Mar Menor

Na Galipedia, a Wikipedia en galego.
Localización da lagoa interior chamada Mar Menor.
Vista por satélite do Mar Menor

O Mar Menor é unha lagoa de auga salgada de España, situada xunto ao mar Mediterráneo, na rexión de Murcia. Os seus especiais características ecolóxicas e naturais fan do Mar Menor unha paraxe natural único e o lago de auga salgada maior de Europa.

Xeografía[editar | editar a fonte]

De forma semicircular, está separado do mar Mediterráneo por unha franxa de area de 22 km de lonxitude e de entre 100 e 1.200 m de anchura, denominada La Manga del Mar Menor. No seu perímetro litoral conta con 73 km de costa, na que se van sucedendo praias de augas transparentes e pouco profundas (a profundidade máxima non é superior a 7 m), e ten 170 km² de superficie.

As illas Perdiguera e Mayor

No seu límite inferior de atopa cabo de Palos co seu característico faro. Na súa zona sur atópanse cinco illas ou illotes de orixe volcánico: tres son as chamadas illas maiores: illa Perdiguera, illa Mayor ou do Barón e illa do Ciervo; e dúas illas menores, illa Redonda e illa do Sujeto.

As costas que baña o Mar Menor pertencen aos municipios de San Javier (lugar de Santiago de la Ribera), San Pedro del Pinatar (lugar de Lo Pagán), Los Alcázares e Cartagena (lugares de Los Urrutias, Los Nietos e La Manga).

Convención de Ramsar[editar | editar a fonte]

A lagoa e os seus humidais periféricos, foron designados polas Nacións Unidas como Zona Especialmente Protexida de Importancia para o Mediterráneo (Convenio de Barcelona). Trátase do Humidal RAMSAR número 706.

Espazos protexidos[editar | editar a fonte]

No seu parte norte atópase o parque natural das Salinas e Arenais de San Pedro del Pinatar.

A paisaxe protexida denominado «Illas e espazos do Mar Menor» comprende as illas e varias áreas ribeiregas e humidais periféricos próximos, como a praia de la Hita, o saladar de Lo Poyo, a mariña del Carmolí, as salinas de Marchamalo e a praia de la Amoladera, ademais dos cabezos do Carmolí e San Ginés. Así mesmo, dentro da delimitación do Humidal Ramsar inclúe parte do Parque Rexional de Calblanque, Monte de las Cenizas e Peña del Águila, en concreto, o «Humidal das Salinas de Rasall ou Calblanque».

Especies[editar | editar a fonte]