Thomas Cech

Thomas Cech
Thomas Robert Cech.
Datos persoais
Nacemento	8 de decembro de 1947 (75 anos)
Lugar	Chicago Estados Unidos
Residencia	Estados Unidos
Nacionalidade	estadounidense
Cónxuxe	Carol Lynn Martinson
Actividade
Campo	Bioloxía, química
Alma máter	Grinnell College Universidade de California, Berkeley
Contribucións e premios
Coñecido por	Ribozima
Premios	Premio Nobel de Química (1989)
[ editar datos en Wikidata ]

Thomas Robert Cech, nado o 8 de decembro de 1947 en Chicago, (Estados Unidos) é un químico, bioquímico e profesor universitario estadounidense galardoado co Premio Nobel de Química do ano 1989.

Traxectoria

Cando era pequeno a súa familia trasladouse á cidade de Iowa. Estudou química no Grinnell College, onde se graduó en 1970, e posteriormente realizou o seu doutoramento na Universidade de Berkeley en 1975. Aquel mesmo ano entrou a traballar no Instituto de Tecnoloxía de Massachusetts (MIT), e en 1978 foi nomeado profesor de química e bioquímica na Universidade de Colorado.

Investigacións científicas

A área principal da investigación de Thomas Cech é a do proceso de transcrición xenética do núcleo das células, observando como o código xenético do ADN se transcribe en ARN. En colaboración con Sidney Altman descubriu que para conseguir a unión de fragmentos de ARN era necesario a presenza do nucleósido, compoñente básico do ARN, sen a necesidade de estar presente calquera outra actividade catalítica.

En 1989 foi galardoado, xunto con Sidney Altman, co Premio Nobel de Química polos descubrimentos dos procesos químicos de propiedades catalizadoras do ácido ribonucleico.

Véxase tamén

Ligazóns externas

• Páxina do Instituto Nobel, Premio Nobel de Química 1989 (en inglés)
• Autobiografía na páxina do Instituto Nobel 1989 (en inglés)
• Thomas Cech en Biografías y vidas (en castelán)
• Perfil de Thomas Cech en NNDB (en inglés)

Predecesor: Hartmut Michel, Johann Deisenhofer e Robert Huber

Premio Nobel de Química 1989 con Sidney Altman

Sucesor: Elias James Corey