Artturi Ilmari Virtanen

Artturi Ilmari Virtanen
Artturi Ilmari Virtanen
Datos persoais
Nome completo	Artturi Ilmari Virtanen
Nacemento	15 de xaneiro de 1895
Lugar	Helsinqui Imperio Ruso
Falecemento	11 de novembro de 1973
Lugar	Helsinqui Finlandia
Soterrado	cemiterio de Hietaniemi
Residencia	Finlandia
Nacionalidade	Finlandés
Cónxuxe	Lilja Moisio (1920)
Fillos	Kaarlo Virtanen
Actividade
Campo	Química
Alma máter	Universidade de Helsinqui
Contribucións e premios
Coñecido por	Método da preservación da forraxe (forraxe de AIV)
Premios	Premio Nobel de Química (1945)
[ editar datos en Wikidata ]

Artturi Ilmari Virtanen, nado o 15 de xaneiro de 1895 en Helsinqui (Imperio Ruso) e finado o 11 de novembro de 1973 en Helsinqui (Finlandia), foi un químico e profesor universitario finlandés, gañador do Premio Nobel de Química en 1945.

Biografía

Virtanen naceu en Helsinqui, naqueles momentos parte do Imperio ruso, e actualmente capital de Finlandia. Estudou no liceo clásico en Viipuri, tras o cal se dedicou ao estudo da química, a bioloxía e a física. En 1939 obtivo o cargo de profesor de bioquímica no Instituto Tecnolóxico de Finlandia en Helsinqui, dependente da Universidade de Helsinqui.

Investigacións científicas

As súas investigacións tratan sobre os alimentos parcialmente sintéticos para o gando, as bacterias fixadoras de nitróxeno nos nódulos da raíz e tamén sobre métodos mellorados de preservación da manteiga.

En 1945 Virtanen recibiu o premio Nobel de química, pola súa investigación en química aplicada agrícola e en nutrición, especialmente polo seu método da preservación da forraxe (forraxe de AIV). O método (que publicara en 1943) mellorou a almacenaxe da forraxe verde, que é importante durante os invernos longos. O proceso inclúe a adición do Ácido clorhídrico ou sulfúrico diluído no gran para almacenalo novamente. O incremento de acidez detén a fermentación e non ten ningún efecto nocivo no valor nutritivo da forraxe ou nos animais que a inxiren.

Recoñecementos

O asteroide (1449) Virtanen, descuberto polo renomeado astrónomo e físico finlandés Yrjö Väisälä, foi nomeado na súa honra. O cráter lunar Virtanen recibio o nome no seu honor.

Véxase tamén

Outros artigos

• Premio Nobel de Química

Ligazóns externas

• Páxina web do Instituto Nobel, Premio Nobel de Química 1945 (en inglés)
• Biografía na páxina do Instituto Nobel (en inglés)
• Perfil de Artturi Ilmari Virtanen en NNDB (en inglés)

Predecesor: Otto Hahn

Premio Nobel de Química 1945

Sucesor: James Batcheller Sumner, John Howard Northrop e Wendell Meredith Stanley