Lingua hebrea

Hebreo (עברית - `Ivrit)
Falada en:	Israel e países con poboación xudía
Rexión do planeta:	Oriente Próximo (principal)
Total de falantes:	5 millóns
Posición:	Non figura entre as 100 linguas máis faladas
Família lingüística:	Afroasiático   Semítico    Semítico central     Semítico noroccidental      Cananita       Hebreo
Status oficial
Lingua oficial de:	Israel
Minorías considerables en:	Arxentina, Chile, Estados Unidos, Uruguai
Regulada por:	Academia da Lingua Hebrea (האקדמיה ללשון העברית)
Codificacións
ISO 639-1	he
ISO 639-2	heb
Véxase tamén: Linguas do mundo – Linguas afroasiáticas – Lingua

O hebreo é unha lingua semítica da familia das linguas afroasiáticas falada por uns cinco millóns de persoas en Israel (que representan o 95% do total) e entre 2 ou 3 millóns falao a comunidade xudía na diáspora, o que da un total de oito millóns de falantes de hebreo.

O hebreo é, xunto co árabe, unha das dúas linguas oficiais de Israel e é falada pola maioría da súa poboación.

Historia

O hebreo é unha macrolingua con case 30 séculos de historia escrita. Obviamente nun período tan longo a lingua sufriu procesos de cambio lingüístico que fan do hebreo antigo e o hebreo actual, máis que a mesma lingua poidan considerarse linguas emparentadas pero que difiren na pronunciación na gramática e no léxico. Nun sentido parecido, o latín e as linguas románicas son linguas claramente emparentadas pero difiren nun número de aspectos, a tal punto que os modernos falantes non poden comprender o latín clásico sen unha aprendizaxe específica dos elementos básicos da lingua antiga.