Nico Hülkenberg

Na Galipedia, a Wikipedia en galego.
Nicolas Hülkenberg (36 anos)

Hulkenberg 2019
Carreira na Fórmula 1
Nacionalidade Alemaña Alemaña
Monopraza número 27
Escudería actual Haas
Escudería no 2025
Grandes Premios disputados 206 (203 saídas)
Campionatos 0
Vitorias 0
Podios 0
Pole positions 1
Voltas rápidas 2
Primeiro Grand Prix Gran Premio de Bahrain de 2010
Posición no 2024 16º (9 puntos)

Na rede
https://www.nicohulkenberg.net/
IMDB: nm3822322 Facebook: NicoHulkenberg.official Twitter: nicohulkenberg Instagram: hulkhulkenberg Editar o valor em Wikidata

Nicolas "Nico" Hülkenberg, nado en Emmerich o 19 de agosto de 1987, é un piloto alemán de Fórmula 1 que regresa como piloto oficial á Fórmula 1 con Haas F1 Team en 2023, despois de servir como piloto de reserva para Aston Martin F1 Team no ano 2022. En 2015, tamén disputou dúas roldas do Campionato Mundial de Resistencia da FIA de 2015 para Porsche, gañando as 24 Horas de Le Mans no seu primeiro intento. Foi o campión da Serie GP2 de 2009, e anteriormente foi campión tanto da Serie Euro de Fórmula 3 como doa A1 Grand Prix, como parte do A1 Team Germany. É un dos 5 pilotos desde 2005 que gañou o campionato de Fórmula 2 (antes serie GP2) na súa tempada de debut, os outros son Lewis Hamilton, Nico Rosberg, Charles Leclerc, e George Russell e Oscar Piastri. Ata setembro de 2019, Hülkenberg mantiña o récord de máis saídas en carreiras de Fórmula Un sen lograr un podio, un récord que rompeu ao non terminar na súa 129ª carreira (o Gran Premio de Singapur de 2017) e ao facelo pasou o anterior rexistro de Adrian Sutil de 128.[1] O récord de Hülkenberg sitúase en 181 Grandes Premos.[2][3] Desde xullo de 2022 tamén ten o récord de máis puntos na súa carreira sen gañar unha única carreira, o récord atribuíseo despois do anterior titular, Carlos Sainz Vázquez de Castro gañou o Gran Premio do Reino Unido de 2022.[4]

Hülkenberg debutou na Fórmula Un no 2010 co equipo Williams. A pesar de lograr a primeira pole position de Williams en máis de cinco anos, non foi retido para 2011 e incorporouse a Force India como piloto de probas e reserva. Logrou o posto de titular nas carreiras co equipo para a tempada 2012, uníndose a Paul di Resta.[5][6] En 2013 pilotou para o equipo Sauber,[7] co piloto mexicano Esteban Gutiérrez como seu compañeiro de equipo.[8] Hülkenberg regresou á Force India para a tempada 2014.[9] En outubro de 2016, confirmouse que cambiaría a Renault para 2017. Foi substituído por Esteban Ocon para a tempada 2020 de Fórmula 1.[10] Volveu á Fórmula Un en 2020, pilotando para Racing Point en tres carreiras.[11][12][13] Despois volveu de novo para substituír a Sebastian Vettel en Aston Martin nas dúas primeiras carreiras da tempada 2022, tras o positivo da proba COVID de Vettel. Regresará como piloto a tempo completo para a tempada 2023 piltando para Haas F1 Team.

Traxectoria[editar | editar a fonte]

Hülkenberg iniciouse no karting en 1997, con dez anos. En 2002 converteuse en campión de karts júnior de Alemaña e o ano seguinte gañou o campionato alemá de karting. 2005 foi o ano do seu debut na Fórmula BMW alemá. A súa primeira tempada foi moi exitosa, gañando nove das vinte carreiras para lograr así o campionato. Gañou ademais a final mundial da categoría, pero foi descalificado posteriormente por frear abruptamente cerca doutros automóbiles co coche de seguridade en pista.

O piloto alemá pasou á Fórmula 3 Alemá en 2006, gañando unha carreira na categoría e quedando quinto na clasificación xeral. Tamén competiu en A1 Grand Prix, categoría monomarca, co equipo alemán, converténdose así no piloto máis exitoso da historia do A1 Grand Prix, con nove vitorias nas dez carreiras, gañando o título para o equipo alemán por se só.

