O Real Club Deportivo Fabril, tamén coñecido como Dépor B, é un equipo de fútbolgalego, o filial do Deportivo da Coruña. Fundouse en 1914[1][2][3] e milita no Grupo I da Segunda División B, logo de ascender tras a tempada 2016–17. O 21 de febreiro de 2014, cumpriu 100 anos de historia.[4]
O Fabril Foot-ball Club foi fundado en 1914 polo dono dunha fábrica téxtil situada no barrio de Catro Camiños, na Coruña. O seu uniforme orixinal compúñase dunha camisola a bandas verticais azulgranas e un pantalón negro. Nesta etapa, destaca a presenza de Ramón González no equipo fabrilista.
Durante os anos trinta e corenta, o club participa nas divisións de modestos da cidade herculina. En 1941, é obrigado a eliminar os estranxeirismos do seu nome por mor das leis franquistas, mudando o seu nome polo de Fabril Sociedad Deportiva.
A finais da década de 1950 e principios da de 1960 o club viuse inmerso nunha grave crise económica. Nese momento, o Fabril asina un acordo co Deportivo, polo cal este asumiu todas as débedas do anterior, que pasaba a ser o seu filial baixo o nome de Fabril Deportivo. En 1963, o Deportivo Xuvenil fusionase co Fabril[5].
Na tempada 1963-64 xogou a promoción de ascenso á Segunda división, pero non logrou subir de categoría.
Tras distintos cambios de categoría durante as décadas seguintes, en 1991 o Fabril conseguiu o ascenso a Segunda B con Paco Melo como adestrador. O equipo só durou un ano na categoría, a 1991-92, volvendo a Terceira tras quedar 18º.
En 1993 asinouse un novo acordo entre o Deportivo e os dez socios membros do Fabril. Por este acordo o Fabril pasou a ser federativamente o Real Club Deportivo de La Coruña B.
Na tempada 1994-95 volveu ascender a Segunda B e nas tempadas 1996–97 e 1997–98 xogou a liguiña de ascenso a Segunda División, aínda que non logrou subir.
Xogadores do Fabril en 2016.
O club regresou á Terceira División en 1999, onde estivo unha tempada e volveu ascender. Este ascenso durou só unha tempada, regresando a Terceira en 2001. En 2005-06 resultou campión da categoría, pero non logrou o ascenso. Na 2006-07 volveu gañar a liga, e desta volta si conseguiu subir a Segunda B, tras eliminar ó CD Don Benito na fase de ascenso.
Encontro disputado entre o Deportivo da Coruña B e o CDA Navalcarnero.
Na campaña 2009–10 volveu ser campión de Terceira a tres xornadas do final, ascendendo novamente á Segunda División B, tras superar a eliminatoria contra o Burgos CF nos penaltis en Riazor. Na tempada 2010–11 descendeu novamente a Terceira División.
O 10 de xullo de 2017 o equipo recupera o seu nome tradicional, pasando a chamarse Real Club Deportivo Fabril.[6]
O estadio no que xoga habitualmente o Fabril é o Mundo do Fútbol (situado en Abegondo), con capacidade para 3.000 espectadores, se ben tamén ten utilizado o Estadio de Riazor en partidos de especial transcendencia como foi o da fase de ascenso á Segunda División na tempada 2007–08.
Tino Fernández
Cristóbal Parralo
Chacho e Waldo Botana (1948)[8]
Enrique Nieto "Henry" (1960)[8]
Ricardo Badás (1963-1964)[9]
Benito Joanet (1971-1973)
Paco Melo (1988-1993)[13]
.svg){kind=small}
