Gran Premio do Canadá de 2015

Na Galipedia, a Wikipedia en galego.
Flag of Canada.svg Gran Premio de Canadá de 2015
Detalles da carreira
Carreira 7 de 19 no Campionato Mundial de Fórmula 1 de 2015.
Trazado do circuíto Gilles Villeneuve.
Trazado do circuíto Gilles Villeneuve.
Data 7 de xuño de 2015
Nome oficial Gran Premio do Canadá de Fórmula 1 de 2015
Localización Circuíto Gilles Villeneuve
Montreal, Canadá
Percorrido Circuíto urbano
4´361 km
Distancia 70 voltas, 305´27 km
Clima Seco
Pole position
Piloto Flag of the United Kingdom.svg Lewis Hamilton Mercedes
Tempo 1:14.393
Volta rápida
Piloto Finlandia Kimi Räikkönen Ferrari
Tempo 1:16.987 na volta 66
Podio
Primeiro Flag of the United Kingdom.svg Lewis Hamilton Mercedes
Segundo Alemaña Nico Rosberg Mercedes
Terceiro Finlandia Valtteri Bottas Williams-Mercedes

O Gran Premio do Canadá de 2015 (oficialmente o 2015 Formula 1 Grand Prix du Canada) foi unha carreira de Fórmula 1 que se celebrou o 7 de xuño de 2015 no Circuíto Gilles Villeneuve, Montreal, Canadá. A carreira foi a sétima rolda da tempada 2015, e o 52º Gran Premio do Canadá.

Resumo[editar | editar a fonte]

Antecedentes[editar | editar a fonte]

Desde a carreira anterior en Mónaco, a decisión da parada en boxes que aparentemente custoulle a Lewis Hamilton a vitoria[1] seguía sendo un tema de conversación cando o paddock chegou a Canadá. Na roda de prensa do xoves, o campión do mundo insistiu en que "non había que insistir máis" sobre o incidente, dicindo: "Non podo facer nada respecto o pasado, polo que honestamente non ten sentido pensar niso, trátase de tratar de mirar ao futuro."[2]

Por causar unha colisión con Romain Grosjean en Mónaco, Max Verstappen recibiu unha penalización de cinco posicións no Gran Premio de Canadá.[3] Durante a última sesión de adestramentos, Toro Rosso tivo que montar no seu coche a quinta unidade de potencia da tempada. Superou o límite de catro unidades por tempada,polo que recibiu unha penalización adicional na grella de dez posicións.[4][5]

Práctica libre[editar | editar a fonte]

Celebráronse tres sesións de adestramentos libres antes da carreira, dúas o venres e outra o sábado pola mañá antes da cualificación. Durante a primeira práctica do venres pola mañá, Lewis Hamilton logrou o tempo máis rápido, sendo máis dun segundo máis rápido que o tempo logrado o ano pasado no mesmo período de sesións e catro décimas de segundo por diante do seu compañeiro de equipo Nico Rosberg segundo. Tanto Lotus como Force India mostraron bo ritmo con Romain Grosjean e Nico Hülkenberg terceiro e cuarto máis rápidos, respectivamente, malia a máis de 1´5 segundos por detrás de Hamilton.

Na segunda sesión, Hamilton foi máis rápido, pero tamén foi capturado de novo. os Ferrari parecían estar moito máis preto de Mercedes, con Sebastian Vettel e Kimi Raikkonen acabado segundo e terceiro, respectivamente, a 0´4 segundos de Hamilton. Lotus confirmou o seu bo ritmo[6] na primeira sesión, cando Pastor Maldonado foi o quinto máis rápido, detrás de Rosberg.[7]

A terceira sesión de adestramentos na mañá do sábado viuse empanada por dous períodos de bandeira vermella. Aos vinte minutos da práctica, Felipe Nasr perdeu o control do seu coche cando volanteaba de lado a lado na pista para aumentar a temperatura dos seus pneumáticos, mentres que o seu DRS estaba aberto na primeira parte da última recta. Estrelouse contra a barreira do interior da pista. Logo do levantamento da bandeira vermella, só quedaban doce minutos e todos os pilotos saíron á pista para probar o composto super brando. Foi unha proba curta, aínda que Jenson Button tivo que aparcar o seu coche na curva sete, reportando un problema coa súa unidade de potencia, sacouse a bandeira vermella, unha vez máis, que puxo fin á sesión. Nico Rosberg foi o máis rápido, medio segundo por diante de Raikkonen, mentres que Hamilton que fixo tan só nove voltas, rematou a práctica co tempo máis lento.[8]

