando a regra Woodward-Hoffmann.

    Véxase tamén[editar | editar a fonte]

    Ligazóns externas[editar | editar a fonte]

    Predecesor:
    Dorothy Crowfoot Hodgkin
    Premio Nobel de Química
    Nobel prize medal.svg

    1965
    Sucesor:
    Robert S. Mulliken