En 2007 pasou ás Fórmula 3 Euroseries co equipo ASM, co cal Lewis Hamilton e Paul di Resta conseguiran os dous últimos campionatos. Gañou as carreiras de Norisring, Zandvoort e Nürburgring. Na carreira de Magny-Cours foi sancionado na clasificación, e chocou con Filip Salaquarda en carreira. Tamén gañou o Masters de Fórmula 3 daquel ano, unha carreira non puntuable, despois de que o seu compañeiro de equipo Romain Grosjean, quen partía desde a pole position, calase o seu coche na saída. Grosjean gañou o campionato, mentres que Hülkenberg foi terceiro. Hülkenberg conquistou o título da F3 Euroseries en 2008, con 7 vitorias en 20 carreiras.

O axente actual do piloto é Willi Weber, quen fora tamén axente de Michael Schumacher. Weber suxeriu que o piloto podería estar listo para a Fórmula 1 en 2008, e en múltiples ocasións definiu a Hülkenberg como un "talento incrible", comparándoo frecuentemente co propio Schumacher.

Hülkenberg puido probar por primeira vez en Fórmula 1 o 4 de decembro de 2007 co equipo WilliamsF1 no Circuíto de Jerez, para participar en dous días de adestramentos, nos cales mellorou os tempos de Kazuki Nakajima, segundo piloto da escudería británica, e quedando a catro décimas de segundo de Nico Rosberg. Os bos resultados obtidos nos adestramentos convenceron ao equipo para que Hülkenberg fose o seu terceiro piloto na tempada 2008 de Fórmula 1.

No 2009, Hülkenberg gaña brillantemente o campionato de GP2.

Fórmula 1[editar | editar a fonte]

Williams (2010)[editar | editar a fonte]

En 2010, Nico ten un complicado comezo na Fórmula 1, pilotando o Williams, un dos monoprazas máis lentos da grella. A pesar diso, obsérvanse os seus verdadeiros credenciais sendo o mellor debutante na F1, superando ao seu compañeiro Rubens Barrichello na terceira cita do mundial e logrando o seu primeiro punto en só 3 carreiras. [14] En Hungría, o piloto alemán consegue o seu mellor resultado, un gran sexto posto.[15] No Gran Premio do Brasil, Hülkenberg consegue unha sorprendente primeira pole, impoñéndose por máis dun segundo a todos os seus rivais.[16] Porén, ao final da tempada o seu xerente anunciou que Nico non seguiría en Williams para 2011, e substituiríase por Pastor Maldonado.[17]

Force India (2011-2012)[editar | editar a fonte]

2011[editar | editar a fonte]
Hülkenberg ao volante do Force India en 2011.

Finalmente, o 26 de xaneiro de 2011 revélase que Hülkenberg será o terceiro piloto de Force India, descartando a opción de correr cun algún equipo modesto.[18] A cambio, tivo a oportunidade de pilotar o Force India VJM04 durante 14 sesións libres dos venres de Gran Premio ao longo da tempada, postulándose como un candidato a ser piloto oficial da escudería.

2012[editar | editar a fonte]
Hülkenberg no Gran Premio do Canadá de 2012

O 16 de decembro de 2011 Force India confirma que Hülkenberg será un dos seus pilotos oficiais en 2012.[19] Consegue puntuar na segunda carreira do ano ( Malaisia), no que foi 9º. No Gran Premio de Europa logra o mellor resultado, un 5º posto;[20] que mellora cun 4º en Bélxica.[21] Nas últimas carreiras do campionato convértese nun asiduo dos puntos, superando ao seu compañeiro de equipo Paul di Resta. O 25 de novembro de 2012, cosechou unha das súas mellores actuacións no GP do Brasil, tras liderar a carreira durante máis da metade da mesma, ata que foi sancionado por botar da pista a Lewis Hamilton. Finalmente, finalizou a proba en 5ª posición.

O 5 de decembro de 2012, os editores da páxina de internet F1 ao día colocan a Hülkenberg como o mellor piloto do 2012. Segundo o portal da web, esta lista realizouse puntuando a grella puramente polo seu piloto, sen ter en conta o bo ou mal rendemento do seu monopraza.[22]

Sauber 2013[editar | editar a fonte]

En 2013, o alemán ingresou no equipo Sauber, substituíndo a Checo Pérez que fichara por McLaren.[23]

Hülkenberg en Malaisia 2013, con Sauber.

