Miguel-Anxo Murado
Miguel-Anxo Murado López, nado en Lugo o 2 de maio de 1965, é un escritor, xornalista e guionista galego.
Índice |
[editar] Traxectoria
Estudou Xeografía e Historia, especializándose en Arqueoloxía. En 1983 gañou o premio Café Gijón de novela curta en castelán con Metamorfosis benezianas. En 1985 publicou o seu primeiro libro en galego, Bestiario dos descontentos, un conxunto de relatos, ao que seguíu en 1986 De soños e derribos (máis tarde titulado Memoria de derribos), Ruído. relatos de guerra (1995), Mércores de cinza (1997), Caderno de Xapón (2000), Lapidario (2003) e O soño da febre (2007). Foi guionista de series como Pratos combinados e Mareas vivas e de longrametraxes como La ley de la frontera (Adolfo Aristain) e Fisterra (Xavier Villaverde).
Como xornalista foi director de Radio Círculo (Madrid) e correspondente de guerra nos Balcáns (1991-1993). Residiu durante varios anos en Oriente Medio, onde, traballando para as Nacións Unidas, foi sucesivamente xefe de relacións exteriores do Ministerio de Medio Ambiente de Palestina e do Ministerio para Belén 2000. Máis adiante foi correspondente en Xerusalén do diario El Mundo durante os tres primeiros anos da Intifada. Actualmente é articulista de La Voz de Galicia.
É irmán do pintor Antonio Murado.
[editar] Recoñecementos
En 2008 recibiu o Premio da Crítica Galicia, dentro da sección de Creación Literaria, o Premio da Asociación de Escritores en Lingua Galega e o Premio Losada Díeguez pola súa obra O soño da febre. En 2009 recibiu de novo o Premio da Asociación de Escritores en Lingua Galega, o Premio Ánxel Casal e o Premio Frei Martín Sarmiento por Fin de século en Palestina.
[editar] Obras
[editar] En galego
[editar] Narrativa
- De soños e derribos, 1986. Publicado como Memoria de derribos en 1993, Galaxia.
- Ruído. Relatos de guerra, 1995, Galaxia.
- Mércores de cinza, 1997, Galaxia.
- O soño da febre, 2007, Galaxia.
- Fin de século en Palestina, 2008, Galaxia.
[editar] Poesía
- Bestiario dos descontentos, 1985, Xerais, ilustrado por Antonio Murado.
- Lapidario dos heteredoxos, 1990, Sociedade de Cultura Valle-Inclán. 2ª edición aumentada en 2000, Xerais.
[editar] Teatro
[editar] Ensaio
- Luis Pimentel, unha fotobiografía, 1990, biografía de Luís Pimentel, Xerais.
- Caderno de Xapón, 2000, Galaxia.
[editar] Tradución
- As cidades invisibles, de Italo Calvino, 2000, Xerais.
[editar] Obras colectivas
- O relato breve. Escolma dunha década (1980-1990), 1990, Galaxia.
- Berra liberdade, 1996, Galaxia.
- Materia prima, 2002, Xerais.
- From the beginning of the sea (De onde comeza o mar), 2008, Foreign Demand.
