Bodhrán

Na Galipedia, a Wikipedia en galego.
Exemplo dun bodhrán.

O bodhrán (AFI [ˈbɔːrɑːn] ou [ˈbaʊrɑːn]; plural bodhráin) é un tambor de marco (frame drum) irlandés. O diámetro do marco vai dende os 25 ós 66 centímetros, mentres que a profundidade é de entre 9 e 20 centímetros. O tamano máis habitual emprega un marco de entre 35 e 45 centímetros de diámetro cunha profundidade duns 10 centímetros. A un lado do marco encóntrase unha membrana (ou parche) tensada e clavada ó marco mediante tachuelas. Tradicionalmente a membrana sole ser de pel de cabra, aínda que actualmente é habitual encontrar bodhráin fabricados con peles de outros animais coma o canguro ou incluso materiais sintéticos coma o kevlar. O outro lado do marco queda aberto. Habitualmente, unha ou dous barras cruzadas no interior do marco fortalecen a súa estrutura.

Algúns bodhráin modernos para uso profesional empregan tensores mecánicos que permiten variar a tensión do parche, similares ós empregados nos tambores das baterías.

Galería de imaxes[editar | editar a fonte]