Benito Fernández Alonso

Na Galipedia, a Wikipedia en galego.
Infotaula de personaBenito Fernández Alonso

Editar o valor em Wikidata
Biografía
Nacemento31 de marzo de 1848 Editar o valor em Wikidata
Asperelo, España Editar o valor em Wikidata
Morte8 de maio de 1922 Editar o valor em Wikidata (74 anos)
Ourense, España Editar o valor em Wikidata
Lugar de sepulturaCemiterio de San Francisco de Ourense Editar o valor em Wikidata
Datos persoais
País de nacionalidadeEspaña Editar o valor em Wikidata
RelixiónCatolicismo Editar o valor em Wikidata
Actividade
OcupaciónEscritor, historiador, político
Membro de
LinguaLingua castelá Editar o valor em Wikidata
Sinatura
Editar o valor em Wikidata
Galiciana: 22689

Benito Fernández Alonso, nado en Asperelo (Galez, Entrimo) o 31 de marzo de 1848 e finado en Ourense o 8 de maio de 1922,[1] foi un político e escritor galego. Foi fundador da Real Academia Galega,[2] cronista oficial e concelleiro da cidade de Ourense, e deputado provincial entre outras moitos cargos e responsabilidades que mantivo principalmente no ámbito provincial de Ourense.

Traxectoria[editar | editar a fonte]

Fillo de Antonio Fernández Valdivia e Luisa Alonso, en 1862 ingresou no seminario conciliar de Ourense, onde estudou un ano de humanidades, tres de filosofía e dous de grego, até 1867. Antes estudara catro anos de latín e gramática latina cun veciño de Lobios. Deixou a carreira sacerdotal ("Prefiero ser un mal paisano que un mal cura"), dixo para exercer de profesor en San Paio de Arauxo (Lobios), onde só exerceu un ano, e posteriormente abriu unha tenda de panos na praza maior de Ourense. Alí coñeceu os intelectuais da época con quen se relacionou e colaborou até o punto de formar parte do grupo de Marcelo Macías de redactores do Boletín da Comisión Provincial de Monumentos de Ourense.

Nunha homenaxe a Marcelo Macías en 1917, de pé (de ezq. a der.): Losada Diéguez, José Osorio Martínez, Xullo A. Cuevillas, Emilio Vázquez Pardo e Jesús Soria. Sentados: Manuel Cambón Fraga, Antonio Gaite Lloves, Benito Fernández e Emilio Amor.
Asperelo en donde como ráfaga de viento vi deslizar mis años infantiles
El río Limia y sus contornos, 1879.

Erudito para o seu tempo, investigador, historiador, político, escritor, comerciante, articulista e cronista da cidade de Ourense, tamén foi:[3]

  • Xestor en Ourense do Folklore Gallego.
  • Cronista da provincia de Ourense desde 1890.[4]
  • Concelleiro no concello de Ourense.
  • Vocal da Xunta de Goberno da Escuela de Artes y Oficios e membro correspondente da Real Academia da Historia.
  • Vocal da Comisión de Monumentos Históricos y Artísiticos Provincial de Orense.
  • Socio de mérito de la Sociedade Arqueolóxica de Pontevedra.
  • Bibliotecario del Círculo Católico de Obreros de Orense.
  • Socio de mérito del Círculo de las Artes de Lugo.
  • Deputado Provincial de Ourense polo distrito de Barco-Viana.
  • Redactor do Boletín da Comisión de Monumentos de Ourense.
  • Conservador do Museo Arqueolóxico Provincial.
  • Membro honorario correspondente na Exposición Rexional de 1909 en Santiago de Compostela.
  • Membro da Real Academia de Belas Artes e Ciencias Históricas de Toledo.
  • Membro da Real Academia das Boas Letras de Barcelona.
  • Presidente da Asociación da Prensa Ourensana.
  • Secretario da Cámara de Comercio e Industria de Ourense.
  • Bibliotecario do Liceo Ourensano.
Praza Benito Fernández Alonso na Feira Vella

No ano 2016 a Deputación de Ourense mercou a súa biblioteca con máis de mil títulos á súa propietaria, Elisa Tejada, por 65.000 €. A biblioteca inclúe 17 manuscritos do autor con exemplares únicos de O Tío Marcos d'a Portela e o Álbum Literario, ademais de 46 cabeceiras de diarios da provincia de Ourense.[5]

Entre os seus biógrafos destaca Carmen Barbosa Lorenzo (Ourense 1965) que publicou a súa biografía máis extensa en 1995.[3]

O Concello de Entrimo adicoulle unha praza na aldea da Feira Vella, próxima ao lugar de nacemento do autor.

Obras[editar | editar a fonte]

Como escritor a súa produción bibliográfica é reducida xa que colaborou máis como articulista. A obra publicada está en castelán e aínda está por recompilarse a súa obra en galego.

  • El río Limia y sus contornos[6]. Imprenta de la propaganda gallega, Ourense, 1879, 96 páxinas.
  • Armas de Orense, Imprenta de Antonio Otero, Ourense, 1891, 72 páxinas.
  • Guerra Hispano-Lusitana, Imprenta de Antonio Otero, Ourense, 1893, 145 páxinas
  • El pontificado gallego. Crónica de los obispos de Orense. Imprenta El Derecho, Ourense, 1897, 649 páxinas.
  • Los judíos en Orense, Imprenta de Antonio Otero, Ourense, 1904, 46 páxinas.
  • Orensanos ilustres, Deputación Provincial de Ourense, 1916, 215 páxinas

Galería de imaxes[editar | editar a fonte]

  • El río Limia y sus contornos.
    El río Limia y sus contornos.
  • El pontificado gallego. Cronica de los Obispos de Orense.
    El pontificado gallego. Cronica de los Obispos de Orense.
  • Los judios en Orense, siglos XV al XVII.
    Los judios en Orense, siglos XV al XVII.

Notas[editar | editar a fonte]

  1. ↑ "Fernández Alonso, Bieito". Dicionario biográfico de Galicia, Ir Indo, 2011, t. 2, p. 50. ISBN 978-84-7680-685-2.
  2. ↑ "Académicos numerarios". RAG. 
  3. ↑ 3,0 3,1 Barbosa Lorenzo 1995.
  4. ↑ "Benito Fernández Alonso e a biblioteca da Deputación (Afonso Vázquez-Monxardín en LA REGION)". elcercano.com. 8 de decembro de 2015. Arquivado dende o orixinal o 07 de agosto de 2021. Consultado o 07 de agosto de 2021. 
  5. ↑ "La Diputación compra la biblioteca de Benito Fernández Alonso con mil títulos". Faro de Vigo (en castelán). 7/6/2016. 
  6. ↑ "El libro de un enamorado de la Limia". 24/07/2022. Consultado o 24/07/2022. 

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]


Predecesor:
- 		 Cronista da provincia de Ourense 
1890 - 1922 		Sucesor:
-
Predecesor:
Eugenio Marquina Álvarez 		 Cronista da cidade de Ourense 
1915 - 1922 		Sucesor:
Emilio Vázquez Pardo
Traído desde «https://gl.wikipedia.org/w/index.php?title=Benito_Fernández_Alonso&oldid=6411500»