Na súa primeira competición oficial co equipo Sauber, Hülkenberg non puido iniciar o GP de Australia debido a un fallo no sistema de combustible do seu Sauber C32; durante a cualificación pasou á Q2 e quedou no 11º posto pero por seguridade o equipo suízo retirou o auto do alemán.[24][25]

Na cualificación do GP de Malaisia, Nico pasa á Q2 e queda no 12º posto da grella de saída.[26] Gran carreira de Hülkenberg, que avanza 4 lugares e concluíu a proba en 8° lugar para lograr os primeiros puntos de Sauber na tempada.[27] Na seguinte cita, en China, consegue un punto máis ao termo ao rematar 10º. Logo estivo catro carreiras sen puntuar, loitando cun coche pouco competitivo, ata que conseguiu dous puntos máis en Silverstone e Nürburgring.

En Monza, Nico da a sorpresa e consegue un excelente 3º posto na clasificación, perdendo dúas posicións na saída pero conservando a 5ª praza ata o final. Tivo opcións de ser piloto de Ferrari en 2014, pero finalmente o elixido foi Kimi Räikkönen.[28] En Corea, o piloto alemán volveu a protagonizar unha grande actuación, gañando posicións na saída e contendo a Fernando Alonso e Lewis Hamilton ata o final para rematar nun fantástico 4º lugar. Entón, o equipo Lotus recoñece a súa intención de contratar a Hülkenberg.[29] Na seguinte carreira no Xapón volveu puntuar ao rematar 6º, resultado que repite en Austin, e pecha a tempada cun 8º posto no Brasil.

Force India (2014-2016)[editar | editar a fonte]

2014[editar | editar a fonte]
Nico Hülkenberg no Gran Premio de Singapur de 2014

Regresou ao equipo indio para 2014.[30] Tivo un bo comezo ao puntuar nas 10 primeiras carreiras de forma consecutiva, con catro 5ª postos como mellor resultado, ata que a racha rómpese co abandono en Hungría. Posteriormente decaeron un pouco os resultados porque o alcanzaron outros equipos competidores, pero aínda así, Nico rematou a tempada como o 9º clasificado do campionato con 96 puntos, polo diante do seu compañeiro Sergio Pérez que acabou 10º. O 20 de outubro de 2014, Force India confirma a continuidade de Hülkenberg en 2015.[31]

2015[editar | editar a fonte]

Hülkenberg comezou a tempada puntuando en Australia ao finalizar 7º, pero non puido volver puntuar ata a 7ª carreira, no Canadá. O 1 de setembro de 2015, anunciase a súa renovación por dous anos máis.[32] Logrou o mellor resultado do ano en Austria, onde finalizou 6º, resultado que se repetiu no Xapón e o Brasil rematou o campionato como 10º clasificado con 58 puntos, esta vez por detrás do seu compañeiro Sergio Pérez que acabou 9º.

2016[editar | editar a fonte]

En 2016, Hülkenberg competiu por última vez no equipo Force India. Puntuou en 14 das 21 carreiras que se disputaron ese ano. Tivo que abandonar no Gran Premio de Rusia por unha colisión, no Gran Premio de España por problemas de motor, no Gran Premio de Austria por problemas de freos, no Gran Premio de Singapur por unha colisión e no Gran Premio dos Estados Unidos por danos de colisión. O seu mellor resultado foi no Gran Premio de Bélxica no que conseguiu un 4º posto. Finalizou a tempada en 9º posición con 72 puntos, de novo por detrás do seu compañeiro Sergio Pérez, que anotou 101 puntos, dous podios e quedo no 7º lugar.[33]

Renault (2017-2019)[editar | editar a fonte]

2017[editar | editar a fonte]
Hülkenberg no seu Renault en 2017, durante o Gran Premio de Malaisia

Hülkenberg firmou un contrato como piloto de Renault para as dúas seguintes tempadas,[34] mentres que o piloto Esteban Ocon ocupaba o seu lugar en Force India.[35] En 2017, o seu compañeiro durante as 16 primeiras carreiras foi o británico Jolyon Palmer, que foi substituído a partir do Gran Premio de Malaisia polo piloto español Carlos Sainz. Hülkenberg puntuou en 8 das 20 carreiras da tempada, sendo o seu mellor resultado a 6ª posición que logrou nos Grandes Premios de España, Alemaña, Bélxica e Abu Zabi. Abandonou en 6 carreiras, sendo os problemas mecánicos a causa principal dos abandonos. Finalizou 10º no campionato do mundo con 43 puntos.

