Alfonso Zulueta de Haz
Alfonso Zulueta de Haz, nado en Pontevedra en 1924, é un intelectual galego que exerceu como presidente do Consello da Cultura Galega (2002-2006).
[editar] Traxectoria
Fixo a carreira de Dereito na Universidade de Santiago de Compostela. Exerceu como notario en Gaucín (Málaga), Marín e Vigo, onde reside na actualidade.
Foi un dos fundadores e primeiro presidente do Ateneo de Pontevedra (1966-1969), tamén é presidente da Editorial SEPT, especializada en obras relixiosas. Zulueta de Haz foi un dos fundadores do Partido Galego Social Demócrata en 1974 e exerceu como o seu vicepresidente ata 1978 ao se unir o seu partido co Partido Popular Galego para dar nacemento ao Partido Galeguista. Zulueta de Haz é membro do pleno do Consello da Cultura Galega desde 1996 e á morte de Carlos Casares foi elixido o seu presidente o 17 de abril de 2002.
| Predecesor: Carlos Casares |
presidente do Consello da Cultura Galega 2002 - 2006 |
Sucesor: Ramón Villares |
