Domingo García-Sabell

Domingo García-Sabell Rivas, nado o 8 de outubro de 1909 en Santiago de Compostela e finado o 5 de agosto de 2003 na Coruña, foi un médico, escritor, político e académico galego.

Traxectoria

Era fillo dun procurador de tribunais. Estudou medicina en Santiago e Madrid. Alí foi membro da Federación Universitaria Escolar (FUE), onde coincidiu con Rafael Dieste, Carlos Maside, Ánxel Fole e Luís Seoane. Como intelectual e médico fixo amizade con xente como Castelao, Novoa Santos, Miguel de Unamuno, Valle-Inclán ou Gonzalo Torrente Ballester, de quen foi médico.

En 1936 afiliouse ó Partido Galeguista, razón pola que ó comezar a Guerra civil española foi internado un tempo no campo de concentración de Lavacolla. Ó acabar a guerra foi depurado, e tivo que dedicarse á medicina privada. Contactou co galeguismo cultural, e en 1950 convértese en director da Editorial Galaxia xunto a Ramón Piñeiro.

Teresa García-Sabell Tormo, a súa filla maior, foi a primeira esposa de Xosé Manuel Beiras. Nas Eleccións Xerais 1977 en España foi elixido senador por designación real. Entre 1979 e 1997 foi presidente da Real Academia Galega e delegado do goberno en Galiza entre 1981 e 1996 (presentando a súa dimisión dous días antes de converterse José María Aznar en presidente do goberno). Traduciu ó galego a Heidegger e máis a James Joyce.

Predecesor: cargo de nova creación	delegado do goberno en Galicia 1981-1996	Sucesor: Juan Miguel Diz Guedes
Predecesor: Sebastián Martínez-Risco	presidente da RAG 1987-1997	Sucesor: Francisco Fernández del Riego

Obras

• Notas para una antropología del hombre gallego (1966)
• Tres síntomas de Europa: Joyce, Van Gogh y Sartre (Revista de Occidente, 1968)
• A pintura como comunicación (1971)
• Ensaios I (1963-1976). Inclúe os ensaios "Análise existencial do home galego enfermo", "James Joyce e a loita pola comunicación total", "Notas sobre a fame galega" e "Van Gogh e a dimensión antropolóxica da Pintura Contemporánea".
• Ensaios II (1976)
• Os gromos do pensamento (1996)
• Libro dos comentos (1996)
• Paseata arredor da morte (1999)

Véxase tamén

Ligazóns externas

• Obituario en El País (en castelán)