Marie Curie
 Marie Curie |
|||
|---|---|---|---|
 Premio Nobel de Física e de Química |
|||
| Nacemento | 7 de novembro de 1867 Varsovia,  Polonia |
||
| Morte | 4 de xullo de 1934 Passy,  Francia |
||
| Residencia | Polonia Francia |
||
| Nacionalidade | Franco-polonesa | ||
| Campo | Física e química | ||
| Alma mater | La Sorbonne e o ESPCI | ||
| Cónxuxe | Pierre Curie | ||
| Director tese | Henri Becquerel | ||
| Alumnos tese | André-Louis Debierne Émile Henriot Marguerite Catherine Perey |
||
| Coñecido por | Radioactividade | ||
| Influído por | Pierre Curie | ||
|
|||
| A única persoa en recibir dous premios Nobel en distintos campos científicos. Á parte dela, Linus Pauling obtivo dous Nobel diferentes, un deles non científico (Paz) e John Bardeen recibiu dous premios Nobel de Física. | |||
Marie Curie, nada Maria Skłodowska en Varsovia o 7 de novembro de 1867 e falecida en Passy, Francia, o 4 de xullo de 1934, foi unha física franco-polonesa. Pioneira no campo da radiactividade, foi a primeira persoa en recibir dous premios Nobel e a primeira muller en ser profesora na Universidade de París.
Índice |
Biografía [editar]
Naceu en Zarato de Polonia, Varsovia (baixo o reinado do Imperio Ruso), onde viviu ata os 24 anos. En 1891 trasladouse a París para continuar os seus estudos. Fundou o Instituto Curie en París e en Varsovia. Estivo casada co físico Pierre Curie e foi nai de Irène Joliot-Curie (ambos tamén galardoados con senllos Premios Nobel). Pierre Curie morreu nun accidente a mañá do 19 de abril de 1906, ao ser atropelado por un coche de cabalos nunha rúa de París cando se dirixía ao seu laboratorio.
Traxectoria [editar]
Posiblemente sexa a científica máis coñecida da historia. Xunto co seu marido Pierre Curie e Henri Becquerel, recibiu en 1903 o Premio Nobel de Física (sendo a primeira muller en recoller un Nobel) e en 1911 o de Química (sendo a primeira persoa en recibir dous) polos seus traballos sobre o Radio.
Estudou Física e Química na Universidade da Sorbona, en París, da que foi a primeira profesora nos tempos modernos e onde coñeceu o seu marido e compañeiro de investigacións, Pierre Curie. Xuntos investigaron os materiais radiactivos, en particular un composto do Uranio, a pechblenda, coa particularidade de ser máis radiactivo có uranio do que era extraído. En 1898 chegou á conclusión de que este composto debía conter trazas dun elemento moito máis radiactivo có uranio, anunciando o 26 de decembro dese ano a existencia dunha nova substancia. Despois de numerosos anos de labor incesante, durante os que tratou moitas toneladas de pechblenda, foi concentrando progresivamente e logo illando dous compostos radiactivos, primeiro como cloruro e logo como elemento puro. Nomeounos Polonio, polo seu país de orixe, e Radio, pola súa intensa radiactividade.
O Nobel en Física concedéuselle "en recoñecemento dos servizos rendidos, pola súa investigación común sobre o fenómeno de radiacións, descuberto polo profesor Henri Becquerel". O de Química, "en recoñecemento dos servizos para o avance da química pola descoberta de novos elementos: o radio e o polonio, polo estudo da súa natureza e dos seus compostos".
Morreu de leucemia no Sanatorio Sancellemoz en Passy, Francia.
O 21 de abril de 1995, as súas cinzas e as do seu marido foron enterradas no Panteón de París, converténdose así na primeira muller en ser enterrada alí.
Con posterioridade a ela, Linus Pauling converteuse na outra única persoa que ten concedidos dous Nobel.
Véxase tamén [editar]
Outros artigos [editar]
Ligazóns externas [editar]
- Páxina web do Instituto Nobel, Premio Nobel de Química 1911 (en inglés)
- Perfil de Marie Curie en NNDB (en inglés)
- Proxecto Curie (en castelán)
| Predecesor: Hendrik Lorentz Pieter Zeeman |
Premio Nobel de Física 1903 con Pierre Curie e Henri Becquerel |
Sucesor: John William Strutt |
| Predecesor: Otto Wallach |
Premio Nobel de Química 1911 |
Sucesor: Victor Grignard Paul Sabatier |
|
|||||||||||||||||
