Gustavo Munúa

Gustavo Munúa
Munúa como adestrador do LDU Quito
Información persoal
Nome	Gustavo Adolfo Munúa Vera
Nacemento	27 de xaneiro de 1978 (45 anos)
Lugar de nacemento	Montevideo
Altura	1,89 m.
Posición	Porteiro
Información de club
Club actual	Cartagena (adestrador)
Carreira xuvenil
	Nacional
Carreira sénior
Anos	Equipos	Aprs	(Gls)
1997–2003	Nacional	102	(3)
2003–2009	Deportivo da Coruña	27	(0)
2009–2010	Málaga	38	(0)
2010–2013	Levante	86	(0)
2013–2014	Fiorentina	0	(0)
2014–2015	Nacional	41	(0)
Total		294	(3)
Selección nacional
1998–2004	Uruguai	21	(0)
Adestrador
2015–2016	Nacional
2017	LDU Quito
2017–2018	Deportivo Fabril
2018–	Cartagena
Na rede
Partidos e goles só en liga doméstica. [ editar datos en Wikidata ]

Gustavo Adolfo Munúa Vera, nado en Montevideo o 27 de xaneiro de 1978, é un ex-futbolista e actual adestrador de fútbol uruguaio. Xogaba de porteiro e foi internacional coa selección uruguaia. Actualmente adestra o FC Cartagena.

Traxectoria

Iniciou a súa carreira no ano 1997 en Nacional, club no que gañou a Primeira División do Uruguai de 1998, 2000, 2001 e 2002. Ademais, Munúa é o meta que posúe o récord de portería invicta en Nacional: 963 minutos.

En agosto de 2003 fichou polo Deportivo da Coruña cun contrato de seis anos, onde loitou por gañar a titularidade: primeiro entre 2003 e 2006 foi o suplente do internacional español José Francisco Molina. Posteriormente, entre 2006 e 2008, enfrontouse á dura competencia de Dudu Aouate. O 11 de xaneiro de 2008 os dous gardametas do Deportivo protagonizaron un lamentable incidente: para sorpresa de Aouate, Munúa golpeouno cun puñazo no ollo ao finalizar un adestramento. A instancia dunha denuncia realizada polo fiscal, o Xuíz de Betanzos condenouno a seis meses de cárcere por agresión, conmutables por unha multa de 3.650 euros. Estes feitos supuxeron o afastamento dos dous metas do primeiro equipo por parte do adestrador, Miguel Ángel Lotina. En febreiro, debido á inexperiencia do porteiro do equipo filial Fabri, ambos xogadores foron reintegrados no equipo, e o israelí recuperou o posto de titular.

En xuño de 2009 firmou por un ano co Málaga CF, club ao que chegou coa carta de liberdade ao non renovar co Deportivo.

O 6 de agosto de 2010 confirmouse a súa fichaxe polo Levante UD para a tempada 2010–11.

Adestrador

O 7 de novembro de 2017 anunciouse a súa contratación polo Deportivo Fabril, até o remate da tempada 2017–18, en substitución de Cristóbal Parralo (e a interinidade de Rubén Coméndez). O 28 de maio de 2018 o club anunciou que o adestrador uruguaio non continuaría á fronte do filial.

Palmarés

Nacional

• Liga do Uruguai: 1998, 2000, 2001, 2002

Deportivo

• Copa Intertoto da UEFA: 2008

Véxase tamén

Ligazóns externas

• Datos do xogador en bdfutbol.com (en castelán)
• Datos do xogador en national-football-teams.com (en inglés)
• Datos do xogador en fifa.com Arquivado 12 de novembro de 2012 en Wayback Machine. (en inglés)