Adolf Butenandt

; Adolf Friedrich Johann Butenandt
	; Adolf Friedrich Johann Butenandt en 1939
Nacemento	24 de marzo de 1903; Lehe, Bremerhaven Alemaña
Morte	18 de xaneiro de 1995; Múnic Alemaña
Residencia	Alemaña
Nacionalidade	Alemán
Campo	Química orgánica e Bioquímica;
Alma mater	Universidade de Marburg; Universidade de Gotinga;
Cónxuxe	Erika Ziegner (1931);
Director tese	Adolf Windaus;
Coñecido por	Investigar as hormonas sexuais humanas;
Premios:
	Premio Nobel de Química (1939);

Adolf Friedrich Johann Butenandt nado o 24 de marzo de 1903 en Lehe Bremerhaven, (Alemaña) e finado o 18 de xaneiro de 1995 en Múnic, foi un bioquímico e profesor universitario alemán galardoado co Premio Nobel de Química do ano 1939.

Índice

Estudou na Universidade de Marburg e na Universidade de Gotinga, onde se graduou en 1927, tendo como profesor a Adolf Windaus. Desde 1931 impartiu clases na Universidade de Gotinga e desde 1933 na Escola Técnica Superior de Danzig.

En 1936 foi nomeado director do Instituto de Bioquímica de Max Planck (antes chamado Kaiser Wilhelm) en Berlín-Dahlem.

Desde 1945 impartiu clases e investigou na Universidade de Tubinga, e posteriormente entre 1956 e 1971, foi profesor de química fisiolóxica na Universidade de Múnic e presidente da Sociedade Max Planck para o Progreso da Ciencia entre 1960 e 1972.

Dedicouse a investigar as hormonas sexuais humanas, illando en 1929 o estróxeno, a androsterona en 1931 e a proxesterona e testosterona en 1934, determinando, así mesmo, as relacións entre estas e os esteroides.

Foi galardoado en 1939 co premio Nobel de Química, que compartiu con Leopold Ruzicka, polos seus traballos sobre as hormonas sexuais, pero o réxime nacionalsocialista no poder, obrigoulle a rexeitar tal galardón, que finalmente aceptou en 1949.

As súas investigacións, ademais, trataron sobre as hormonas e os virus dos insectos.

Predecesor: Richard Kuhn	Premio Nobel de Química 1939 con Leopold Ruzicka	Sucesor: George de Hevesy