Frankfurt

Frankfurt
	Frankfurt am Main (de)
	Brasón
Alcume	Bankfurt e Mainhattan
Localización
	50°06′38″N 8°40′56″L / 50.1106, 8.6822
Estado	Alemaña
Estado federado	Hessen
Regierungsbezirk	Rexión de Darmstadt
Capital de	Francia orientalis ; Confederación do Rin ; Império Alemão (1848–1849) (pt)
Contén a división administrativa	Frankfurt-Bergen-Enkheim (en) ; Frankfurt-Bornheim/Ostend ; Frankfurt-Harheim (en) ; Frankfurt-Innenstadt II (en) ; Frankfurt-Innenstadt III (en) ; Frankfurt-Kalbach-Riedberg (en) ; Frankfurt-Mitte-Nord (en) ; Frankfurt-Mitte-West (en) ; Frankfurt-Nieder-Eschbach (en) ; Frankfurt-Nord-Ost (en) ; Frankfurt-Nord-West (en) ; Frankfurt-Ost (en) ; Frankfurt-Süd (en) ; Frankfurt-West (en) ; Innenstadt I ; Nieder-Erlenbach
Poboación
Poboación	775.790 (2023) (3.124,28 hab./km²)
Lingua usada	lingua alemá ; Q56219351
Xeografía
Parte de	Stadtregion Frankfurt (en)
Superficie	248,31 km²
Bañado por	Río Main
Altitude	112 m-101 m
Punto máis alto	Berger Warte (en) (212 m)
Punto máis baixo	valor descoñecido (88 m)
Comparte fronteira con	Offenbach am Main ; Main-Taunus (pt) ; Distrito do Alto Taunus ; Groß-Gerau (pt) ; Offenbach (pt) ; Wetteraukreis ; Main-Kinzig (pt) ; Bad Vilbel
Creación	século I
Organización política
Órgano executivo	Magistrat of Frankfurt (en)
• Xefe do goberno	Mike Josef (pt) (2023–)
Órgano lexislativo	city council assembly of Frankfurt (en) , (Escano: 93)
Membro de	Umlandverband Frankfurt (en) ; International Association for Sports and Leisure Facilities (en) ; Rede Internacional de Cidades de Refuxio ; WAGEV ; Landeswohlfahrtsverband Hessen (pt) ; Hessischer Städtetag ; Alcaldes pola Paz (1984–); Alianza Climática (1992–)
Orzamento	4.730.590.000 € (2023)
Identificador descritivo
Código postal	60308–60599 e 65929–65936
Fuso horario	UTC+01:00, horario estándar; UTC+02:00, horario de verán
Prefixo telefónico	6109, 6101 e 69
Código NUTS	DE712
Clave de rexión en Alemaña	064120000000
Número de municipio alemán	06412000
Outro
Irmandado con	Cracovia (1991–)
Sitio web	frankfurt.de

Para a outra cidade chamada Frankfurt vexa Frankfurt do Oder.

Frankfurt^[1] (en alemán: Frankfurt am Main; para a distinguir de Frankfurt do Oder) é a cidade máis importante do Estado federado de Hessen (Alemaña), aínda que a capital administrativa é Wiesbaden.

Frankfurt forma o núcleo urbano da rexión Rin-Meno.

Historia

Artigos principais: Historia de Frankfurt am Main e Historia urbana de Frankfurt.

O nome vénlle dos tempos das tribos xermánicas. Significa o vado (Furt) dos francos (Frank-en), unha tribo xermánica occidental.

O Imperio Romano, na súa extensión máxima, chegou a incluí-la cidade, aínda que por pouco tempo. O emperador Carlomagno habitou varias veces nesta cidade. Durante o Sacro Imperio Romano Xermánico foi sede de moitas eleccións imperiais e entre 1562 e 1792 foi a cidade do coroamento do Emperador. Logo foi a capital da Confederación do Rin, e máis adiante a da Confederación Xermánica.

Prusia anexionou a cidade en 1866, cinco anos antes de gaña-la guerra franco-prusiana, cuxo tratado de paz, que desembocou na creación de Alemaña como país unido, foi asinado en Frankfurt o 10 de maio de 1871.

Ó igual que a maioría das cidades alemás, Frankfurt foi escachizada polos bombardeos dos aliados durante a segunda guerra mundial.

A metrópole converteuse no centro da rexión Rin-Meno, unha das máis produtivas e dinámicas de Alemaña, que conta aproximadamente 5 millóns de habitantes, entre os que se destaca a maior proporción de estranxeiros do país.

Capital financeira da Unión Europea

O Banco Central Europeo (BCE), unha das institucións máis representativas da Unión Europea (UE), ten a súa sede principal en Frankfurt. Os órganos reitores do BCE (Consello de Goberno e Comité Executivo) dirixen o Sistema Europeo de Bancos Centrais (SEBC), cuxas funcións consisten en administra-la masa monetaria, conduci-las operacións en divisas, conservar e administra-las reservas oficiais de divisas dos Estados membros e garanti-lo bo funcionamento dos sistemas de pago. O euro manéxase dende esta cidade.

Un moderno edificio, que deberá alberga-la sede do BCE a partir de 2007, se constrúe actualmente a beiras do Main sobre terreos anteriormente ocupados pola central de mercado.

Ademais, Frankfurt é o centro financeiro do país e alberga a Bolsa alemá (Deutsche Börse AG) e o banco federal de Alemaña (Deutsche Bundesbank). Nela encóntrase a sede de máis de 370 bancos, e os mercados financeiros máis importantes do mundo mercan e venden aquí a diario as súas accións. Este feito e o estar a beiras do río Main fai que se coñeza tamén como "Mainhattan", en referencia ó distrito neoiorquino de Manhattan.

