Pepe Domingo Castaño

Pepe Domingo Castaño

(2013)
Nome orixinal	(es) Pepe Domingo Castaño
Biografía
Nacemento	(es) José Domingo Castaño Solar 8 de outubro de 1942 Lestrobe, España
Morte	17 de setembro de 2023 (80 anos) Madrid, España
Causa da morte	Morte natural  (Síndrome de disfunción multiorgánica )
Datos persoais
Residencia	Lestrobe Padrón Madrid
País de nacionalidade	España
Grupo étnico	Raça Mediterrânea (pt)
Altura	173 cm
Actividade
Ocupación	Xornalista, presentador, cantante
Período de actividade	1960 - 2023
Empregador	Ábside Media (pt) (2010–2023) Mediaset España (1995–1995) RTVE (1967–1982) Grupo PRISA (1964, 1973–1966, 2010)
Xénero artístico	Poesía
Lingua	Lingua castelá e lingua galega
Instrumento	Voz
Familia
Cónxuxe	María Luisa Seco (1969-1981) María Teresa Vega (1985-2023)
Fillos	2
Pais	Antonio   e Rosa
Parentes	Cristina Castaño (sobriño) Nacho Castaño (sobriño)
Premios (2015)  Medalla Castelao (2013)  Q114909941 (2005)  Premios Micrófono de Oro (1986)  fillo adoptivo de Padrón.  Q26180612  1989 Antena de Oro (en)  Premios Ondas 2002  Premios Ondas 2005  Premios Ondas 1996  Q6359559
Sinatura

Pepe Domingo Castaño Solar, nado en Lestrobe (Dodro) o 8 de outubro de 1942 e finado en Madrid o 17 de setembro de 2023, foi un cantante e xornalista galego. Durante moitos anos presentou distintos programas deportivos (especialmente de fútbol masculino) en diversas cadeas españolas, como SER (Carrusel deportivo) ou Cope (Tiempo de juego).

Traxectoria

Fillo con moitos irmáns, comezou sendo contable nunha empresa de curtidos da súa vila en 1964. Cando se decatou de que quería ser locutor de radio presentouse a unhas probas convocadas por Radio Galicia que supuxeron a súa primeira oportunidade en Santiago de Compostela.

Radio

Dous anos despois tomou a decisión de probar sorte en Madrid, onde logo dun intento marrado, traballaría como locutor e lector da ONCE. Continuaría en Madrid, presentando en La Voz de Madrid o programa Club Musical, ó que seguiría outro traballo en Radio Centro e posteriormente o programa Tabla redonda del disco. O seu lanzamento viría da man de Discoparada, onde coñecería a multitude de cantantes que se promocionaban no seu espazo.

En 1973 fichou pola Cadena SER. Viva la Radio, Voces a 45, Sintonía sobre ruedas, Diario musical SER, Temas del Día e sobre todo El Gran Musical foron os programas que lle deron gran popularidade en toda España.

Despois virían Onda Media Aquí la SER, Mediodía SER, Domingo Pepe Domingo, Los tíos del Domingo, Ser-vicio de verano e Hoy por Hoy Madrid. Logo pasou ás retransmisións deportivas, da Vuelta Ciclista a España e o Tour de Francia, ao Carrusel Deportivo (no que compartiu espazo con Paco González) ou El Larguero, programas que o converteron nun dos grandes da radio. O trío estable que formou con Paco González e Manolo Lama fixo deles uns dos clásicos da radio española. Os tres mudaron xuntos á Cadena COPE, onde traballou os seus últimos anos, no programa Tiempo de juego.

Prensa

Colaborou varios anos coa revista Hola.

Televisión

O seu paso pola televisión tamén estivo ligado ó éxito. Comezou con Biblioteca Joven, xunto a María Luisa Seco, presentadora coa que casaría o 6 de setembro de 1969 e da que separou tres anos máis tarde.

Máis tarde, e tamén en TVE, faría outros programas coma A todo ritmo, Voces a 45 e especialmente o popular 300 Millones, en referencia ao número de falantes de español, e que durante tres anos o levaron por España e América. Tras ser despedido de TVE, levou a cadea gobernamental española a xuízo e foi indemnizado. En 1985 presentou Boa Noite, programa da TVG.

En setembro de 1995, trece anos despois da súa última aparición na televisión, regresou esta vez a Telecinco co programa Número 1.

Carreira musical

A súa carreira discográfica tamén foi salientable. Comezou formando parte de agrupacións musicais coma Los Ibéricos e los Blue Sky, pero logo continuou como solista con grandes éxitos coma "Neniña (Viste pantalón vaquero)", que foi número un nas listas de vendas de toda España, "Mi pueblo", "Te vas", "Porque te quiero tanto", "Mujercita de ojos claros", "Compañera soledad" ou "Motivos". Este último tema número un de vendas en México con máis de dous millóns de discos vendidos, e popularizada en varios países de Hispanoamérica e mesmo nos Estados Unidos. De 'Motivos' fixéronse máis de trinta versións. Outros títulos de éxito son: "Mentirosa" ou "Brindo con mis canciones" entre outras que compuxeron a súa discografía, ademais dun LP de poemas de amor, dedicado ó autor cubano José Ángel Buesa, que esgotou todas as existencias do mercado ó pouco tempo de aparecer á venda.

Premios

Recibiu multitude de premios, coma o premio ó mellor locutor e showman do ano, o Premio á Popularidade do diario Pueblo ó mellor xornalista musical, Guaca y Puro de ouro de Venezuela, Disco de Ouro de México, Canción Motivo, Cámara de Comercio, Antena de Ouro no apartado locución e Premio Ondas Nacional nos anos 1975, 1996 e 2002.

Vida persoal

Tralo seu matrimonio coa xornalista María Luisa Seco, que só durou tres anos, casou en segundas nupcias con María Teresa Vega en 1985. Con ela tivo dous fillos e foi a súa parella até o seu falecemento. Finou no hospital Zarzuela, situado en Aravaca, distrito municipal do oeste de Madrid, logo dunha breve enfermidade na gorxa.

Foi tío da actriz Cristina Castaño e do actor Nacho Castaño.

Véxase tamén

Ligazóns externas

• www.radiofonistas.org Arquivado 20 de febreiro de 2006 en Wayback Machine.