Islam

O islam (en árabe: الإسلام, al-Islām ) é unha relixión monoteísta, que xurdiu no século VII, baseada nos ensinamentos relixiosos de Mahoma (Muhammad), coa predicación de Mahoma no ano 622 á Meca, estendéndose logo rapidamente.

Os seguidores do Islam son coñecidos como musulmáns, do árabe muslim مسلم, 'que se somete'. En textos máis antigos, eran coñecidos como "mahometanos", mais este termo ten vindo a cair en desuso porque implica, incorrectamente, que os musulmáns adoran a Mahoma, o que torna o termo ofensivo para moitos musulmáns. A palabra Islam significa "submisión". Durante a Idade Media e, por extensión, nas lendas e narrativas populares cristiás, os musulmáns eran tamén designados como mouros ou sarracenos.

Os ensinamentos de Mahoma están contidos no Corán, ou Alcorán (Qur'an, "recitación" en árabe). Os musulmáns acreditan que Mahoma recebeu estes ensinamentos de Alá (a palabra árabe para Deus), por intermedio do anxo Xibreel (Arcanxo Gabriel) que Mahoma despois recitou para que outros pasasen a escrito, visto que o profeta era analfabeto. Alén do Corán, as crenzas e práticas do Islám baséanse na literatura dos hadith e a sunna, que para os musulmáns clarifican e explican os ensinamentos de Mahoma, que forman o Rexistro histórico das accións e as ensinanzas do Profeta.

O Islám, á semellanza do Xudaísmo e do Cristianismo, descende da tradición relixiosa do patriarca bíblico Abraham, e é clasificado como unha relixión abrahámica. O Islam non nega o Xudaísmo nen o Cristianismo senón que considera esas relixións monoteístas como parte da súa herdanza. Aceptan como libros sagrados a Torá (o Antigo Testamento dos cristiáns), os Libros de Salomón e os Evanxeos (o Novo Testamento). Teñen como profetas, entre outros, a Adán, Noé, Abraham, Moisés, Salomón e Xesús.

Ao contrario do xudaísmo e do cristianismo, o Islám non atravesou un período de gran reforma ou reformulación fundamental. A distinción occidental entre Igrexa e Estado é, en teoría, allea ao Islám.

O Islám inclúe instrucións que se relacionan con todos os aspectos da actividade humana, sexan políticos, sociais, financeiros, legais, militares ou interpersoais.

Véxase tamén

• Sharia
• Califato
• Os 99 nomes de Alá

Ligazóns externas

• cennet - Ligazóns Islam Especiais
• Islam Blog