Margarita Ledo Andión
Na Galipedia, a wikipedia en galego.
Margarita Ledo Andión, nada en Castro de Rei o 5 de febreiro de 1951, é unha xornalista, escritora e cineasta galega.
Índice |
[editar] Traxectoria
Estudou na Universidade de Santiago de Compostela Filosofía e Letras, carreira que non rematou. Polas súas actividades nacionalistas estivo exiliada en Portugal (1974-1976), onde traballou como lectora de galego na Universidade de Letras de Porto. Titulouse en Xornalismo en Barcelona. Foi directora do semanario A Nosa Terra entre 1977 e 1980 e realizou numerosas investigacións sobre a prensa galega. Foi profesora da Universidade Autónoma de Barcelona (1983-1991) e profesora da Facultade de Ciencias da Información da USC desde 1991.
En 2004 dirixe a súa primeira longametraxe documental, Santa Liberdade (sobre o secuestro do buque Santa María polo Directorio Revolucionario Ibérico de Liberación en 1961, que rebautizaron como Santa Libertade), ao que seguen outros.
En marzo de 2008 é seleccionada para ser membro da Real Academia Galega, e en maio dese mesmo ano recibiu o Premio Nacional de Cine e audiovisual, correspondente ós Premios Nacionais da Cultura Galega.
Ingresou na RAG o 7 de febreiro do 2009.
[editar] Obra literaria
[editar] Poesía
- Parolar cun eu, cun intre, con inseuto (1970).*O corvo érguese cedo (1973).
- Linguas mortas : serial radiofónico (1989), con fotografías de Anna Turbau.
[editar] Narrativa
- Mama-fé (1983), relatos.
- Trasalba ou Violeta e o militar morto (1985), novela.
- Porta blindada (1990), novela.
- Historias como Barcelona (1991).
[editar] En volumes colectivos
- "Vía Durruti, ano trinta e seis", en Caderno de viaxe (1989).
- "Interior do mundo", en Sede Central. Relatos 2 (1990).
- "Renda do muro" en Contos eróticos / elas (1990).
[editar] Ensaio
- Prensa e galeguismo (1982).
- Foto-xoc e xornalismo de crise (1988).
- O diario postelevisivo (1993).
- Documentalismo fotográfico contemporáneo (1994).
- Documentalismo fotográfico : éxodos e identidad (1998).
- Del Cine-Ojo a Dogma 95 : paseo por el amor y la muerte del cinematógrafo documental (2003).
- Cine de fotógrafos (2005).
- Comunicación local no espazo lusófono (2007).
[editar] Filmografía
[editar] Como directora
- Santa Liberdade (2004).
- Hai que botalos (2005).
- Liste, pronunciado Líster (2007).
[editar] Como produtora
- CCCV (Cine Clube Carlos Varela) (2005)
