Iria Flavia, Padrón

Iria Flavia
	Igrexa de Santa María de Iria Flavia.
Concello	Padrón
Provincia	A Coruña
Coordenadas	42°44′45″N 8°39′20″O / 42.745949, -8.655603Coordenadas: 42°44′45″N 8°39′20″O / 42.745949, -8.655603
Poboación	1.996 hab. (2013)
Entidades de poboación	30
	[ editar datos en Wikidata ]

Santa María de Iria Flavia é unha parroquia que se localiza no sur do concello coruñés de Padrón, na comarca do Sar. Segundo o padrón municipal (INE 2013) ten 1.996 habitantes (947 homes e 1.049 mulleres) distribuídos en 29 entidades de poboación, o que supón unha diminución en relación ao ano 1999 cando tiña 2.356 habitantes.

Historia[editar | editar a fonte]

Artigo principal: Diocese de Iria.

Situada na confluencia dos ríos Sar e Ulla, Iria foi unha cidade portuaria, poboación principal da tribo celta Capori. Os romanos nomearon o porto como Iria Flavia para eloxiar ao emperador romano Vespasiano, primoxénito da dinastía Flavia.

Non máis tarde do ano 561, quizais a partir do 400, Iria foi a sé dun bispado, tamén coñecido en latín como Locus Sancti Iacobi ('lugar de Santiago'), que se converteu en sufragáneo do metropolitano da Arquidiocese de Braga e, máis tarde, compartiu a súa sé con Compostela, que se converteu no principal destino de peregrinación de Iberia (rivalizando con Roma e Xerusalén) ao ser completamente trasladado alí en 1095.

Iria Flavia na literatura e na cultura popular[editar | editar a fonte]

Iria Flavia coñécese popularmente co nome de Adina.^[2] Rosalía de Castro referiuse nos seus versos ó cemiterio anexo:

O cemiterio da Adina

n'hai duda que é encantador

cos seus olivos escuros

de vellas recordazóns.

Ou

Ceboleiras que is e vindes

de Adina polos camiños

á veira do camposanto

pasái leve e paseniño.

e foi enterrada no mesmo á súa morte en 1885, onde permaneceu ata que en 1891 os seus restos foron trasladados ó Panteón de Galegos Ilustres, en Santiago.

Na literatura popular galega[editar | editar a fonte]

Nosa Señora da Adina/ ten oliveiras no adro,/ botan piñas no outono,/ cereixas no mes de maio.
Nosa Señora da Adina/ ten un piñeiro no adro,/ bota piñas polo outono,/ cereixas no mes de maio.^[2]

Galería de imaxes[editar | editar a fonte]

Tímpano da igrexa Santa María de Iria Flavia.
Casa en Iria Flavia.

Lugares e parroquias[editar | editar a fonte]

Lugares de Iria Flavia[editar | editar a fonte]

Lugares da parroquia de Iria Flavia no concello de Padrón (A Coruña)
A Aduana \| Anteportas \| Arretén \| O Barco \| A Calzada \| Cambelas \| O Couto \| A Horta \| Iria Flavia \| Lestido \| Luáns \| A Matanza \| O Montiño \| O Muelle \| O Paraíso \| Pazos de Iria \| Pedreda \| O Piñeiro \| O Pombal de Abaixo \| O Pombal de Arriba \| A Ponte \| A Porta dos Mariños \| A Pousa \| Quintáns \| Romarís \| O Roucón \| A Rúa \| O Rueiro \| O Souto \| Vista Alegre