2018[editar | editar a fonte]

En 2018, o alemán tivo un bo inicio de tempada, nas 11 primeiras carreiras sumou en todas as que finalizou, tendo 3 abandonos nos Grandes Premios de Acerbaixán, España e Austria. No resto da tempada, sufriu máis retiradas, pero tamén conseguiu o mellor posto ao final de carreira, anotando un 5º lugar no Gran Premio de Alemaña. Hülkenberg acabou na 7ª posición no campionato con 69 puntos, en solitario por detrás dos pilotos de Mercedes, Ferrari e Red Bull[36]. Superou ao seu compañeiro Carlos Sainz, que acabou o 10º no campionato.

2019[editar | editar a fonte]

En 2019, Nico Hülkenberg realizou a súa última tempada co equipo Renault, xunto ao seu novo compañeiro, Daniel Ricciardo. Pechou esta tempada con 37 puntos no posto 14º, mentres que o seu compañeiro foi noveno con 54 puntos. O mellor resultado foi quinto en Monza. Tras a fichaxe de Esteban Ocon por Renault para a tempada 2020 e sen ser chamado por outros equipos, Hülkenberg quedará sen asento na fórmula 1.[37]

Racing Point (2020)[editar | editar a fonte]

Hülkenberg non tiña contrato para a tempada 2020 de F1. Substituíu a Sergio Pérez en Racing Point no Gran Premio do ReinoUnido e no Gran Premio do 70º aniversario despois de que Pérez dera positivo por coronavirus SARS-2.[38] Para o Gran Premio do Reino Unido, clasificou décimo terceiro pero non comezou a carreira debido a un fallo no motor antes do comezo da carreira.[39] Hulkenberg tivo outra oportunidade de competir no Gran Premio do 70º aniversario tamén no Circuíto de Silverstone despois de que Perez continuase positivo por COVID- 19.[40] Cualificou terceiro detrás dos dous coches Mercedes e terminou sétimo detrás do seu compañeiro de equipo Lance Stroll.[41] Hülkenberg non correu no Gran Premio de España, xa que Sergio Pérez regresou ás carreiras despois de dar negativo no COVID-19.[42] Substituiría ao outro piloto do equipo, Lance Stroll, para o Gran Premio de Eifel despois de que o canadense non se adestrara ao final por sentirse mal. Rematou a carreira en 8º lugar despois de clasificarse 20º, e último, na grella, gañándo o voto dos afeccionados como "Piloto do día".[13][43][44]

Aston Martin (2021-2022)[editar | editar a fonte]

Aston Martin F1 Team (anteriormente Racing Point) fichou a Hülkenberg como piloto de reserva e desenvolvemento para a tempada 2021.[45]

Despois de continuar como piloto reserva do equipo en 2022, substituíu a Sebastian Vettel no Gran Premio de Bahrain despois de que Vettel dera positivo por COVID-19.[46] Hülkenberg comezou e rematou a carreira no 17º posto. Hülkenberg regresou a Aston Martin na seguinte carreira, o Gran Premio de Arabia Saudita, comezando no 17º posto e rematando no 12º.

Hülkenberg volveu entrar no Aston Martin nas probas de Pirelli posteriores ao GP de Hungría, xunto a Lance Stroll para desenvolver os pneumáticos de 2023.[47]

Haas (2023-)[editar | editar a fonte]

En novembro de 2022 confirmouse que Hülkenberg conducirá como piloto oficial con Haas F1 Team durante 2023, acompañando a Kevin Magnussen e substituíndo ao seu compatriota alemán Mick Schumacher.[48]

Resistencia[editar | editar a fonte]

Tandy, Bamber e Hülkenberg foron os gañadores absolutos das 24 Horas de Le Mans de 2015, co Porsche 919 Hybrid Nº 19.

En paralelo á súa actividade en Fórmula 1, Hülkenberg disputou dúas datas do Campionato Mundial de Resistencia de 2015, cun Porsche 919 Hybrid oficial da clase LMP1, xuntos cos pilotos Nick Tandy e Earl Bamber. Nas 6 Horas de Spa-Francorchamps obtivo o sexto posto. Na súa estrea nas 24 Horas de Le Mans, Nico logrou gañar a carreira no seu primeiro intento cunha volta de ventaxe.[49] Este triunfo foi a primeira vitoria absoluta de Porsche desde 1998.[50] O triunfo de Hülkenberg é o primeiro dun piloto de Fórmula 1 en activo desde que Johnny Herbert e Bertrand Gachot consiguieron a fazaña en 1991 co Mazda 787B.

