Bacharelato

O Bacharelato é un título ou unha etapa educativa moi diferente en distintos países e épocas.

No sistema educativo español actual, que foi deseñado na LOXSE, o bacharelato é a derradeira etapa da Educación Secundaria. Ten carácter voluntario e unha duración de dous cursos, normalmente entre os 16 e os 18 anos.

Os estudos desta etapa perseguen os seguintes obxectivos:

• Formación xeral, que favoreza unha maior madurez intelectual e persoal, así como unha maior capacidade para adquirir unha ampla gama de saberes e habilidades.
• Preparatoria, que asegure as bases para estudos posteriores, tanto universitarios como de formación profesional.
• Orientadora, que lles permita aos alumnos canalizar as súas preferencias e intereses.

As materias que se imparten son máis especializadas que na Educación Secundaria Obrigatoria.

Ao finalizar o bacharelato o alumno pode presentarse a un exame de selectividade, o cal consiste nunhas probas escritas que permiten ter acceso aos estudos universitarios, ou ben acceder a ciclos formativos de grao superior.

Materias Comúns

Primeiro Curso

• Lingua Castelá e Literatura.
• Lingua Estranxeira (Normalmente Inglés).
• Filosofía.
• Relixión Católica ou unha materia alternativa.
• Educación Física.

Ademais as comunidades autónomas españolas bilingües imparten a súa lingua e literatura propia (galego, catalán ou euskera).

Segundo Curso

• Lingua Castelá e Literatura.
• Lingua Estranxeira.
• Historia.
• Filosofía.

Ademais as comunidades autónomas españolas bilingües imparten a súa lingua e literatura propia (galego, catalán ou euskera).

Itinerarios

Hai cinco tipos distintos de bacharelato (itinerarios), cada un coas súas materias específicas encamiñados ás distintas titulacións universitarias.

As materias con asterisco son de opción obrigatoria

Tecnolóxico

Primeiro curso

• Matemáticas.
• Física e Química.
• Debuxo Técnico.
• Tecnoloxía Industrial.

Segundo curso

• Debuxo Técnico.
• Electrotecnia.
• Física.
• Matemáticas.
• Mecánica.
• Tecnoloxía Industrial.

Ciencias da Natureza e a Saúde

Primeiro curso

• Matemáticas.
• Bioloxía e Xeoloxía.
• Debuxo técnico.
• Física e Química.

Segundo curso

• Química.
• Bioloxía.
• Física.
• Matemáticas.
• Ciencias da Terra e Medioambientais.

Ciencias Sociais

Primeiro curso

• Matemáticas aplicadas ás Ciencias Sociais.
• Historia contemporánea.
• Latín.
• Grego.
• Economía.

Segundo Curso

• Economía e Organización de Empresas*
• Xeografía.
• Historia da Arte.
• Historia da Música.
• Latín.
• Matemáticas aplicadas ás Ciencias Sociais.

Humanidades

Primeiro Curso

• Latín.
• Grego.
• Economía.
• Historia Contemporánea.
• Matemáticas aplicadas ás Ciencias Sociais.

Segundo curso

• Economía e Organización de Empresas.
• Grego.
• Historia da Arte.
• Historia da Música.
• Latín.
• Matemáticas aplicadas ás Ciencias Sociais.

Artes Plásticas

Primeiro Curso

• Cultura Audiovisual
• Debuxo Artístico I
• Debuxo Técnico I
• Volume

Segundo Curso

• Debuxo Artístico II.
• Debuxo Técnico II.
• Fundamentos do Deseño.
• Historia da Arte.
• Técnicas de expresión gráfico-plástica.