Ver: Asuntos institucionais e política na Unión Europea - Economía da Unión Europea - Edificio do Banco Central Europeo

Lugares de interese

Casa natal de Goethe.
Paulskirche: aquí en 1848 inaugurouse o primeiro parlamento alemán libremente elixido.
Zeil-Galerie: suba á última planta e goce dunha das mellores vistas.
Museumsufer: zona que ofrece museos en ambas marxes do río. Entre eles destacan o Museo do Cine, o Museo de Arquitectura, o Museo de Artes Aplicadas e o Caricatura Museum für Komische Kunst.
Römerberg: centro antigo de Frankfurt, detalladamente restaurado.
Sachsenhausen: o barrio máis típico e máis visitado. Ten unha gran variedade gastronómica, acolle a maioría dos restaurantes e das sidrerías da cociña francortiana.
Main Tower (Torre do Main): dende a terraza situada a 200 m de altura pódese gozar dunha vista estupenda. Sobre todo nos meses de outubro a marzo a partir vese a cidade totalmente iluminada. É unha vista única en Alemaña.
A Bolsa (Frankfurter Wertpapierbörse): diante do edificio preséntanse os símbolos da bolsa: un touro (polo alza) e un oso (pola baixa).
Commerzbank-Tower: deseñado polo arquitecto Sir Norman Foster en 1997. Destacan os nove xardíns integrados nas plantas superiores. É o rañaceos máis alto de Europa.
Hauptwache: xurdiu en 1728 do plano do urbanista Johann Samheimer. Este edificio perdeu a súa función de prisión e hoxe alberga o café "Hauptwache" e un restaurante xaponés.
Feira Internacional do Libro: considerada a máis importante do mundo. Lévase a cabo unha vez ó ano.
Commerzbank-Area (chamado ata o 1 de xullo de 2005 Frankfurter Waldstadion): estadio de fútbol que xa albergou numerosas competicións, como o Mundial de fútbol de 1974, a Copa Confederaciones 2005 e a Copa Mundial de Fútbol de 2006.
Torre da Feira, "Messeturm": deseñada polo arquitecto Helmut Jahn. Frankfurt é o centro das feiras, e grazas a elas, case tres millóns de persoas visitan a cidade tódolos anos para ve-la Feira da Música ou a Feira do Automóbil (IAA - Internationale Automobil Ausstellung).

Transportes

O Aeroporto de Frankfurt (Flughafen Frankfurt am Main, localizado a 12Km do centro da cidade) é unha referencia internacional e os seus máis de 50 millóns de pasaxeiros ó ano convérteno no segundo aeroporto máis transitado de Europa, soamente superado polo Aeroporto de Heathrow, de Londres. Ten catro pistas e está considerado o mellor aeroporto de carga do mundo. Así mesmo, é o aeroporto no que opera o maior número de liñas aéreas internacionais.

Malia o que poida parecer polo seu nome, o Aeroporto de Frankfurt-Hahn (Flughafen Frankfurt-Hahn) áchase a aproximadamente 120 km da cidade de Frankfurt, en Lautzenhausen. O aeroporto é unha base principal da compañía Low-cost Ryanair. Tan só se chega a el por estrada. Conta cun bus a cada hora dende a Estación Central de Frankfurt, que fai o traxecto nunha hora 45 minutos.

Ó igual que Berlín, Frankfurt puxo en funcionamento un completo sistema de bicitaxi, transporte alternativo e ecolóxico.

Pola súa banda, o Metro de Frankfurt posúe sete liñas e 58,7 quilómetros de lonxitude.

Frankfurt de noite
Torres do Deutsche Bank
Commerzbank-Tower e a Main Tower

Notas

↑ Definicións no Dicionario da Real Academia Galega e no Portal das Palabras para frankfurtés.

Véxase tamén

Ligazóns externas

Páxina oficial de Frankfurt Arquivado 16 de xullo de 2012 en Wayback Machine. (en alemán)

↑ "Mitgliedsstädte". Deutscher Städtetag (en alemán). 31 de decembro de 2022. Consultado o 27 sw maio de 2025.

[1] Definicións no Dicionario da Real Academia Galega e no Portal das Palabras para frankfurtés.

[2] "Mitgliedsstädte". Deutscher Städtetag (en alemán). 31 de decembro de 2022. Consultado o 27 sw maio de 2025.

[1]

[1]

Listaxe	Cidade	Estado	Pob.	Listaxe	Cidade	Estado	Pob.
1	Berlín	Berlín	3 662 381	11	Bremen	Bremen	584 332
2	Hamburgo	Hamburgo	1 892 122	12	Dresden	Saxonia	563 019
3	Múnic	Baviera	1 512 491	13	Hannover	Baixa Saxonia	545 045
4	Colonia	Renania do Norte-Westfalia	1 084 831	14	Nürnberg	Baviera	523 026
5	Frankfurt	Hessen	773 068	15	Duisburgo	Renania do Norte-Westfalia	503 185
6	Stuttgart	Baden-Württemberg	632 865	16	Wuppertal	Renania do Norte-Westfalia	358 876
7	Düsseldorf	Renania do Norte-Westfalia	616 319	17	Bochum	Renania do Norte-Westfalia	357 024
8	Leipzig	Saxonia	616 093	18	Bielefeld	Renania do Norte-Westfalia	331 519
9	Dortmund	Renania do Norte-Westfalia	601 343	18	Bonn	Renania do Norte-Westfalia	327 913
10	Essen	Renania do Norte-Westfalia	584 580	20	Münster	Renania do Norte-Westfalia	320 946
Datos do censo a 31 de decembro de 2022^[1]