Post-clasificación[editar | editar a fonte]

Como non logrou un tempo de volta na Q1, Jenson Button solicitou aos delegados que se lle permitira iniciar a carreira. Os comisarios decidiron concederlle o permiso.[9] Logo da cualificación, McLaren tivo que montar ao seu coche unha quinta unidade potencia (MGU-H) e un quinto turbo cargador na tempada. Como isto excede o límite de catro unidades, Button recibiu dúas penalizacións unha de dez e outra de cinco posicións. Como xa estaba tiña que empezar desde o fondo da grella, a pena foi substituída cun drive through, que se cumpríu nas primeiras tres voltas da carreira.[10]

Sebastian Vettel recibiu unha penalización de cinco posicións por adiantar ao Manor de Roberto Merhi baixo bandeiras vermellas durante a terceira sesión libre.[11] Como Max Verstappen clasificou duodécimo para a carreira, non puido cumprir a totalidade dos quince lugares de penalización na grella. Como as sancións na grella xa non se trasladan a carreiras posteriores en 2015, recibiu unha penalización de dez segundos, para ser cumprida na súa primeira parada en boxes.[12]

Carreira[editar | editar a fonte]

Ao comezo da carreira, todos os pilotos da parte dianteira da grella saíron sen incidentes e non houbo cambios nas posicións. No exterior da curva tres, Nico Hülkenberg foi capaz de adiantar a Pastor Maldonado pola sexta posición. Sebastian Vettel e Felipe Massa, que partiran desde a parte posterior da grella, remontaron rapidamente, e marchaban duodécimo e decimo terceiro na volta nove, cando Vettel entrou en boxes para a súa primeira parada. A parada en boxes non foi boa, xa que o Ferrari parou durante uns seis segundos. Massa, á súa vez adiantou a Marcus Ericsson. Mentres tanto na parte dianteira, Lewis Hamilton lograra un espazo suficiente para que o segundo, Rosberg non puidera utilizar o DRS para tratar de adiantalo.

Na volta 14, Massa pasara ao gañador da edición anterior, Daniel Ricciardo para ascender á décima posición. A primeira parada en boxes na parte dianteira comezou na volta 18, cando Maldonado entrou sendo sétimo. Mentres Massa pasou a Daniil Kvyat polo sétimo lugar na volta 21, Sebastian Vettel quedouse atascado no 16º posto detrás do McLaren de Fernando Alonso, a quen lle dixeran que tiña que aforrar combustible, un problema que tamén sufriu o seu compañeiro de equipo Jenson Button. con todo na volta 23, o catro veces campión do mundo adiantou a Alonso e aos dous Toro Rosso de Verstappen e Sainz Jr. para poñerse 13º.

Kimi Räikkönen foi o primeiro dos mellores pilotos en entrar en boxes na volta 28, saíu cuarto, pero trompeou na horquilla nunha repetición dun incidente similar ao ano anterior. O trompo custoulle doce segundos e permitiu a Valtteri Bottas manterse por diante de el en terceira posición logo de que o finés entrara en boxes na volta 30. Hamilton entrou en boxes na mesma volta e Rosberg seguiu o seu exemplo dúas voltas máis tarde, ambos sen incidentes. Neste punto, Rosberg estaba ao redor de 1´5 segundos por detrás do seu compañeiro de equipo. Catro voltas máis tarde, Sebastian Vettel fixo a súa segunda e última parada da carreira. Massa realizou a súa primeira e única parada na volta 38, montando os pneumáticos super brandos e caendo do sexto ao noveno lugar. Räikkönen entrou de novo en boxes na volta 42, quedando en cuarta posición por diante do Lotus de Romain Grosjean.

Na volta 46, Vettel pasou a Hülkenberg na chicana, o Force India trompeou no proceso, pero sen tocarse entre os dous pilotos. Fernando Alonso converteuse no primeiro en abandonar a carreira dúas voltas máis tarde, por terceira vez consecutiva. Na volta 52, Romain Grosjean intentou dobrar a Will Stevens, cortando o seu pneumático traseiro esquerdo no proceso. O incidente tamén lle supuxo cinco segundos de penalización. O outro Lotus de Pastor Maldonado perdeu unha posición, cando Vettel adiantouno polo quinto posto na volta 56. Jenson Button uniuse ao seu compañeiro de equipo retirándose dúas voltas máis tarde. Felipe Massa subiu ao sexto lugar a costa de Maldonado na volta 64. Nas voltas finais, Hamilton controlou a vantaxe para gañar en Montreal por cuarta vez, terminando 2´2 segundos por diante de Rosberg, con Bottas terceiro 38 segundos por detrás.[13]