Resumo da súa carreira deportiva[editar | editar a fonte]

Tempada Series Equipo Carreiras Vitorias Poles v/rápidas Podios Puntos Posición
2005 Formula BMW ADAC Josef Kaufmann Racing 20 8 9 6 14 287
Formula BMW World Final 1 0 0 1 1 N/A
2006 German Formula Three Josef Kaufmann Racing 18 1 3 5 6 78
V de V Challenge Endurance Moderne Griffith's 2 1 2 ? 1 50 17º
2006–07 A1 Grand Prix A1 Team Germany 20 9 3 5 14 128
2007 Formula 3 Euro Series ASM Formule 3 20 4 2 3 8 72
Macau Grand Prix 1 0 0 0 0 N/A 23º
Masters of Formula 3 1 1 0 0 1 N/A
2008 Formula 3 Euro Series ART Grand Prix 20 7 6 7 8 87
Masters of Formula 3 1 0 1 0 1 N/A
2008–09 GP2 Asia Series ART Grand Prix 4 1 2 0 2 27
2009 GP2 Series ART Grand Prix 20 5 3 5 10 100
Fórmula 1 AT&T Williams Piloto de probas
2010 Fórmula 1 AT&T Williams 19 0 1 0 0 22 14º
2011 Fórmula 1 Force India F1 Team Piloto de probas
2012 Fórmula 1 Sahara Force India F1 Team 20 0 0 1 0 63 11º
2013 Fórmula 1 Sauber F1 Team 19 0 0 0 0 51 10º
2014 Fórmula 1 Sahara Force India F1 Team 19 0 0 0 0 96
2015 Fórmula 1 Sahara Force India F1 Team 19 0 0 0 0 58 10º
World Endurance Championship Porsche Team 2 1 0 0 1 58
24 Horas de Le Mans 1 1 0 0 1 N/A
2016 Fórmula 1 Sahara Force India F1 Team 21 0 0 1 0 72
2017 Fórmula 1 Renault sport F1 Team 20 0 0 0 0 43 10º
2018 Fórmula 1 Renault sport F1 Team 21 0 0 0 0 69
2019 Fórmula 1 Renault sport F1 Team 21 0 0 0 0 37 14º
2020 Fórmula 1 Racing Point F1 Team 3 0 0 0 0 10 15º
2021 Fórmula 1 Aston Martin Cognizant F1 Team Piloto reserva
2022 Fórmula 1 Aston Martin Aramco Cognizant F1 Team 2 0 0 0 0 0* 17º*
2023 Fórmula 1 Haas 22 0 0 0 0 9 16º
2024 Fórmula 1 Haas 0 0 0 0 0 0

Resultados completos na Fórmula Un[editar | editar a fonte]

(Chave) As carreiras en letra grosa indican pole position; as carreiras en cursiva indican volta rápida.

