José Manuel Romay Beccaría
José Manuel Romay Beccaría, nado en Betanzos o 18 de xaneiro de 1934, é un político galego. Foi Ministro de Sanidade e Consumo e Presidente do Consello de Estado, entre outros cargos.
Índice |
[editar] Traxectoria
[editar] Formación
Naceu en Betanzos o 18 de xaneiro de 1934. En 1956 licénciase en Dereito pola Universidade de Santiago de Compostela, obtendo o Premio Extraordinario de fin de carreira. Tras impartir clases de Dereito Administrativo durante un ano nesa universidade, viaxa a Madrid para preparar as oposicións de Letrado do Consello de Estado, obtendo a praza en 1959.
[editar] Na ditadura
En 1963 é nomeado, baixo a ditadura do Xeneral Franco, Secretario Xeral de Sanidade, cargo no que permanece ata 1966. Retoma a súa praza como letrado, ata asumir en 1973 a dirección do Instituto de Estudios de Administración Local. Permaneceu poucos meses nese cargo, pois en 1974 foi nomeado Subsecretario de Presidencia, e en 1975 Subsecretario de Gobernación.
[editar] En democracia
Xa en democracia, regresa a Galicia en 1982 para ocupar a vicepresidencia do primeiro goberno da Xunta de Galicia. Ese mesmo ano é elixido deputado pola provincia da Coruña, nas listas de Alianza Popular, escano que mantería ata 1989. Entrementres, en 1987 accede á presidencia da Deputación da Coruña, na que permanecerá ata 1989, cando foi nomeado Conselleiro de Agricultura, Gandería e Política Forestal do goberno galego. Ó ano seguinte asumiu a Consellería de Sanidade, permanecendo no cargo ata 1996.
Coincidindo coa vitoria electoral do Partido Popular nas eleccións xerais dese ano, retornou ao Congreso coma deputado, e foi nomeado Ministro de Sanidade e Consumo. Ostentou a carteira ministerial ata 2000, coincidindo coas eleccións xeráis nas que o PP obtivo a maioría absoluta, pasando a presidir a Comisión de Xustiza e Interior do Congreso dos Deputados.
En 2003 foi nomeado presidente do Consello de Estado, cargo no que permanceu ata a vitoria electoral do PSOE nas eleccións xerais de 2004. Na actualidade é presidente de honra do Partido Popular da provincia da Coruña.
Logo das Xerais de 2011, que coinciden coa vitoria do Partido Popular de Mariano Rajoy, é designado polo Parlamento de Galicia senador en representación da comunidade autónoma.
| Predecesor: Enrique Marfany |
 Presidente da Deputación da Coruña 1987−1989 |
Sucesor: Salvador Fernández Moreda |
| Predecesor: Francisco Sineiro |
 Conselleiro de Agricultura 1990-1991 |
Sucesor: Tomás Pérez Vidal |
| Predecesor: Manuel Montero Gómez |
Conselleiro de Sanidade 1991-1996 |
Sucesor: Xosé María Hernández Cochón |
