Gerhard Herzberg

Na Galipedia, a Wikipedia en galego.
Gerhard Herzberg
Gerhard Herzberg, Londres 1952
Datos persoais
Nacemento25 de decembro de 1904
LugarHamburgo Alemaña Alemaña
Falecemento3 de marzo de 1999 (94 anos)
LugarOtava Canadá
Residencia Canadá
Nacionalidadealemán
Cónxuxe
  • Luise Herzberg (nada Oettinger)) (1929)
  • Actividade
    Campo
  • Fisicoquímica
  • Alma máter
  • Instituto Tecnolóxico de Darmstadt
  • Director de tese
  • James Franck
  • Max Born
  • Contribucións e premios
    Coñecido por
  • polos seus traballos sobre a estrutura electrónica e a xeometría das moléculas, en especial dos radicais libres.
  • Premios
  • Premio Nobel de Química (1967)
  • editar datos en Wikidata ]

    Gerhard Herzberg nado en Hamburgo (Alemaña) o 25 de decembro de 1904 e finado en Otava (Canadá) o 3 de marzo de 1999 foi un físico, químico e profesor universitario canadense, de orixe alemá, galardoado co Premio Nobel de Química do ano 1971.[1]

    Traxectoria[editar | editar a fonte]

    Estudou física e química no Instituto Tecnolóxico de Darmstadt, onde se licenciou en 1928 en fisicoquímica. En 1930 realizou o seu doutoramento na Universidade de Göttingen, baixo a supervisión de James Franck e Max Born, e na Universidade de Bristol, baixo a supervisión de John Lennard-Jones.

    En 1930 foi nomeado profesor asistente de física no Instituto Tecnolóxico de Darmstadt, cargo que tivo que abandonar en 1935 ante as presións do réxime nazi alemán. Aquel mesmo ano aceptou o cargo de profesor visitante na Universidade de Saskatchewan no Canadá, país onde estableceu a súa residencia. Entre 1945 e 1948 foi profesor na Universidade de Chicago.

    Investigacións científicas[editar | editar a fonte]

    Interesado na investigación da espectroscopia molecular, durante a súa estancia no Canadá determinou a estrutura molecular das moléculas diatómicas e poliatómicas, incluíndo hidróxeno triatómico, H3, o hidróxeno molecular protonado, H3+ , e os radicais libres. Tamén realizou estudos sobre a análise química de obxectos astronómicos como as nubes moleculares.[1]

    En 1971 foi galardoado co Premio Nobel de Química polos seus traballos sobre a estrutura electrónica e a xeometría das moléculas, en especial dos radicais libres.[2] Ese mesmo ano tamén recibiu a Medalla Royal da Royal Society de Londres.

    Recoñecementos[editar | editar a fonte]

    Placa conmemorativa no College Building (Saskatchewan).

    Na súa honra bautizouse ao asteroide (3316) Herzberg descuberto o 6 de febreiro de 1984 polo astrónomo Edward Bowell.

    Notas[editar | editar a fonte]

    1. 1,0 1,1 Stoicheff, B. P. (2003). "Gerhard Herzberg PC CC. 25 December 1904 - 3 March 1999". Biographical Memoirs of Fellows of the Royal Society 49: 179. [doi:10.1098/rsbm.2003.0011. http://rsbm.royalsocietypublishing.org/content/49/179]
    2. "The Nobel Prize in Chemistry 1971". Nobel Media. Consultado o 2010-12-31. 

    Véxase tamén[editar | editar a fonte]

    Ligazóns externas[editar | editar a fonte]

    Predecesor:
    Luis Federico Leloir
    Premio Nobel de Química

    1971
    Sucesor:
    Christian B. Anfinsen,
    Stanford Moore
    e
    William Howard Stein