José Regojo

José Regojo Rodríguez

Biografía
Nacemento	13 de novembro de 1900 Fermoselle, España
Morte	14 de xaneiro de 1993 (92 anos) Vigo, España
Datos persoais
País de nacionalidade	España
Actividade
Ocupación	empresario
Lingua	Lingua castelá
Familia
Fillos	Juan Ángel Regojo
Premios  Medalla Castelao

José Regojo Rodríguez, nado en Fermoselle (Zamora) o 13 de novembro de 1900 e finado en Vigo o 14 de xaneiro de 1993, foi un empresario galego.

Traxectoria

Empezou a súa actividade comercial en Portugal, dedicouse á venda de puntillas en Lisboa. Despois pasou a fabricar camisas, e instalou unha fábrica en Zamora. Coñeceu no Centro Galego de Lisboa á redondelá Rita Otero Fernández, filla de Juan Manuel Otero Milleiro, coa que casou en 1927. Instalouse en Redondela onde montou unha fábrica de camisas. Ao comezo da Guerra civil instalou unha fábrica de calzado para o Exército. Fabricou un tipo de camisas moi popular durante o franquismo e contaba co Exército como primeiro cliente. Foi un dos principais empresarios téxtiles. A mediados dos anos sesenta deixou a dirección das súas empresas por problemas de saúde, e empezaron a declinar ata que desapareceron. Finou en Vigo o 14 de xaneiro de 1993.

Recoñecementos

• Medalla ao Mérito no Traballo.

• Medalla Castelao, 1992.

Vida persoal

Casou con Rita Otero Fernández en 1927 e foi pai de Rita, Teresa, Juan Ángel, José, Concepción, Pedro e Alejandra Regojo Otero.

Véxase tamén

Ligazóns externas

• Vistiendo una época. Las empresas y proyectos de la saga familiar Regojo Arquivado 09 de marzo de 2016 en Wayback Machine.
• La gran mujer tras el imperio textil(en castelán)
• El tapiz de los Regojo