Gonzalo Brañas Fernández
| Biografía | |
|---|---|
| Nacemento | 17 de decembro de 1866  A Coruña, España |
| Morte | 2 de agosto de 1948 (81 anos) A Coruña, España |
| Datos persoais | |
| País de nacionalidade | España |
| Actividade | |
| Ocupación | físico |
| Membro de | |
| Lingua | Lingua castelá |
| Familia | |
| Pai | Gonzalo Brañas Sánchez-Boado |
| Irmáns | Celia Brañas |
Gonzalo Brañas Fernández, nado na Coruña o 17 de decembro de 1866 e finado na mesma cidade o 2 de agosto de 1948[1], foi un físico e inventor galego.
Traxectoria[editar | editar a fonte]
Fillo de Gonzalo Brañas Sánchez-Boado. Fixo o Bacharelato no Instituto da Coruña. Estudou o preparatorio en Santiago de Compostela e licenciouse en Ciencias en Madrid en 1895, doutorándose co traballo Estudio de las radiaciones herzianas. Volveu a Coruña, onde deus clases no Instituto como substituto. Na Coruña fundou e dirixiu o primeiro gabinete radiográfico e radioscópico da cidade (1899). Foi catedrático de Física e Química en Oviedo (1903) e despois na Coruña. En 1923 pasou unha temporada en Francia, grazas a unha bolsa da Junta para Ampliación de Estudios e Investigaciones Científicas. Foi presidente da Sección de Ciencias do Instituto de Estudos Galegos e do Padroado de Formación Profesional.
Entre os seus inventos atópase un aparello para a inscrición automática das variacións do magnetismo terrestre e un receptor radiotelegráfico. Autor de varios traballos sobre radiotelefonía e magnetismo terrestre. Ingresou na Real Academia Galega o 27 de xullo de 1941.
Obras[editar | editar a fonte]
- Registro de las señales hertzianas a grandes distancias (Separata da Revista de la Academia de Ciencias), 1916.
Vida persoal[editar | editar a fonte]
É irmán da tamén científica Celia Brañas Fernández.
Notas[editar | editar a fonte]
- ↑ Bescansa Aler, D. (1946-1950). "Don Gonzalo Brañas Fernández". Boletín da Real Academia Galega (289-293): 145-149. Arquivado dende o orixinal o 14 de febreiro de 2023. Consultado o 17 de agosto de 2022.
Véxase tamén[editar | editar a fonte]
Bibliografía[editar | editar a fonte]
- Dicionario biográfico de Galicia 1. Ir Indo Edicións. 2010-2011.
- Brañas Fernández, Gonzalo, artigo na Gran Enciclopedia Galega.
