Carlos Otero Díaz

Carlos Otero Díaz

Biografía
Nacemento	30 de xaneiro de 1932 Chantada, España
Morte	19 de marzo de 2005 (73 anos)
Datos persoais
País de nacionalidade	España
Actividade
Ocupación	economista
Lingua	Lingua castelá
Premios (2001)  Medalla Castelao

Carlos Gilberto Otero Díaz, nado en San Fiz de Asma (Chantada) o 30 de xaneiro de 1932 e finado en Santiago de Compostela o 19 de marzo de 2005,, foi un economista e político galego. En 1982 foi nomeado primeiro Conselleiro de Economía e Finanzas da Xunta de Galicia.

Traxectoria

Estudou dereito na Universidade de Santiago de Compostela (1952-1956) licenciándose con premio extraordinario. Entre outros sitios viviu en Madrid e Italia, regresando a Santiago de Compostela no 1966 para asumir a cátedra de Economía Política, Facenda Pública e Dereito Fiscal.

Formou parte do primeiro goberno autonómico, en 1982 aceptou o cargo de conselleiro de Economía no executivo de Xerardo Fernández Albor. Novamente o 6 de novembro de 1986 foi nomeado titular de Economía e Facenda da Xunta de Galicia.

O 28 de febreiro de 1991 entrou a formar parte do Consello de Contas e posteriormente foi nomeado como Conselleiro Maior.

Predecesor: Ninguén	Conselleiro de Economía, Facenda e Comercio  1982-1984	Sucesor: Carlos Mella
Predecesor: Xosé Antón Orza	Conselleiro de Economía, Facenda e Comercio  1986-1987	Sucesor: Fernando Salgado García
Predecesor: Ninguén	Conselleiro maior do Consello de Contas  1991-2000	Sucesor: Luciano Fariña Busto

Galardóns

• Medalla de ouro da Universidade de Santiago de Compostela.
• Medalla Castelao (2001).