Ano Escudería Chasis Motor 1 2 3 4 5 6 7 8 9 10 11 12 13 14 15 16 17 18 19 20 21 22 23 24 Posto Puntos
2010 Williams Williams FW32 Cosworth CA2010 2.4 V8 BAH
14
AUS
Ret
MYS
10
CHN
15
ESP
16
MON
Ret
TUR
17
CAN
13
EUR
Ret
GBR
10
ALE
13
HUN
6
BEL
14
ITA
7
SIN
8
XPN
Ret
RCO
10
BRA
8
ABU
16
14º 22
2011 Force India F1 Team Force India VJM04 Mercedes FO 108Y 2.4 V8 AUS
PP
MAL
PP
CHN
PP
TUR
PP
ESP
PP
MON CAN
PP
EUR
PP
RU
PP
ALE
PP
HUN
PP
BEL
PP
ITA
PP
SIN XPN
PP
COR IND ABU BRA
PP
2012 Force India F1 Team Force India VJM05 FO 108Z 2´4 V8 Mercedes AUS
Ret
MAL
9
CHN
15
BAH
12
ESP
10
MON
8
CAN
12
EUR
5
RU
12
ALE
9
HUN
11
BEL
4
ITA
21†
SIN
14
XPN
7
COR
6
IND
8
ABU
Ret
USA
8
BRA
5
11º 63
2013 Sauber F1 Sauber C32 Ferrari 056 2.4 V8 Ferrari AUS
NTS
MAL
8
CHN
10
BAH
12
ESP
15
MON
11
CAN
Ret
RU
10
ALE
10
HUN
11
BEL
13
ITA
5
SIN
9
COR
4
XPN
6
IND
19†
ABU
14
USA
6
BRA
8
10º 51
2014 Sahara Force India F1 Team Force India VJM07 Mercedes PU106A Hybrid 1.6 V6 t AUS
6
MAL
5
BAH
5
CHN
6
ESP
10
MON
5
CAN
5
AUT
9
RU
8
ALE
7
HUN
Ret
BEL
10
ITA
12
SIN
9
XPN
8
RUS
12
USA
Ret
BRA
8
ABU
6
96
2015 Sahara Force India F1 Team Force India VJM08 Mercedes PU106B Hybrid 1.6 V6 t AUS
7
MAL
14
CHN
Ret
BHR
13
ESP
15
MON
11
CAN
8
AUT
6
10º 58
Force India VJM08B GBR
7
HUN
Ret
BEL
NTS
ITA
7
SIN
Ret
XPN
6
RUS
Ret
USA
Ret
MEX
7
BRA
6
ABU
7
2016 Sahara Force India F1 Team Force India VJM09 Mercedes PU106C Hybrid 1.6 V6 t AUS
7
BHR
15
CHN
15
RUS
Ret
ESP
Ret
MON
6
CAN
8
EUR
9
AUT
19†
GBR
7
HUN
10
ALE
7
BEL
4
ITA
10
SIN
Ret
MAL
8
XPN
8
USA
Ret
MEX
7
BRA
7
ABU
7
72
2017 Renault Sport F1 Team Renault R.S.17 Renault R.E.17 1.6 V6 t AUS
11
CHN
12
BHR
9
RUS
8
ESP
6
MON
Ret
CAN
8
ACE
Ret
AUT
13
GBR
6
HUN
17†
BEL
6
ITA
13
SIN
Ret
MAL
16
XPN
Ret
USA
Ret
MEX
Ret
BRA
10
ABU
6
10º 43
2018 Renault Sport F1 Team Renault R.S.18 Renault R.E.18 1.6 V6 t AUS
7
BHR
6
CHN
6
ACE
Ret
ESP
Ret
MON
8
CAN
7
FRA
9
AUT
Ret
GBR
6
ALE
5
HUN
12
BEL
Ret
ITA
13
SIN
10
RUS
12
XPN
Ret
USA
6
MEX
6
BRA
Ret
ABU
Ret
69
2019 Renault F1 Team Renault R.S.19 Renault E-Tech 19 1.6 V6 t AUS
7
BHR
17†
CHN
Ret
ACE
14
ESP
13
MON
13
CAN
7
FRA
8
AUT
13
GBR
10
ALE
Ret
HUN
12
BEL
8
ITA
5
SIN
9
RUS
10
XPN
DSC
MEX
10
USA
9
BRA
15
ABU
12
14º 37
2020 BWT Racing Point F1 Team Racing Point RP20 Mercedes M11 EQ Performance 1.6 V6 t AUT EST HUN GBR
NTS
70A
7
ESP BEL ITA TUS RUS EIF
8
POR
EMI
TUR
BAH
SAK
ABU
15º 10
2022 Aston Martin Aramco Cognizant F1 Team Aston Martin AMR22 Mercedes F1 M13 E Performance 1.6 V6 t BHR
17
SAU
12
AUS
EMI
MIA
ESP
MON
ACE
CAN
GBR
AUT
FRA
HUN
BEL
NED
ITA
SIN
XAP
USA
MEX
BRA
ABU
17º* 0*
2023 Haas Haas VF-23 Ferrari 066/7 1.6 V6 t BHR
16
SAU
12
AUS
7
ACE
17
MIA
15
EMI
C
MON
17
ESP
15
CAN
15
AUT
Ret6
GBR
13
HUN
14
BEL
18
NED
12
ITA
17
SIN
13
XAP
14
QAT
16
USA
11
MEX
13
BRA
12
LVG
19†
ABU
15
16º 9
2024 Haas Haas VF-24 Ferrari 066/7 1.6 V6 t BHR
SAU
AUS
XAP
XAP
MIA
EMI
MON
CAN
ESP
AUT
GBR
HUN
BEL
NED
ITA
ACE
SIN
USA
MEX
BRA
LVG
QAT
ABU
0

