Ronda do Real Club Deportivo de La Coruña

Na Galipedia, a Wikipedia en galego.

Coordenadas: 43°22′07″N 8°25′29″O / 43.36851, -8.42476

Ronda do Real Club Deportivo de La Coruña
Cartel Ronda Deportivo da Coruña.jpg
Placa na rotonda do Pavo Real.
Tipoloxía Ronda de circunvalación e acceso á cidade.
Rede Rede de estradas de Galicia
Dimensións
Lonxitude 5 km
Formato 2, 3 ou 4 carrís por sentido, máis beiravía
Localización
Inicio  Ronda de Outeiro 
 Rúa de Manuel Murguía 
Fin  AC-14  Mesoiro
Localidade A Coruña
Circulación
Tránsito Rodado
Velocidade máxima 80 km/h

A Ronda do Real Club Deportivo de La Coruña é o nome co que o Concello da Coruña bautizou a vía de alta capacidade dependente da Xunta de Galicia V-1.4[1] (V-14 segundo a sinalización viaria do Ministerio de Fomento), que constitúe a terceira ronda da cidade. A V-1.4 é na práctica unha autoestrada de circunvalación que une a zona de Riazor coa AC-14, construída simultaneamente polo Ministerio de Fomento como parte do proxecto da terceira ronda.

A Ronda do Real Club Deportivo de La Coruña sae da rotonda do Pavo Real, na confluencia da Rúa de Manuel Murguía coa Ronda de Outeiro, atravesa os lugares de San Pedro de Visma, Penamoa, o polígono da Agrela, pasa ao carón do centro comercial Marineda City e desemboca na AC-14 á altura de Mesoiro, xunto a Pocomaco tras pasar polo lugar das Rañas. Posteriormente a AC-14 pasa pola Zapateira, e intérnase no concello de Culleredo permitindo a conexión co aeroporto de Alvedro e coa autoestrada A-6.

O tramo de tres quilómetros que une Manuel Murguía co polígono da Agrela foi inaugurado oficialmente o 27 de decembro de 2011,[1] mentres que a súa continuación que conecta coa AC-14 inaugurouse o 14 de marzo de 2015 ao mesmo tempo que se completaban as obras nesta última.[2]

Historia[editar | editar a fonte]

As orixes da actual estrada remóntanse ao 14 de decembro do ano 2000, día no que Xosé Cuíña Crespo e Francisco Vázquez Vázquez asinaron o acordo para iniciar a estrada que viría a solucionar os problemas do tráfico para acceder á cidade. Tres anos máis tarde a Xunta de Galicia presentou o proxecto para o tramo entre Os Rosales e a ligazón coas Rañas. En 2006 asinouse o acordo de inicio das obras e o 10 de novembro dese mesmo ano comezaron os traballos[3].

En decembro de 2009 o pleno do Concello aprobara por unanimidade darlle o nome do Deportivo da Coruña a unha rúa da cidade, que era unha petición de vello dos afeccionados.[4] O 8 de agosto de 2012 o alcalde da Coruña Carlos Negreira informou que a Terceira Ronda sería finalmente a que levase ese nome[5] e o 21 de setembro de 2012 o alcalde acompañado polo presidente do Deportivo Augusto César Lendoiro inaugurou o novo nome da ronda.[6] Centos de persoas achegáronse para a celebración.

Descrición[editar | editar a fonte]

Rotonda do Pavo Real, na Ronda de Outeiro e inicio da Ronda do Deportivo da Coruña.

A Ronda de Nelle, primeira ronda da Coruña, e a Ronda de Outeiro, segunda ronda, foron completadas coa terceira ronda como nova circunvalación de acceso á cidade. O 20 de novembro do 2014 foi sometido a información pública[7] o estudo informativo do que se deu en chamar cuarta ronda[8]. Esta sería unha estrada convencional que prolongaría a autoestrada AC-15 de acceso ao Porto Exterior da Coruña para conectar coa terceira ronda no polígono de Pocomaco tras pasar a carón do polígono de Vío[8].

A terceira ronda foi unha obra inaugurada por tramos. Nalgunhas zonas ten seis carrís, tres en cada sentido. Nunha primeira inauguración parcial a finais do ano 2011[1] foron os accesos ao centro comercial Marineda City os que aproveitaron a infraestrutura. Construíuse un viaduto sobre a rotonda que dá acceso á tenda de IKEA na Coruña. Esta rotonda a tres niveis na estrada Baños de Arteixo é un dos accesos á cidade da Coruña dende a autoestrada a Carballo. O último tramo da V-1.4 foi inaugurado en marzo de 2015.[2] Estaba previsto que fora empregada por 100 000 vehículos ao día[9].

As obras comezaron en 2006 e a suma das lonxitudes de todos os tramos da terceira ronda é de 18,3 quilómetros[10]. A obra está financiada por varias administracións:

  • Xunta de Galicia: 4,1 quilómetros de autovía, entre Manuel Murguía-Ronda de Outeiro e As Rañas
  • Ministerio de Fomento: 10 quilómetros entre Lonzas e a A-6 pola Zapateira, máis o ramal AC-14AL de 3 quilómetros que conecta co aeroporto de Alvedro
  • Xunta: 1 quilómetro entre As Rañas e Mesoiro para unir a V-1.4 coa AC-14 á altura de Pocomaco

O custo total da terceira ronda supera os 250 millóns de euros, sumando a inversión do Estado e a da Xunta[2].

Conexións da Ronda do Deportivo da Coruña[editar | editar a fonte]

Vista dos viadutos da terceira ronda da Coruña no polígono de Pocomaco.
Número de Saída Nome de Saída Estrada que liga
Spain traffic signal s1.svg Spain traffic signal p4.svg Rotonda do Pavo Real Ronda de Outeiro, Manuel Murguía
Spain traffic signal p4.svg Rotonda de Visma Sen ligazón
Sinnbild Autobahnausfahrt.svg
(en sentido A Coruña)
Polígono de Agrela-Bens
Rúa Severo Ochoa
Meicende
Rúa Severo Ochoa
AC-415
Sinnbild Autobahnausfahrt.svg Polígono de Agrela-Bens
Avenida de Arteixo
Carballo
Zona comercial
accesos a Marineda City
Estrada Baños de Arteixo
accesos ás Rañas
Spain traffic signal s1.png Conexión coa autoestrada AC-14 en sentido saída da cidade AC-14

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]