Mar Báltico

Mar Báltico e países circundantes

O mar Báltico é un mar epicontinental situado ó norte de Europa, conectado co océano Atlántico (mar do Norte). Esténdese por unha superficie de 432.800 km². Dous golfos integran este espazo: o golfo de Botnia ó norte e o golfo de Finlandia ó leste.

Os países que bordean o mar Báltico son:

• Suecia ó noroeste;
• Dinamarca ó oeste;
• Alemaña e Polonia ó sur;
• Finlandia, Rusia, e os tres países bálticos (Estonia, Letonia e Lituania) ó leste.

Comunicado ó sur co mar do Norte polo estreito de Kattegat e o de Skagerrak.

Nomes do Báltico

O Mar Báltico recibe diferentes denominacións dependendo da lingua. As linguas románicas empregamos o nome de Báltico, semellante ás eslavas (Baltijas jūra en letón, Baltijos jūra en lituano), polonés (Morze Bałtyckie ou Bałtyk'), ruso (Балтийское море, Baltískoie More) ou caxubio (Bôłt).

Por cuestións históricas, é coñecido polo Mar do Leste no finés (Itämeri) e por todas as linguas xermánicas (Ostsee en alemán,Østersøen en danés, Östersjön en sueco), agás o inglés. Finlandia limita co mar polo oeste, mais coñéceno como mar do Leste por influencia sueca.

En estoniano escríbese Läänemeri (mar do Oeste).

Cidades costeiras

As cidades máis importantes son:

• San Petersburgo (Rusia) 4.700.000.
• Estocolmo (Suecia) 743.703.
• Helsinki (Finlandia) 559.716.
• Gdansk (Polonia) 462.700.
• Gdynia (Polonia) 255.600.
• Riga (Letonia) 760.000.
• Szczecin (Polonia) 413.600.
• Kaliningrado (Rusia) 400.000.
• Tallinn (Estonia) 387.224.
• Malmö (Suecia) 259.579.
• Kiel (Alemaña) 250.000.
• Lübeck (Alemaña) 216.100.
• Rostock (Alemaña) 212.700.
• Klaipeda (Lituania) 194.400.

Illas

• Gotland (Suecia).
• Öland (Suecia).
• Saaremaa (Estonia).
• Hiiumaa (Estonia).
• Bornholm (Dinamarca).
• Rügen (Alemaña).
• Usedom (dividida entre Alemaña e Polonia).
• Wolin (Polonia).

Mar Báltico

• Mar Báltico I
• Mar Báltico II
• Mar Báltico III