Theodore William Richards

Theodore William Richards

Theodore William Richards
Biografía
Nacemento	31 de xaneiro de 1868 Germantown, Estados Unidos de América (en)
Morte	2 de abril de 1928 (60 anos) Cambridge, Massachusetts Estados Unidos
Lugar de sepultura	Cemitério de Mount Auburn (pt)
Datos persoais
Residencia	Estados Unidos
País de nacionalidade	estadounidense
Educación	Colexio Haverford Universidade Harvard
Director de tese	Josiah Parsons Cooke (pt)
Coñecido por	Peso atómico Termoquímica Electroquímica
Actividade
Campo de traballo	Química física
Ocupación	químico
Empregador	Universidade Harvard Universidade de Princeton
Membro de	Royal Society (Membro estranxeiro da Royal Society) (1919–) Academia Naciona de Ciencias dos Estados Unidos (Member of the National Academy of Sciences of the United States (en) ) (1899–) Asociación Americana para o Avance das Ciencias Real Academia das Ciencias de Suecia Academia Prusiana das Ciencias Academia das Artes e das Ciencias dos Estados Unidos
Alumnos	Gilbert N. Lewis
Lingua	Lingua inglesa
Obra
Doutorando	James Bryant Conant (pt) , Gilbert N. Lewis, Hobart H. Willard (pt) e Charles Phelps Smyth (pt)
Familia
Cónxuxe	Miriam Stuart Thayer (1896)
Pais	William Trost Richards (pt)   e Anna Matlack Richards (en)
Irmáns	Anna Richards Brewster (pt)
Premios
Premio Nobel de Química (1914) Medalla Davy (1010)
Lista (1922)  Medalha Lavoisier (pt) (26 de xuño de 1919)  Membro estranxeiro da Royal Society (1916)  Medalla Franklin (1914)  Premio Nobel de Química (1912)  Prêmio Willard Gibbs (pt) (1911)  Prêmio Faraday (pt) (1910)  Medalla Davy

Theodore William Richards, nado en Germantown, Pensilvania, (USA) o 31 de xaneiro de 1868 e finado en Cambridge, Massachusetts, (USA) o 2 de abril de 1928, foi un químico e profesor universitario estadounidense galardoado co Premio Nobel de Química de 1914.

Traxectoria

Os seus pais foron William T. Richards, pintor de paisaxes e mariñas, e Anna Matlack, poetisa. Foi educado primeiramente pola súa nai e viaxou a Inglaterra e Francia. En 1883 entrou no Colexio Haverford, en Pennsylvania, graduándose en ciencias en 1885 e accedendo á Universidade Harvard. Tras obter o doutoramento en 1888, pasou un ano en Alemaña, onde estudou con Victor Meyer, tomando clases nas universidades de Leipzig e Gotinga, e na Escola Técnica de Dresde.

De volta a Harvard, en 1891 foi nomeado profesor asistente de química, instrutor e, finalmente, profesor en 1901. En 1912 adxudicóuselle a cátedra Erving de química e a dirección do Laboratorio Wolcott Gibbs.

Investigacións científicas

En 1914 foi galardoado co Premio Nobel de Química polos seus traballos para a determinación dos pesos atómicos de máis de vinte e cinco elementos con catro cifras decimales. En 1914 descubriu un isótopo do chumbo, acreditándose, desta forma, como un dos pioneiros da isotopía.

Formou parte da Comisión Internacional de Pesos Atómicos. Realizou tamén notables traballos nos campos da termoquímica, a electroquímica, a termometría e a calorimetría, así como sobre a dilatación e compresión dos gases. O profesor Richards recibiu diversas honras e doutoramentos honoris causa ao redor de todo o mundo.

Moitos dos seus traballos foron publicados nos Proceedings da Academia Americana de Artes e Ciencias, que presidiu entre 1919 e 1921.

Véxase tamén

Ligazóns externas

• Páxina web do Instituto Nobel, Premio Nobel de Química 1914 (en inglés)
• Biografía na páxina do Instituto Nobel(en inglés)
• Perfil de Theodore William Richardsen NNDB (en inglés)

Predecesor: Alfred Werner

Premio Nobel de Química 1914

Sucesor: Richard Martin Willstätter