Antonio María Rouco Varela

Na Galipedia, a Wikipedia en galego.
Antonio María Rouco Varela
Antonio María Rouco Varela.JPG
Cardeal da Igrexa Católica
Biografía
Nacemento 24 de agosto de 1936 en Vilalba
Alma mater Universidade Pontifica de Salamanca
Universidade de Múnic
Ordes
Ordenación sacerdotal 28 de marzo de 1959, por Francisco Barbado
Consagración episcopal 31 de outubro de 1976, por Ángel Suquía
Creado cardeal 21 de febreiro de 1998, por Xoán Paulo II
Arcebispo de Madrid
Cardeal-Presbítero de S. Lorenzo in Damaso
1994 - actualidade
Predecesor Ángel Suquía
Cargos anteriores Arcebispo de Santiago de Compostela
Outros
Coat of arms of Antonio Maria Rouco Varela.svg
Escudo de Antonio María Rouco Varela
In Ecclesiae comunione
Ficha en catholic-hierarchy.org

Antonio María Rouco Varela, nado en Vilalba o 24 de agosto de 1936, é un cardeal da Igrexa Católica, actualmente arcebispo de Madrid, e ex presidente da Conferencia Episcopal Española. É tamén membro da Real Academia de Doutores de España dende 2008.[1][2]

Traxectoria[editar | editar a fonte]

Estudou teoloxía na Universidade Pontificia de Salamanca entre 1954 e 1958. Foi ordenado sacerdote en 1959, e nese ano empezou a estudar leis e teoloxía na Universidade de Múnic, onde se doutorou en 1964 cunha tese sobre as relacións entre a Igrexa e o Estado no século XVI.

Bispo[editar | editar a fonte]

En 1976 foi designado bispo de Gergi e bispo auxiliar de Santiago de Compostela. Cando o arcebispo Suquía foi nomeado arcebispo de Madrid, ascendeu Rouco Varela á mitra arcebispal en 1984. Foi unha peza chave en diversos eventos organizados na cidade, entre elas a segunda visita dun papa a Galiza, que tivo lugar o 19 de agosto de 1989. En 1994, logo dunha década á cabeza da igrexa galega, foi nomeado arcebispo de Madrid. Foi presidente da Conferencia Episcopal Española entre 1999 e 2005, e logo dun mandato de Ricardo Blázquez volveu ocupar esa posición.

Está considerado un membro do sector conservador da Igrexa católica[3].

Cardeal[editar | editar a fonte]

O papa Xoán Paulo II nomeouno cardeal no consistorio do 21 de febreiro de 1998. Á morte deste papa, Rouco Varela foi un dos cardeais electores que participaron no conclave de 2005, onde foi designado Bieito XVI como novo máximo pontífice.

Críticas[editar | editar a fonte]

En 2007, o arcebispado de Madrid que el dirixía foi condenado como responsable civil subsidiario por un caso de abusos continuados a un menor perpetrados por un sacerdote desa diocese. A condena consideraba probado que tanto a persoa de Rouco Varela como o arcebispado coñecían os feitos e os ocultaron.[4][5].

Sucesión apostólica[editar | editar a fonte]

Artigo principal: Sucesión apostólica.


Predecesor:
Ángel Suquía
Arcebispo de Santiago de Compostela
abril de 1983 - xullo de 1994
Sucesor:
Julián Barrio
Predecesor:
Ángel Suquía
Arcebispo de Madrid
xullo de 1994 - no cargo
Sucesor:
no cargo
Predecesor:
Elías Yanes
Presidente da Conferencia Episcopal Española
1999 - 2005
Sucesor:
Ricardo Blázquez
Predecesor:
Ricardo Blázquez
Presidente da Conferencia Episcopal Española
2008 - 2014
Sucesor:
Ricardo Blázquez

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

  • Serrano, José Francisco (2014). Rouco Varela, el cardenal de la libertad. Planeta. ISBN 9788408130765.