Río Ródano

Ródano
O río por Beaucaire.
País	Suíza Francia
Rexión	n/d
Nacemento	Glaciar do Ródano (Alpes suízos)
Altitude	n/d
Lonxitude	812
Caudal medio	1.820
Conca	95.500
Desembocadura	Mar Mediterráneo

O Ródano é o máis salientable dos cinco ríos franceses e un importante río europeo. Percorre 812 quilómetros entre Suíza e o mar Mediterráneo, dos que 231 km son suízos e 581 franceses.

Características

O Ródano nace en Suíza, na Furka, no macizo de San Gotardo, a 1.753 m de altitude, atravesa o lago Léman, despois discorre por Frnacia e desemboca nun delta no Mediterráneo. Discorre primeiramente nunha dirección leste-oeste (a súa parte máis alta corresponde ao cantón de Vallais; en Martigny o seu leito estréitase moito e remonta cara ao norte antes de embocar no Léman; sae polo cantón de Xenebra, onde recibe o Arve, despois penetra en Francia; o trazado do seu curso é sinuoso até os arredores de Lyon onde recibe o Saona; a partir desta cidade, discorre cara ao sur para se verter por un delta (Camargue) no mar Mediterráneo.

Afluentes

Principais afluentes:

• Río Arve
• Río Ain
• Río Saona
• Río Isère
• Río Drôme
• Río Ardèche
• Río Durance
• Río Aigues
• Río Ouvèze
• Río Gard

Principais cidades atravesadas polo Ródano

• Xenebra
• Lión
• Valence
• Aviñón

Principais vilas atravesadas polo Ródano

• Sion
• Montreux (na beira do lago Léman)
• Lausana (na beira do lago Léman)
• Évian-les-Bains (na beira do lago Léman)
• Thonon-les-Bains (na beira do lago Léman)
• Lyon
• Vienne
• Tournon
• Valence
• Montélimar
• Orange
• Aviñón
• Arlés

Deu nome aos departamentos do Ródano e de Bocas de Ródano, e tamén ó antigo departamento revolucionario de Ródano e Loira.