Clasificación[editar | editar a fonte]

Cualificación[editar | editar a fonte]

Pos. Piloto Construtor Q1 Q2 Q3 Grella
1 44 Flag of the United Kingdom.svg Lewis Hamilton Mercedes 1:15.895 1:14.661 1:14.393 1
2 6 Alemaña Nico Rosberg Mercedes 1:15.893 1:14.673 1:14.702 2
3 7 Finlandia Kimi Räikkönen Ferrari 1:16.259 1:15.348 1:15.014 3
4 77 Finlandia Valtteri Bottas Williams-Mercedes 1:16.552 1:15.506 1:15.102 4
5 8 Francia Romain Grosjean Lotus-Mercedes 1:15.833 1:15.187 1:15.194 5
6 13 Flag of Venezuela.svg Pastor Maldonado Lotus-Mercedes 1:16.098 1:15.622 1:15.329 6
7 27 Alemaña Nico Hülkenberg Force India-Mercedes 1:16.186 1:15.706 1:15.614 7
8 26 Flag of Russia.svg Daniil Kvyat Red Bull-Renault 1:16.415 1:15.891 1:16.079 8
9 3 Australia Daniel Ricciardo Red Bull-Renault 1:16.410 1:16.006 1:16.114 9
10 11 Flag of Mexico.svg Sergio Pérez Force India-Mercedes 1:16.827 1:15.974 1:16.338 10
11 55 España Carlos Sainz Jr. Toro Rosso-Renault 1:16.611 1:16.042 11
12 33 Flag of the Netherlands.svg Max Verstappen Toro Rosso-Renault 1:16.361 1:16.245 20[14]
13 9 Flag of Sweden.svg Marcus Ericsson Sauber-Ferrari 1:16.796 1:16.262 12
14 14 España Fernando Alonso McLaren-Honda 1:17.012 1:16.276 13
15 15 Flag of Brazil.svg Felipe Nasr Sauber-Ferrari 1:16.968 1:16.620 14
16 5 Alemaña Sebastian Vettel Ferrari 1:17.344 19[15]
17 19 Flag of Brazil.svg Felipe Massa Williams-Mercedes 1:17.886 15
18 98 España Roberto Merhi Marussia-Ferrari 1:19.133 16
19 28 Flag of the United Kingdom.svg Will Stevens Marussia-Ferrari 1:19.157 17
107% tempo: 1:21.207
20 Flag of the United Kingdom.svg Jenson Button McLaren-Honda sen tempo 18[16]
Fonte:[17]

Carreira[editar | editar a fonte]

Pos. Piloto Construtor Voltas Tempo/Retirada Grella Pts.
1 44 Flag of the United Kingdom.svg Lewis Hamilton Mercedes 70 1:31:53.145 1 25
2 6 Alemaña Nico Rosberg Mercedes 70 +2.285 2 18
3 77 Finlandia Valtteri Bottas Williams-Mercedes 70 +40.666 4 15
4 7 Finlandia Kimi Räikkönen Ferrari 70 +45.625 3 12
5 5 Alemaña Sebastian Vettel Ferrari 70 +49.903 18 10
6 19 Flag of Brazil.svg Felipe Massa Williams-Mercedes 70 +56.381 15 8
7 13 Flag of Venezuela.svg Pastor Maldonado Lotus-Mercedes 70 +66.664 6 6
8 27 Alemaña Nico Hülkenberg Force India-Mercedes 70 +1 volta 7 4
9 26 Flag of Russia.svg Daniil Kvyat Red Bull-Renault 70 +1 volta 8 2
10 8 Francia Romain Grosjean Lotus-Mercedes 70 +1 volta 5 1
11 11 Flag of Mexico.svg Sergio Pérez Force India-Mercedes 70 +1 volta 10
12 55 España Carlos Sainz Jr. Toro Rosso-Renault 70 +1 volta 11
13 3 Australia Daniel Ricciardo Red Bull-Renault 70 +1 volta 9
14 9 Flag of Sweden.svg Marcus Ericsson Sauber-Ferrari 70 +1 volta 12
15 33 Flag of the Netherlands.svg Max Verstappen Toro Rosso-Renault 70 +1 volta 19
16 12 Flag of Brazil.svg Felipe Nasr Sauber-Ferrari 70 +2 voltas 14
17 28 Flag of the United Kingdom.svg Will Stevens Marussia-Ferrari 70 +4 voltas 17
Ret 98 España Roberto Merhi Marussia-Ferrari 57 Palier 16
Ret 22 Flag of the United Kingdom.svg Jenson Button McLaren-Honda 54 Escape 20
Ret 14 España Fernando Alonso McLaren-Honda 44 Escape 13
Source:[18]

Posicións logo da carreira[editar | editar a fonte]

  • Nota: Só están incluídos os cinco primeiros postos en ambos os grupos de clasificación.

