Na Galipedia, a Wikipedia en galego.
| Milladoiro |
Milladoiro en directo nas festas de Narón el 20 de xullo de 2008. |
| Información |
| Orixe |
A Coruña, Galicia, |
| Período |
1978 - actualidade |
| Xénero(s) |
Folk galego |
| Selo(s) discográfico(s) |
|
| Membros |
Xosé V. Ferreirós, Antón Seoane, Nando Casal, Xosé A. Méndez, Moncho García, Harry.c, Manú Conde |
| Antigos membros |
|
| Web oficial |
www.milladoiro.com |
Milladoiro é un grupo musical galego de folk, creado noa no 1978 na Coruña. Está considerado como o máis internacional dos grupos galegos, e un dos mais importantes investigadores de novas sonoridades para o folk galego.
O grupo orixinouse cando Xosé V. Ferreirós, Nando Casal e Ramón García Rei, membros de Faíscas do Xiabre, xuntáronse con Antón Seoane e Rodrigo Romaní. Estes últimos xa publicaran un disco co título de Milladoiro, de referencias medievais, no que colaborara Ferreirós. Así mesmo, Seoane e Romaní colaboraran con Faíscas no seu disco In memoriam. A formación completaríase con Xosé A. Méndez, frautista procedente da música de cámara, e Laura Quintillán, violinista de orixe uruguaia. A súa primeira actuación foi o 15 de maio de 1979, no auditorio do Colexio dos Salesianos, e nese mesmo ano editarían no seu primeiro disco, A Galicia de Maeloc, cun repertorio artellado a base de música galega tradicional, composicións irlandesas e música composta polo propio Seoane.
Durante os anos o grupo foi evolucionando cara unha música ca vez máis elaborada, de aspecto clásico, pero que mantén as súas referencias na música galega. Moitos dos seus traballos son resultado de encargos para institucións, bandas sonoras de películas ou música para exposicións, nos que tamén deixa pegada o folclore galego e irlandés. Os seus discos e directos manteñen a alternancia entre o repertorio máis folk e as pezas de carácter máis concertista. Milladoiro está considerado como un dos pioneiros da modernidade no folk galego, innovando nas combinacións instrumentais pouco habituais, ou sendo o primeiro grupo folk que gravou música acompañados de pandereteiras.
O grupo ten colaborado con artistas como Paul Winter, Bill Whelan, Ana Belén, Paddy Moloney, Olga Cepa, Oskorri, Kathy Mattea, Susana Seivane, Anxo Pintos, Eileen Ivers, Rhonda Larson ou Liam O´Flynn. O grupo colaborou así mesmo nun episodio da serie Os celtas divírtense, gravado pola BBC en Galicia e Escocia.
- Xosé V. Ferreirós, gaita, mandolina, óboe, bouzouki, percusións (1978-
- Nando Casal, gaita, clarinete, tin whistle, percusións, voz (1978-)
- Antón Seoane, teclados, guitarra, hurdy gurdy, acordeón, voz (1978-)
- Xosé A. Méndez, frauta 1979-
- Moncho García Rei, bodhran, percusións, tamboril e voz (1978-)
- Harry.c, violín (1998-)
- Manú Conde, guitarras, bouzouki (2000-)
[editar] Membros anteriores
- Rodrigo Romaní, arpas, bouzouki, guitarra acústica, ocarina e voz (1978-2000)
- Laura Quintillán, violín (1979-1980)
- Michel Canadá, violín (1981-1991)
- Antón Seijo, violín (1992-1998)
- Roi Casal, arpa, bouzouki, ocarina, percusións (2000-2009)
[editar] Discografía
[editar] Colaboracións
[editar] Outras obras
[editar] Véxase tamén
[editar] Bibliografía
- Estévez, Xoán Manuel (1999), Milladoiro. Moito máis que un grupo de música folk, Vigo: Ir Indo Edicións. ISBN 84-7680-304-4.
- Pérez Pena, Marcos (2006), Milladoiro. A Galicia de Maeloc. Unha fotobiografía, Vigo: Editorial Galaxia. ISBN 978-84-6111-387-3.
- Estévez, Xoán Manuel; Losada, Óscar (2000), Crónica do folc galego, Lugo. Editorial Tris Tram. ISBN 84-89377-26-X.
[editar] Ligazóns externas
