George Andrew Olah

George Andrew Olah
Datos persoais
Nome completo	Oláh András György
Nacemento	22 de maio de 1927
Lugar	Budapest Hungría
Falecemento	8 de marzo de 2017
Lugar	Beverly Hills (California)
Soterrado	Cemitério de Kerepesi
Residencia	Estados Unidos
Nacionalidade	húngaro/estadounidense
Cónxuxe	Judith Lengyel
Actividade
Campo	Química
Alma máter	Universidade de Tecnoloxía e Economía de Budapest
Contribucións e premios
Coñecido por	catións de carbono (carbocatións)
Premios	Premio Nobel de Química (1994)
[ editar datos en Wikidata ]

George Andrew Olah (en húngaro: György András Oláh), nado en Budapest o 22 de maio de 1927 e finado en Beverly Hills o 8 de marzo de 2017, foi un químico estadounidense de orixe húngara, galardoado co Premio Nobel de Química do ano 1994.

Traxectoria

Estudou química na Universidade de Tecnoloxía e Economía de Budapest, onde se doutorou en 1949. Tras a Revolución Húngara de 1956 fuxiu, inicialmente a Inglaterra e posteriormente a Canadá, onde traballou na Dow Chemical Company. En 1965 aceptou o seu nomeamento como profesor de química na Case Western Reserve University e en 1977 na Universidade do Sur de California dos Ánxeles. En 1971 conseguiu a nacionalidade estadounidense.

Investigacións científicas

Interesado en química orgánica desenvolveu as súas investigacións sobre os catións de carbono, denominados carbocatións, fragmentos cargados positivamente que proceden de moléculas de hidrocarburos e que aparecen en fraccións de segundos nos estadios intermedios das reaccións químicas.

En 1994 foi galardoado co Premio Nobel de Química polas súas investigacións sobre os carbocatións, fundamentais na produción de materiais sintéticos.

Véxase tamén

Ligazóns externas

• Páxina do Instituto Nobel, Premio Nobel de Química 1994 (en inglés)
• Autobiografía na páxina do Instituto Nobel 1994 (en inglés)
• George Andrew Olah en Biografías y vidas (en castelán)
• Perfil de George Andrew Olah en NNDB (en inglés)

Predecesor: Kary Mullis e Michael Smith

Premio Nobel de Química 1994

Sucesor: Paul J. Crutzen, Mario J. Molina e Frank Sherwood Rowland