Ángel Carracedo
Ángel Carracedo Álvarez, nado o 12 de novembro de 1955 en Santa Comba, é un Catedrático de Medicina Legal, experto internacional en xenética.
Índice |
[editar] Traxectoria
Premio Extraordinario de Licenciatura, Doutor en Medicina con Premio Extraordinario, foi director do Instituto Universitario de Medicina Legal, presidente da International Society for Forensic Genetics. Codirector da Unidade de Medicina Molecular Inco Sergas. É autor de varios libros e centos de publicacións. Vicepresidente da Academia Internacional de Medicina Legal, membro do Grupo Europeo do ADN e da Comisión de ADN da Comisión de Xustiza dos Estados Unidos de América, coordinador da Rede europea de estandarización do ADN e da Rede iberoamericana de xenética molecular aplicada á medicina forense. Está ao fronte da Fundación de Medicina Xenómica de Galicia.
Actualmente coordina a investigación coa labor docente. É profesor de Medicina Legal, Ética Médica e Bioloxía Molecular na facultade de Medicina e Odontoloxía da Universidade de Santiago de Compostela[1]. Foi escollido padriño da promoción 2011/2012 da Licenciatura de Medicina pola súa grande cercanía ao alumnado.
[editar] Recoñecementos
- Premio Rei Xaime I.
- Medalla Castelao 2006.
- Medalla de Ouro de Galicia 2011.
- Medalla Adelaida.
- Premio Fernández Latorre 2011 [1].
