Bibcode

Na Galipedia, a Wikipedia en galego.

O bibcode é un identificador empregado por numerosas bases de datos astronómicas para citar referencias bibliográficas. O bibcode foi desenvolvido para ser empregado no SIMBAD e a Base de datos de obxectos extragalácticos NASA/IPAC (NED), pero úsase máis amplamente no Sistema de Datos Astrofísicos, tamén da NASA.[1][2]

O código ten unha lonxitude fixa de 19 caracteres e ten a forma:

YYYYJJJJJVVVVMPPPPA

onde YYYY son os catro díxitos do ano de publicación da referencia, JJJJJ é un código que indica a publicación de procedencia da referencia, VVVV o número do volume, M a sección da publicación, por exemplo L indica a sección de cartas, PPPP indica a páxina de comezo da referencia e A é a primeira letra do apelido do primeiro autor. Úsanse puntos para encher os campos non empregados ou para completar campos onde a lonxitude do código sexa máis curto que os espazos reservados a el. A alineación faise á dereita para o código de publicación e á esquerda para o número de volume e de páxina.[1][2]

Exemplos de codificación:

Bibcode:        Referencia:
1974AJ.....79..819H   Heintz, W. D., Astrometric study of four visual binaries, The Astronomical Journal 79 (1974), pp. 819–825.
1924MNRAS..84..308E   Eddington, A. S., On the relation between the masses and luminosities of the stars, Monthly Notices of the Royal Astronomical Society 84 (1924), pp. 308–332.
1970ApJ...161L..77K   Kemp, James C., Swedlund, John B., Landstreet, J. D., and Angel, J. R. P., Discovery of Circularly Polarized Light from a White Dwarf, Astrophysical Journal 161 (1970), pp. L77–L79.

Notas[editar | editar a fonte]

  1. 1,0 1,1 Schmitz,M.; Helou G.; Dubois, P.; LaGue, C.; Madore, B.; Corwin Jr., B.H.; Lesteven,S. (1995). "NED and SIMBAD Conventions for Bibliographic Reference Coding" (en inglés). Information & On-Line Data in Astronomy.. p. 259. ISBN 0-7923-3659-3. http://cdsweb.u-strasbg.fr/simbad/refcode/refcode-paper.html. Consultado o 1 de xaneiro de 2010.
  2. 2,0 2,1 "SAO/NASA ADS Help Pages. The ADS data". http://adsabs.harvard.edu/abs_doc/help_pages/data.html. Consultado o 1 de xaneiro de 2010.

Véxase tamén[editar | editar a fonte]

Outros artigos[editar | editar a fonte]