Stephen Hawking

Na Galipedia, a Wikipedia en galego.
Stephen Hawking
Stephen Hawking.StarChild.jpg
Hawking na NASA, na década de 1980.
Datos persoais
Nacemento 8 de xaneiro de 1942 (74 anos)
Lugar Oxford, Inglaterra Inglaterra
Nacionalidade inglés
Cónxuxe Jane Wilde Hawking (1965-1995)
Elaine Mason (1995-2006)
Relixión Ningunha[1]
Actividade
Campo Relatividade xeral
Gravidade cuántica
Alma máter Universidade de Oxford (BA)
Universidade de Cambridge (PhD)
Director de tese Dennis Sciama[2]
Alumnos de tese Bruce Allen[2][3]
Raphael Bousso[2][4]
Bernard Carr[2][5]
Fay Dowker[2][6]
Christophe Galfard[7]
Gary Gibbons[2][8]
Thomas Hertog[2][9]
Raymond Laflamme[2][10]
Don Page[2][11]
Malcolm Perry[2][12]
Wu Zhongchao[2][13]
Contribucións e premios
Coñecido por Radiación de Hawking
Teoremas de singularidade Penrose-Hawking
A Brief History of Time (1988)
Premios Premio Adams (1966)
/FRS (1974)[14]
Medalla Eddington (1975)
Medalla Maxwell (1976)
Premio Heineman (1976)
Medalla Hughes (1976)
Premio Albert Einstein (1978)
CBE (1982)
RAS Gold Medal (1985)
Premio Dirac (1987)
Premio Wolf (1988)
CH (1989)
Premio Princesa de Asturias (1989)
Premio Andrew Gemant (1998)
Premio Naylor (1999)
Premio Lilienfeld (1999)
Medalla Albert (Real Sociedade das Artes) (1999)
Medalla Copley (2006)
Medalla Presidencial da Liberdade (2009)
Premio da Física Fundamental (2012)
FRSA
hawking.org.uk

Stephen William Hawking, nado en Oxford o 8 de xaneiro de 1942, é un físico teórico, cosmólogo, autor e director de investigación[15][16] británico. Os seus traballos científicos inclúen unha colaboración con Roger Penrose nos teoremas de singularidade gravitacional no eido da relatividade xeral, e a predicción teórica de que os buratos negros emiten radiación, a miúdo chamada radiación de Hawking. Hawking foi o primeiro en expoñer unha teoría da cosmoloxía explicada pola unión da teoría xeral da relatividade e a mecánica cuántica. É un enérxico defensor da interpretación dos universos paralelos da mecánica cuántica.[17][18]

É membro de Honra da Real Sociedade das Artes, membro vitalicio da Academia Pontificia das Ciencias, e Medalla Presidencial da Liberdade, a máis alta condecoración civil dos Estados Unidos. Hawking foi profesor lucasiano na Universidade de Cambridge entre 1979 e 2009 e acadou o éxito comercial con obras sobre ciencia popular nas que expón as súas propias teorías e a cosmoloxía xeral. O seu libro, A Brief History of Time apareceu na lista británica dos mellor vendidos de Sunday Times durante 237 semanas.

Hawking sofre un rara enfermidade de lenta progresión, a esclerose lateral amiotrófica (ELA), tamén coñecida como doenza de Lou Gehrig, que leva varias décadas paralizándoo progresivamente.[19] Comunícase empregando un único músculo da súa meixela conectado a un dispositivo xerador de voz. Hawking casou dúas veces e ten tres fillos.

Traxectoria[editar | editar a fonte]

Os seus pais foron Frank e Isobel Hawking. Ten dúas irmás máis novas, Philippa e Mary, e un irmán adoptivo, Edward. Da súa familia, Hawking tivo na súa nai, quen era unha activa política, o membro máis próximo. A casa dos seus pais estaba no norte de Londres, pero durante a Segunda Guerra Mundial considerábase que Oxford era un dos lugares máis seguros para ter nenos. Cando tiña oito anos, a súa familia mudouse a St Albans, unha vila a unhas 20 millas ó norte de Londres. Ós once anos Stephen foi á Escola de St Albans, e logo ó Colexio Maior Universitario en Oxford, antigo colexio do seu pai. Stephen quería facer Matemáticas, pese a que o seu pai preferiría Medicina. Como Matemáticas non podía estudarse no Colexio Universitario, optou por Física. Despois de tres anos e non moito traballo concedéuselle o título de primeira clase con honores en Ciencias Naturais.

Tras obtene-lo Doutorado pasou a ser Investigador, e máis tarde Profesor nos Colexios Maiores de Gonville e Caius. Despois de abandona-lo Instituto de Astronomía en 1973, Stephen entrou no Departamento de Matemáticas Aplicadas e Física teórica, e desde 1980 ocupa o posto de Profesor Lucasiano de Matemáticas. A Cátedra foi fundada en 1663 con fondos concedidos no testamento do Reverendo Henry Lucas, quen fora Membro do Parlamento pola Universidade. Foi primeiro cuberta por Isaac Barrow, e logo en 1669 por Isaac Newton.

En 1985 foi traqueostomizado e desde entón emprega un sintetizador de voz para comunicarse. Gradualmente foi perdendo o uso dos seus brazos e pernas, así como do resto da musculatura voluntaria, incluíndo a forza do pescozo para manter a cabeza ergueita, con todo o cal a súa mobilidade é practicamente nula (Esclerose lateral amiotrófica, o mesmo caso de Jason Becker). A cadeira de rodas que utiliza en público está controlada por unha computadora que Hawking manexa mediante leves movementos de cabeza e ollos, o que tamén lle permite seleccionar palabras e frases no sintetizador de voz.