* Tempada en curso

Notas[editar | editar a fonte]

  1. "Nico Hulkenberg does it - clinches new historic F1 record!". F1i.com (en inglés). 18 de setembro de 2017. Consultado o 20 de setembro de 2017. 
  2. "Nico Hulkenberg does it - clinches new historic F1 record!". F1i.com (en inglés). 18 de setembro de 2017. Consultado o 20 de setembro de 2017. 
  3. "Statistics Drivers - Grands Prix - Without podium". www.statsf1.com. Consultado o 23 de marzo de 2022. 
  4. "Statistics Drivers - Points - Without win • STATS F1". 
  5. "Hulkenberg joins Di Resta in Force India's 2012 line-up". Formula One. 16 de decembro de 2011. Consultado o 16 de decembro de 2011. 
  6. "Hulkenberg expects Force India to deliver in Monaco GP". 21 de maio de 2012. Arquivado dende o orixinal o 24 de maio de 2012. Consultado o 06 de decembro de 2019. 
  7. "Sauber sign Nico Hulkenberg for 2013 Formula 1 season". BBC Sport. 31 de outubro de 2012. Consultado o 15 de decembro de 2014. 
  8. "Gutierrez lands 2013 race drive with Sauber". Formula One. 23 de novembro de 2012. Consultado o 15 de decembro de 2014. 
  9. "Force India confirm Hulkenberg return in 2014". Formula One. 3 de decembro de 2013. Consultado o 15 de decembro de 2014. 
  10. "Ocon to Renault for 2020: Ocon secures F1 return with Renault for 2020 in place of Hulkenberg". Consultado o 18 de setembro de 2019. 
  11. "Nico Hülkenberg will replace Sergio Perez". 31 de xullo de 2020. Arquivado dende o orixinal o 31 de xullo de 2020. Consultado o 31 de xullo de 2020. 
  12. Cooper, Adam (7 de agosto de 2020). "Hulkenberg to replace Perez at Silverstone". motorsport.com. Consultado o 11 de outubro de 2020. 
  13. 13,0 13,1 "Super sub Hulkenberg to replace unwell Stroll for remainder of Eifel GP weekend". Formula1.com. 10 de outubro de 2020. Consultado o 10 de outubro de 2020. 
  14. "Hulkenberg esperaba máis un pesar do punto". GPUpdate. 4 de abril de 2010. 
  15. "Ficha técnica" (PDF). Mundo Deportivo: 39. 2 de agosto de 2010. 6. N. Hulkenberg (Ale/Williams) 
  16. Guerra, Gloria Martín (6 de novembro de 2010). "'Pole' sorpresa en Brasil". Marca. 
  17. "Nico Hülkenberg no continuará con Williams el próximo año". f1latam.com. 15 de novembro de 2010. 
  18. Nieves, Manuel Andrés (26 de xaneiro de 2011). "Adrian Sutil y Paul di Resta, pilotos oficiales de Force India". F1 al día. 
  19. "Oficial: Di Resta y Hülkenberg pilotos Force India para 2012". GPUpdate. 16 de decembro de 2011. 
  20. Nogales, Verónica (24 de xuño de 2012). "Balance GP de Europa F1 2012 - equipo Force India". Car and Driver The F1. Arquivado dende o orixinal o 28 de xuño de 2012. Consultado o 07 de decembro de 2019. 
  21. Campos, Héctor (2 de setembro de 2012). "Balance GP de Bélgica F1 2012 - equipo Force India". Car and Driver The F1. Arquivado dende o orixinal o 06 de marzo de 2016. Consultado o 07 de decembro de 2019. 
  22. "Los 10 mejores pilotos de la temporada 2012 de Fórmula 1". F1 al día. 5 de decembro de 2012. 
  23. Agencia EFE (31 de outubro de 2012). "Sauber ficha a Hülkenberg para la próxima temporada". AS. 
  24. "Rolex Australian GP – Race" (en inglés). 17 de marzo de 2013. Arquivado dende o orixinal o 11 de abril de 2013. Consultado o 07 de decembro de 2019. 
  25. "2013 FORMULA 1 ROLEX AUSTRALIAN GRAND PRIX" (en inglés). Fórmula 1. 17 de marzo de 2013. Arquivado dende o orixinal o 18 de outubro de 2014. Consultado o 07 de decembro de 2019. 
