Jerome Karle

Jerome Karle

(2009)
Biografía
Nacemento	18 de xuño de 1918 Nova York, Estados Unidos de América
Morte	6 de xuño de 2013 Annandale Virxinia Estados Unidos
Causa da morte	Cancro de fígado
Lugar de sepultura	Columbia Gardens Cemetery (en)
Datos persoais
Residencia	Nova York
País de nacionalidade	estadounidense
Educación	City College of New York Universidade Harvard Universidade de Detroit Misericordia
Director de tese	Lawrence O. Brockway (pt)
Coñecido por	desenvolvemento de métodos directos
Actividade
Campo de traballo	Fisicoquímica
Ocupación	químico , profesor universitario , cristalógrafo
Empregador	Universidade de Chicago
Membro de	Academia Naciona de Ciencias dos Estados Unidos Academia das Artes e das Ciencias dos Estados Unidos Sociedade Filosófica Estadounidense American Physical Society (pt)
Lingua	Lingua inglesa
Participou en
1939	Proxecto Manhattan
Obra
Doutorando	Herbert A. Hauptman
Familia
Cónxuxe	Isabella Karle
Premios
Premio Nobel de Química (1985)
Lista (2009)  Navy Distinguished Civilian Service Award (en) (1985)  Premio Nobel de Química  honorary doctor of the University of Maryland (en)  doutor honoris causa pola universidade Xaguelónica de Cracovia

Jerome Karle, nado o 18 de xuño de 1918 en Nova York e finado o 6 de xuño de 2013 en Annandale (Virxinia), foi un químico estadounidense galardoado co Premio Nobel de Química en 1985.

Traxectoria

Tras cursar estudos secundarios na Abraham Lincoln High School de Nova York, pasou a estudar química e física na Universidade de Nova York, na que se graduó en 1937. Posteriormente ampliou estudos na Universidade Harvard, na que levou a cabo un máster en 1938, e para rematar na Universidade de Detroit Misericordia en Míchigan, na que se doutorou en 1944.

Investigación científica

Involucrouse inicialmente no Proxecto Manhattan para a fabricación da bomba atómica, xunto á súa esposa, Isabella Karle, unha das poucas mulleres involucradas no proxecto.

Especialista en cristalografía, como director de investigación do Laboratorio de Investigación Naval dos Estados Unidos en Washington iniciou unha colaboración co matemático Herbert A. Hauptman na procura de estruturas cristalinas moleculares de átomos lixeiros para analizar os correspondentes espectros de difracción de raios X dos neutróns e electróns mediante novos métodos matemáticos. Os resultados destes estudos contribuíron de modo decisivo a mellorar o coñecemento de temas de química inorgánica como a determinación de radios iónicos e atómicos de átomos metálicos, as estruturas de complexos inorgánicos e compostos intermetálicos.

En 1985 foi galardoado, xunto a Herbert A. Hauptman, co Premio Nobel de Química pola súa contribución ao desenvolvemento de métodos directos para determinar estruturas cristalinas.

Faleceu como consecuencia dun cancro de fígado nun fogar de anciáns.

Véxase tamén

Ligazóns externas

• Páxina do Instituto Nobel, Premio Nobel de Química 1985 (en inglés)
• Autobiografía na páxina do Instituto Nobel 1985 (en inglés)
• Jerome Karle en Biografías y vidas(en castelán)
• Perfil de Jerome Karle en NNDB (en inglés)