Mar Mediterráneo

Localización do mar Mediterráneo.

O mar Mediterráneo, vista de satélite.

Mapa do Mar Mediterráneo.

Estreito de Xibraltar, confluencia do mar Mediterráneo co Océano Atlántico.

O Mediterráneo é un mar interior do Atlántico oriental, comprendido entre Europa, Asia occidental e África setentrional. Con aproximadamente 2,5 millóns de km² e 3.860 km de lonxitude, é o mar interior máis grande do mundo.

O Mediterráneo está unido ao océano Atlántico polo estreito de Xibraltar ao oeste, ao mar de Mármara e ao mar Negro polos Dardanelos e o Bósforo ao leste. O mar de Mármara - pero non o mar Negro - é a miúdo considerado como parte do Mediterráneo. A canle de Suez ao sueste une o Mediterráneo co mar Vermello.

Illas

As principais illas do Mediterráneo son:

• Chipre, Creta e Rodas ao leste, coas outras pequenas illas do mar Exeo;
• Sardeña, Córsega, Sicilia e Malta no centro, acompañadas de outras pequenas illas, como o arquipélago das Eolias, como Lipari e Stromboli ou outras máis achegadas á costa, como Capri;
• Mallorca e Menorca ao oeste, formando o arquipélago das Baleares xunto con Eivissa e Formentera.

Límites

Os países e territorios que bordean o Mediterráneo son:

• Ao norte: Francia, Mónaco, Italia, Eslovenia, Croacia, Bosnia-Hercegovina, Montenegro, Albania, Grecia e Turquía;
• Ao leste: Líbano, Siria, Israel e a Faixa de Gaza;
• Ao sur: Exipto, Libia, Tunicia, Alxeria e Marrocos;
• Ao oeste: España e Xibraltar;
• No centro, illas que conforman estados independentes: Malta e Chipre.

Clima

O clima mediterráneo caracterízase en xeral por uns invernos húmidos e mornos, e por uns veráns secos.

Partes

O mar Mediterráneo está subdividido en pequenos mares, cada un coa súa propia designación (de oeste a este):

• O mar de Alborán, entre España e Marrocos.
• O mar Menor, ao sueste de España, entre Cartagena e San Pedro del Pinatar.
• O mar Balear, entre a costa este da Península Ibérica e as Illas Baleares.
• O mar de Sardeña, entre a costa oeste de Sardeña e as illas Baleares.
• O mar de Liguria, entre Córsega e Liguria (Italia)
• O mar Tirreno, entre a costa este de Sardeña, a península Itálica e a costa norte de Sicilia.
• O mar Adriático, entre a península Itálica e as costas de Eslovenia, Croacia, Bosnia e Montenegro.
• O mar Xónico, entre a península Itálica, Grecia e Albania.
• O mar Exeo, entre Grecia e Turquía.
• O mar de Libia, entre os golfos de Sidra e Gabés, en Tunisia.
• O mar de Cilia, entre Turquía e Chipre.
• O canle de Sardeña, que separa a costa sur de Sardeña da costa norte de Tunisia.
• O canle de Sicilia, que separa a costa oeste de Sicilia da costa este de Tunisia.