Ramón Varela Núñez

Para outras páxinas con títulos homónimos véxase: Ramón Varela.

Ramón Varela Núñez

Biografía
Nacemento	28 de maio de 1923 Santiago de Compostela, España
Morte	12 de xuño de 2008 (85 anos) Santiago de Compostela, España
Datos persoais
País de nacionalidade	España
Actividade
Ocupación	médico
Lingua	Lingua castelá
Premios (1996)  Medalla Castelao (1974)  Gran Cruz de la Orden Civil de Sanidad

Ramón Varela Núñez, nado en Santiago de Compostela o 28 de maio de 1923 e finado na mesma cidade o 12 de xuño de 2008, foi un médico galego.

Traxectoria

Licenciado en Medicina pola Universidade de Santiago de Compostela, doutorouse en medicina e cirurxía pola Universidade Complutense de Madrid, cunha tese sobre as alteracións producidas nos órganos dos animais de laboratorio sometidos a baixas temperaturas. Comezou a traballar como profesor axudante na Universidade de Santiago en 1947 ata que conseguiu praza de catedrático na Universidade de Sevilla (1963).

Dous anos máis tarde trasladouse de novo a Santiago xa como catedrático de histoloxía e anatomía patolóxica, onde ocupou diversos cargos administrativos tanto na facultade como no equipo reitoral da universidade, e onde foi decano de medicina entre 1970 e 1978. A súa liña principal de investigación foi a patoloxía tumoral.

Era membro da Real Academia de Medicina e Cirurxía de Galicia, onde ocupaba a cadeira de anatomía patolóxica.

Galardóns

• Medalla Castelao, 1996
• Fillo adoptivo de Pontevedra
• Premio de Investigación de Galicia en 1996.

Véxase tamén

Bibliografía

• Dicionario biográfico de Galicia 3. Ir Indo Edicións. 2010-2011. p. 287. 
• Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. p. 577. ISBN 84-8064-113-4.