Hugh David Politzer
| Nome orixinal | (en) Hugh David Politzer  |
|---|---|
| Biografía | |
| Nacemento | 31 de agosto de 1949 Nova York, Estados Unidos de América |
| Datos persoais | |
| Residencia | California |
| País de nacionalidade | Estados Unidos de América |
| Educación | Universidade de Míchigan Universidade Harvard |
| Director de tese | Sidney Coleman (pt)  |
| Actividade | |
| Campo de traballo | Física |
| Ocupación | físico , profesor universitario , científico nuclear , físico teórico |
| Empregador | Instituto Tecnolóxico de California |
| Membro de | |
| Profesores | Sidney Coleman (pt) |
| Lingua | Lingua inglesa |
| Obra | |
Obras destacables | |
| Premios | |
| Premio Nobel de Física (2003) | |
 | |
Lista
| |
Hugh David Politzer, nado en Nova York o 31 de agosto de 1949, é un físico teórico norteamericano. Compartiu o Premio Nobel de Física de 2004 xunto a David J. Gross e Frank Wilczek polo descubrimento da liberdade asintótica na cromodinámica cuántica.
Traxectoria[editar | editar a fonte]
Graduouse na Bronx High School of Science en 1966 e recibiu o seu título da Universidade de Míchigan en 1969 e o seu doutoramento en física na Universidade Harvard en 1974. No seu primeiro artigo publicado en 1973, Politzer describiu o fenómeno da liberdade asintótica: mentres máis próximos estean os quarks menor é a interacción forte entre eles; cando os quarks están extremadamente próximos a interacción nuclear entre eles é tan débil que se comportan case como partículas libres. A liberdade asintótica, descuberta independentemente case ao mesmo tempo por David Gross e Frank Wilczek, foi importante para o descubrimento da cromodinámica cuántica, a teoría das interaccións nucleares fortes. Con Thomas Appelquist, Politzer xogou un rol importante ao predicir a existencia do charmonium, unha partícula elemental composta dun quark encanto (charm) e o seu antiencanto. Os experimentadores chaman a isto partícula J/Ψ.
Politzer foi bolseiro júnior na Harvard Society of Fellows entre 1974 e 1977 para logo irse ao Instituto Tecnolóxico de California (Caltech) onde actualmente é profesor de física teórica. Traballou como actor menor na película Fat Man and Little Boy no rol dun físico.
