Tom Sharpe

Na Galipedia, a Wikipedia en galego.
Tom Sharpe
AlcumeTom Sharpe
Nacemento30 de marzo de 1928
Lugar de nacementoHolloway
Falecemento6 de xuño de 2013 e 2013
Lugar de falecementoLlafranc
NacionalidadeReino Unido
Alma máterLancing College, Pembroke College e Bloxham School
Ocupaciónescritor, guionista, novelista, mestre, fotógrafo, humorista e activista político
Coñecido porWilt, Porterhouse Blue e Blott on the Landscape
PremiosPeix Fregit Award
Na rede
IMDB: nm0789274 Allmovie: p314737
Discogs: 2062639 Find a Grave: 111853344 Editar o valor em Wikidata
editar datos en Wikidata ]

Thomas Ridley Sharpe, nado en Londres o 30 de marzo de 1928 e finado en Llafranc (provincia de Girona) o 6 de xuño de 2013, foi un escritor inglés, máis coñecido como Tom Sharpe.

Traxectoria[editar | editar a fonte]

A súa infancia e mocidade estiveron marcadas por unha rabia crónica. A súa nai, enferma, non se podía ocupar del. O seu pai, párroco británico, pasou do socialismo ó nacionalsocialismo. Estudou na Universidade de Cambridge.

Logo de realizar o servizo militar trasladouse a Suráfrica en 1951, dedicándose a realizar traballos sociais e ó ensino en KwaZulu-Natal. En 1961 escribiu e representou unha obra en contra do réxime do apartheid. Debido a isto foi encarcerado na prisión de Pietermaritzburg acusado de "político subversivo" e "comunista perigoso", e máis tarde foi deportado por actividades "antigubernamentais". Da súa experiencia en África obtivo a inspiración para escribir Riotous Assembly e Indecent Exposure. Entre 1963 e 1972 traballou como profesor de historia no Colexio de Cambridge das Artes e a Tecnoloxía. Recibiu o Gran Premio do Humor Negro en 1986.

Literatura[editar | editar a fonte]

Nas súas novelas encóntrase un humor corrosivo, mesmo ás veces cruel, que divide ós seus lectores entre os que o consideran moi ofensivo e os que pensan que é un mestre do humor. A súa temática é variada, desde os xa mencionados libros inspirados no apartheid, ata os que critican o sistema educativo (Wilt e secuelas), o snobbismo da clase inglesa (Ancestral Vices e Porterhouse Blue), o mundiño literario (The Great Pursuit), extremismos políticos de todo tipo, a burocracia e a estupidez en xeral. Os seus personaxes usan moitas veces unha linguaxe vulgar e explícita e practican toda clase de actos sexuais. Outras veces ridiculiza a forma de falar ou de comportarse de determinados grupos sociais.

Éxito[editar | editar a fonte]

As súas obras foron traducidas a 22 idiomas, vendendo máis de 10 millóns de exemplares. Mesmo algunha delas (Porterhouse Blue e Blott on the Landscape) foron adaptadas como series de televisión. Wilt foi levada ó cine en 1989 por Michael Tuchner.

Obras[editar | editar a fonte]

Saga de Wilt[editar | editar a fonte]