Notas[editar | editar a fonte]

  1. Coulthard, David (25 May 2015). "Lewis Hamilton's trust in Mercedes will be dented by Monaco shocker". The Telegraph. Consultado o 7 June 2015. 
  2. "Hamilton 'couldn't care less' about Monaco". planetf1.com. 4 June 2015. Consultado o 7 June 2015. 
  3. "Max penalised but blames Grosjean". planetf1.com. 24 May 2015. Consultado o 7 June 2015. 
  4. "FIA Stewards Decision — Document No. 20". FIA.com. Fédération Internationale de l'Automobile. 6 June 2015. Arquivado dende o orixinal o 6 June 2015. Consultado o 6 June 2015. 
  5. Collantine, Keith (6 June 2015). "Verstappen to receive second grid penalty". F1Fanatic. Consultado o 7 June 2015. 
  6. Collantine, Keith (6 June 2015). "Lotus and Ferrari stand out in rain-hit practice". F1Fanatic. Consultado o 7 June 2015. 
  7. Collantine, Keith (5 June 2015). "Hamilton quickest again – then crashes in the rain". F1Fanatic. Consultado o 7 June 2015. 
  8. Collantine, Keith (6 June 2015). "Rosberg on top as Nasr crash disrupts practice". F1Fanatic. Consultado o 7 June 2015. 
  9. "FIA Stewards Decision — Document No. 26". FIA.com. Fédération Internationale de l'Automobile. 6 June 2015. Arquivado dende o orixinal o 6 June 2015. Consultado o 6 June 2015. 
  10. "FIA Stewards Decision — Document No. 36". FIA.com. Fédération Internationale de l'Automobile. 7 June 2015. Arquivado dende o orixinal o 7 June 2015. Consultado o 7 June 2015. 
  11. "FIA Stewards Decision — Document No. 27". FIA.com. Fédération Internationale de l'Automobile. 6 June 2015. Arquivado dende o orixinal o 6 June 2015. Consultado o 6 June 2015. 
  12. Collantine, Keith (6 June 2015). "Verstappen to serve ten-second time penalty in race". F1Fanatic. Consultado o 7 June 2015. 
  13. Ostlere, Lawrence (7 June 2015). "F1: Canadian GP – as it happened". The Guardian. Consultado o 8 June 2015. 
  14. Max Verstappen recibiu unha penalización de cinco postos por causar unha colisión evitable durante a carreira anterior e unha penalización de dez posicións por exceder por exceder o número de motores permitidos. Dado que só puido cumprir 7 desas 15 posicións na grella, as 8 restantes se conmutan por 10 segundos de "stop & go" no seu primeiro pit stop na carreira.
  15. Sebastian Vettel recibiu unha penalización de cinco posicións por adiantar con bandeiras vermellas durante os adestramentos libres 3
  16. Jenson Button recibiu o permiso dos comisarios para iniciar a carreira malia non establecer un tempo de clasificación. Máis tarde recibiu unha penalización de dez e de cinco posicións por exceder a asignación permitida de dous dos compoñentes da unidade de potencia
  17. "2015 Canadian Grand Prix – Qualifying Session Provisional Classification". FIA.com. Fédération Internationale de l'Automobile. 6 June 2015. Arquivado dende o orixinal o 6 June 2015. Consultado o 6 June 2015. 
  18. "Formula 1 Grand Prix Du Canada 2015 – Race results". Formula1.com. Formula One Administration. 7 June 2015. Consultado o 7 June 2015. 

Véxase tamén[editar | editar a fonte]

Ligazóns externas[editar | editar a fonte]


Carreira anterior:
Gran Premio de Mónaco de 2015
Campionato Mundial de Fórmula 1 da FIA
Temporada 2015
Carreira seguinte:
Gran Premio de Austria de 2015
Carreira anterior:
Gran Premio do Canadá de 2014
Gran Premio do Canadá Carreira seguinte:
Gran Premio do Canadá de 2016