Bibiano Fernández Osorio-Tafall

Na Galipedia, a wikipedia en galego.

Bibiano Fernández Osorio-Tafall, (Salcedo, Pontevedra, 1902 - Cidade de México, 1990), foi doutor en Ciencias Naturais e secretario da Misión Biolóxica de Galicia con Cruz Gallástegui. Membro da ORGA, foi alcalde de Pontevedra, presidente da Deputación e deputado nacional en dúas lexislaturas. Presidiu a Asemblea de Municipios celebrada en Santiago para discutir e redactar o proxecto de Estatuto de Autonomía que se plebiscitou no ano 1936, tras o seu paro durante dous anos por cuestións políticas. Presidiu o Comité Central de Autonomía.

Ossorio-Tafall era secretario da Junta Nacional de Izquierda Republicana ocupou as subsecretarías de Traballo e Gobernación pouco antes da guerra. Posteriormente foi director de Política, o órgano de Izquierda Republicana.

Osorio-Tafall foi Comisario Xeral do Exército da República Española. No exilio, foi profesor na Universidade Autónoma de México e do Instituto Politécnico. No 1948 incorporouse á ONU; no 55, foi director da Oficina de Agricultura en Chile, e logo en Indonesia e no Exipto. No 64 estivo á frente das operacións de pacificación no Congo e en Chipre. Xubílase como subsecretario xeral da ONU. Adolfo Suárez convidouno a protagonizar o primeiro período autonómico galego.