  26. "2013 FORMULA 1 PETRONAS MALAYSIA GRAND PRIX" (en inglés). Fórmula 1. 23 de marzo de 2013. Arquivado dende o orixinal o 13 de abril de 2015. Consultado o 07 de decembro de 2019. 
  27. Agencia EFE (24 de marzo de 2013). "Vettel triunfa en Malasia con polémica en Red Bull". Superdeporte. 
  28. Payá, Rafa (1 de outubro de 2013). "Ferrari sí pensó en Hulkenberg". AS. 
  29. "Lotus admite que quieren a Nico Hulkenberg para el año 2014". AS. 15 de outubro de 2013. 
  30. S. D. (3 de decembro de 2013). "Nico Hulkenberg regresa a Force India". ABC. 
  31. Agencia EFE (20 de outubro de 2014). "Hulkenberg seguirá en Sahara Force India en 2015". Sport. 
  32. García, Miguel Ángel (1 de setembro de 2015). "La renovación de Hulkenberg ya es un hecho". Marca. 
  33. AS, Diario (25 de maio de 2019). "Nico Hulkenberg" (en castelán). p. AS.com. Consultado o 26 de maio de 2019. 
  34. Sanz, Miguel (14 de outubro de 2016). "Oficial: Nico Hulkenberg ficha por Renault para 2017". Marca. 
  35. "OFICIAL: Ocon será titular de Force India a partir de 2017 | CarandDriverTheF1.com". p. www.caranddriverthef1.com. Arquivado dende o orixinal o 18 de novembro de 2016. Consultado o 17 de novembro de 2016. 
  36. "2018 • STATS F1". p. www.statsf1.com. Consultado o 6 de marzo de 2019. 
  37. "ANALYSIS: Why Williams chose Latifi for 2020 | Formula 1®" (en inglés). p. www.formula1.com. Consultado o 1/12/2019. 
  38. "Nico Hülkenberg replaces Sergio Perez at Racing Point for British GP". skysports.com. Sky Sports F1. Consultado o 2020-07-31. 
  39. "Nico Hulkenberg fails to make British GP start after last-minute technical issue on his F1 return | Formula 1®". www.formula1.com (en inglés). Consultado o 2020-08-02. 
  40. https://www.motorsport.com/f1/news/hulkenberg-silverstone-perez-covid-positive/4850976/?ic_source=home-page-widget&ic_medium=widget&ic_campaign=widget-6
  41. "Hulkenberg ‘didn’t expect’ P3 on the grid – but fears race rustiness could ‘hurt’ first F1 podium chances". formula1.com. 8 August 2020. Arquivado dende o orixinal o 12 de agosto de 2020. Consultado o 8 de agosto de 2020. 
  42. "Sergio Perez: Racing Point driver to return at Spanish Grand Prix after negative Covid-19 test". BBC Sport. 13 de agosto de 2020. Consultado o 13 de agosto de 2020. 
  43. "Eifel GP results". 
  44. "Hulkenberg delighted with 'totally unexpected' P8 on one-off return in Germany". 11 de outubro de 2020. Consultado o 11 de outubro de 2020. 
  45. Benson, Andrew (8 de abril de 2021). "Formula 1: Nico Hulkenberg joins Aston Martin as reserve & development driver for 2021". BBC Sport. Consultado o 8 de abril de 2021. 
  46. "Vettel to be replaced by Hulkenberg for 2022 Bahrain GP after positive Covid test". www.formula1.com. Formula One Management. Consultado o 17 de marzo de 2022. 
  47. "F1: Nico Hulkenberg volta a pilotar o Aston Martin na Hungria | AutoSport". www.autosport.pt. Consultado o 2022-08-02. 
  48. "Nico Hulkenberg to make full-time racing return to Formula 1 with Haas in 2023". Formula 1 (en inglés). 17 de novembro de 2022. Consultado o 17 de novembro de 2022. 
  49. Arenas, Javier (14 de xuño de 2015). "Hulkenberg devuelve a Porsche a la leyenda de Le Mans". Marca. 
  50. Tovar, Roberto (16 de xuño de 2015). "Porsche amplía su número de victorias en Le Mans". Motor y Racing. 

Véxase tamén[editar | editar a fonte]

Ligazóns externas[editar | editar a fonte]