Friedrich Bergius

Friedrich Karl Rudolf Bergius
Friedrich Bergius
Datos persoais
Nome completo	Friedrich Karl Rudolf Bergius
Nacemento	11 de outubro de 1884
Lugar	Breslau (actual Wrocław) Alemaña
Falecemento	31 de marzo de 1949 (64 anos)
Lugar	Buenos Aires Arxentina
Soterrado	Cementerio Alemán
Residencia	Alemaña
Nacionalidade	alemán
Actividade
Campo	Química
Alma máter	Universidade de Breslau Universidade de Leipzig
Director de tese	Richard Abegg Arthur Rudolf Hantzsch
Contribucións e premios
Coñecido por	Licuefacción directa do carbón
Premios	Premio Nobel de Química (1931)
[ editar datos en Wikidata ]

Friedrich Karl Rudolf Bergius nado o 11 de outubro de 1884 en Breslau (actual Wrocław) (Alemaña) e finado o 31 de marzo de 1949 en Buenos Aires (Arxentina), foi un químico alemán que recibiu o Premio Nobel de Química en 1931 polas súas investigacións sobre a influencia das altas presións sobre reaccións químicas.

Biografía

Naceu en Breslau, cidade que naqueles momentos formaba parte de Alemaña, pero que hoxe en día forma parte de Polonia co nome de Wrocław.

En 1903 iniciou os seus estudos de química na Universidade de Breslau onde se licenciou o 1905, e o 1907 se doutoró na Universidade de Leipzig.

Por mor da derrota alemá na segunda guerra mundial estableceuse en Madrid e logo en Buenos Aires.

Investigacións científicas

Contribuíu de xeito moi importante ao desenvolvemento no seu país da industria química de síntese. Creou un procedemento para producir carburantes por hidroxenación do carbón a elevadas temperaturas e presións. Máis tarde desenvolveu, tamén con éxito, un método de obtención de alimentos hidrocarbonados baseado no tratamento da serradura con ácido clorhídrico; o produto foi moi utilizado como forraxe nas granxas alemás en épocas de escaseza e para alimentar a prisioneiros humanos nos campos de concentración nazis.

O seu labor investigador sobre a influencia das altas presións nas reaccións químicas foi recoñecida en 1931 coa concesión do premio Nobel de Química, que compartiu con Carl Bosch

Véxase tamén

Outros artigos

• Premio Nobel de Química

Ligazóns externas

• Páxina web do Instituto Nobel, Premio Nobel de Química 1931 (en inglés)
• Biografía na páxina do Instituto Nobel (en inglés)
• Perfil de Friedrich Bergius en NNDB (en inglés)
• Wiki culturaapicola^{[Ligazón morta]}

Predecesor: Hans Fischer

Premio Nobel de Química 1931 con Carl Bosch

Sucesor: Irving Langmuir