Aaron Ciechanover

Aaron Ciechanover אהרון צ'חנובר
Aaron Ciechanover
Nacemento	1 de outubro de 1947 (65 anos) Haifa Israel
Residencia	Israel
Nacionalidade	israeli
Campo	Bioloxía
Alma mater	Universidade Hebrea de Xerusalén
Cónxuxe	Menucha Ciechanover
Coñecido por	Ubiquitina
Premios: premio Lasker (2000) Premio Nobel de Química (2004)

Aaron Ciechanover (en hebreo: אהרון צ'חנובר) nado o 1 de outubro de 1947 en Haifa (Israel) é un biólogo israelí galardoado co Premio Nobel de Química do ano 2004.

Biografía

Naceu nunha familia polaca xudía que fuxiu do seu país logo da Segunda Guerra Mundial. Estudou Medicina na Universidade Hebrea de Xerusalén, onde se licenciou en 1974, e posteriormente realizou o doutoramento en Bioloxía no Instituto Tecnolóxico Israelí (Technion) en 1982. Actualmente é docente no departamento de Bioquímica e dirixe o Instituto Rappaport de Investigación en medicina no Technion.

Investigacións científicas

Interesado na degradación das proteínas, xunto a Avram Hershko no seu Laboratorio de investigación no Technion observou como esta degradación era regulada pola ubiquitina, unha pequena proteína que aparece de forma natural nas células eucariotas. Por este descubrimento en 2004 foi galardoado, xunto con Avram Hershko e Irwin Rose, co Premio Nobel de Química.

En 2000 recibiu o premio Lasker á investigación básica en medicina.

Notas

• Hershko, A., Ciechanover, A., and Rose, I.A.. "Proposed role of ATP in protein breakdown: Conjugation of proteins with multiple chains of the polypeptide of ATP-dependent proteolysis". 
• Hershko, A., Ciechanover, A., and Rose, I.A.. "Resolution of the ATP-dependent proteolytic system from reticulocytes: A component that interacts with ATP". 

Véxase tamén

Ligazóns externas

• Páxina do Instituto Nobel, Premio Nobel de Química 2004 (en inglés)
• Autobiografía na páxina do Instituto Nobel 2004 (en inglés)
• Perfil de Aaron Ciechanover en NNDB (en inglés)

De esquerda á dereita: Irwin Rose, Avram Hershko e Aaron Ciechanover na cidade de Estocolmo en 2004 con motivo da entrega dos Premios Nobel.

Predecesor: Roderick MacKinnon, Peter Agre

Premio Nobel de Química 2004 con Irwin Rose e Avram Hershko

Sucesor: Robert H. Grubbs, Richard R. Schrock e Yves Chauvin