Casou por primeira vez en xullo de 1965 con Jane Wilde. Hawking casou por segunda vez coa súa enfermeira - Elaine Mason - o 16 de setembro de 1995. Hawking continúa combinando a vida en familia (coa súa esposa, os seus tres fillos e un neto) e a súa investigación en física teórica xunto cun extenso programa de viaxes e conferencias.

O asteroide 7672 Hawking foi chamado así na súa homenaxe.

Obra[editar | editar a fonte]

Stephen Hawking

Hawking traballou nas leis básicas que gobernan o universo. Xunto con Roger Penrose mostrou que a Teoría Xeral da Relatividade de Einstein implica que o espazo e o tempo han de ter un principio no Big Bang e un final dentro de buracos negros. Semellantes resultados sinalan a necesidade de unificar a Relatividade Xeral coa Teoría Cuántica, o outro gran desenvolvemento científico da primeira metade do século XX. Unha consecuencia de tal unificación que el descubriu era que os buracos negros non eran totalmente negros, senón que podían emitir radiación e partículas subatómicas (coñecidas como radiación Hawking) e eventualmente evaporarse e desaparecer. Outra conxectura é que o universo non ten bordos ou límites no tempo imaxinario. Isto implicaría que o modo en que o universo empezou queda completamente determinado polas leis da ciencia.

As súas numerosas publicacións inclúen "The Large Scale Structure of Spacetime" con G. F. R. Ellis, "General Relativity : an Einstein Centenary Survey" con W. Israel, e "Three Hundred Years of Gravitation", con W. Israel. Stephen Hawking publicou tres libros de divulgación: o seu éxito de vendas A Brief History of Time, "Black Holes and Baby Universes and Other Essays" e máis recentemente en 2001, "The Universe in a Nutshell", e en 2005, A Briefer History of Time, unha versión revisada e ampliada do seu primeiro best-seller.

Obras técnicas[editar | editar a fonte]

Obras populares[editar | editar a fonte]

Currículum[editar | editar a fonte]

O Profesor Hawking ten doce doutorados honoríficos, gañou o CBE en 1982 e foi designado Compañeiro de Honor en 1989. É o receptor de numerosos premios (por exemplo, o Premio Príncipe de Asturias da Concordia en 1989), galardóns e medallas e é Membro de Honor da Royal Society e da US National Academy of Sciencies.

Notas[editar | editar a fonte]

  1. The Huffington Post, ed. (25 de setembro de 2014). "Stephen Hawking Says 'There Is No God,' Confirms He's An Atheist". Consultado o 26 de outubro de 2014. 
  2. 2,00 2,01 2,02 2,03 2,04 2,05 2,06 2,07 2,08 2,09 2,10 Mathematics Genealogy Project (ed.). "Stephen Hawking at the Math Genealogy". 
  3. Allen, Bruce (1983). University of Cambridge, ed. Vacuum energy and general relativity (Tese). 
  4. Bousso, Raphael (1997). University of Cambridge, ed. Pair creation of black holes in cosmology (Tese). 
  5. Carr, Bernard John (1976). University of Cambridge, ed. Primordial black holes (Tese). 
  6. Dowker, Helen Fay (1991). Space-time wormholes (Tese). University of Cambridge. 
  7. Galfard, Christophe Georges Gunnar Sven (2006). University of Cambridge, ed. Black hole information & branes (PhD). 
  8. Gibbons, Gary William (1973). University of Cambridge, ed. Some aspects of gravitational radiation and gravitational collapse (PhD). 
  9. Hertog, Thomas (2002). University of Cambridge, ed. The origin of inflation (PhD). 
  10. Laflamme, Raymond (1988). University of Cambridge, ed. Time and quantum cosmology (PhD). 
  11. Page, Don Nelson (1976). California Institute of Technology, ed. Accretion into and emission from black holes (PhD). 
  12. Perry, Malcolm John (1978). University of Cambridge, ed. Black holes and quantum mechanics (PhD). 
  13. Wu, Zhongchao (1984). University of Cambridge, ed. Cosmological models and the inflationary universe (PhD). 
  14. The Royal Society (ed.). "Certificate of election: Hawking, Stephen, EC/1974/12". Londres. Arquivado dende o orixinal o 4 de febreiro de 2014. 
  15. Ctc.cam.ac.uk (ed.). "Centre for Theoretical Cosmology: Outreach Stephen Hawking". Consultado o 23 de xuño de 2013. 
  16. Stephen Hawking Official Website (ed.). "About Stephen – Stephen Hawking". Consultado o 23 de xuño de 2013. 
  17. Gardner, Martin (September/October 2001). "Multiverses and Blackberries". "Notes of a Fringe-Watcher". Skeptical Inquirer. Volume 25, No. 5.
  18. Price, Michael Clive (February 1995). "THE EVERETT FAQ". Departmento de Física, Washington University in St. Louis. Consultado o 17 de decembro de 2014.
  19. Scientific American, ed. (7 de xaneiro de 2012). "How Has Stephen Hawking Lived to 70 with ALS?". Consultado o 23 de decembro de 2014. Q: How frequent are these cases of very slow-progressing forms of ALS? A: I would say probably less than a few percent. 

Véxase tamén[editar | editar a fonte]

Ligazóns externas[editar | editar a fonte]