Emilio Pérez Touriño
Na Galipedia, a wikipedia en galego.
| Emilio Pérez Touriño | |||
|---|---|---|---|
 |
|||
| Nome completo: | Emilio Pérez Touriño | ||
| Presidente da Xunta de Galicia | |||
| Período: | 2 de agosto de 2005 - 16 de abril de 2009 | ||
| Antecesor: | Manuel Fraga Iribarne | ||
| Sucesor: | Alberte Núñez Feijóo | ||
| {{{cargoexecutivo2}}} | |||
| Período: | {{{periodo2}}} | ||
| Antecesor: | {{{antecesor2}}} | ||
| Sucesor: | {{{sucesor2}}} | ||
| Datos persoais | |||
| Data de nacemento: | 8 de agosto de 1948 | ||
| Lugar de nacemento: |  A Coruña, Galicia |
||
| Data de falecemento: | |||
| Lugar de falecemento: | , | ||
| Organización(s): | Partido Socialista de Galicia | ||
| Cónxuxe: | {{{cónxuxe}}} | ||
| Cargo(s): | Presidente da Xunta de Galicia (2005 - 2009) Secretario Xeral do PSdeG (1998 - 2009) |
||
| Profesión: | Político e mestre | ||
Emilio Pérez Touriño, nado na Coruña o 8 de agosto de 1948, é o presidente de Galicia dende o 2 de agosto de 2005. Foi o Secretario Xeral do PSdeG dende 1998 ata o 2 de marzo de 2009.
Índice |
[editar] Traxectoria
Pérez Touriño realizou estudos de especialización no Instituto de Investigación e Planificación do Desenvolvemento na Universidade de Grenoble, Francia. É doutor en Ciencias Económicas e profesor da Universidade de Santiago de Compostela, onde foi vicerreitor para Asuntos Económicos.
Durante a transición democrática foi dirixente estudantil e activo militante progresista e participou directamente no proceso do Estatuto de Autonomía de Galicia e nos Pactos do Hostal que o posibilitaron.
Entrou na política da man de Abel Caballero cando este era ministro de Transportes, Turismo e Comunicacións. Foi primeiro xefe do seu gabinete e logo subsecretario xeral de Infraestruturas do Ministerio de Obras Públicas, Transportes e Medio Ambiente. En 1994 Roldán acusouno de ter intervido no pagamento de comisións, polo que renunciou aos seus cargos políticos, aínda que rexeitase sempre a súa implicación. Recibiu a Gran Cruz do Mérito Civil nese mesmo ano. Regresou á docencia ata o ano 96.
En 1998 substituíu a Paco Vázquez como secretario xeral do PSdeG. As relacións entre os dous políticos non son moi boas debido á oposición deste último a chegar a calquer acordo co BNG. No último Congreso do PSOE perdeu o posto que tiña na Comisión Executiva Federal, pero conta, en principio, co respaldo do secretario de organización, Xosé Blanco. A súa liña ideolóxica é galeguista, socialdemócrata e federal.
Dende o 2 de agosto de 2005 encabezou un goberno de coalición co BNG que aspirou a reformar o Estatuto de Autonomía.
Nas eleccións ao parlamento de Galicia do 1 de marzo de 2009, presentouse candidato á presidencia polo PSdeG, pero esta vez a coalicción co BNG non foi suficiente para superar á maioría absoluta coa que o PP gañou as eleccións. O día 2 de marzo, Touriño asume a súa derrota e renuncia á fronte do Partido Socialista de Galicia[1].
Touriño é tamén autor de múltiples estudos sobre asuntos de desenvolvemento rexional e economía agraria no eido da Unión Europea. Premio Nacional de Publicacións Agrarias, Pérez Touriño dirixiu asemade traballos e publicacións en relación coas infraestruturas e o crecemento económico de Galicia.
| Predecesor: Manuel Fraga Iribarne |
 Presidente da Xunta de Galicia 2005 - 2009 |
Sucesor: Alberte Núñez Feijoo |
[editar] Referencias
- ↑ "Touriño: o soño presidencialista que non callou", artigo en Vieiros, 2 de marzo de 2009.
[editar] Véxase tamén
[editar] Ligazóns externas
- Currículo na páxina presidentetourino.com aberta para as eleccións galegas do 2005
- Biografía en todopolítica.com
 |
Artigo nos seus primeiros pasos. Este artigo relacionado cunha personalidade galega é, polo de agora, só un bosquexo. Traballa nel e contribúe a que a Galipedia mellore e medre. Existen igualmente outros artigos relacionados que precisan de revisión e nos que posibelmente tamén poidas contribuír. |
