Carlos Ballesta

Na Galipedia, a Wikipedia en galego.
Saltar ata a navegación Saltar á procura
Carlos Ballesta
Información persoal
Nome Carlos Alberto Ballesta Edreira
Nacemento 14 de xaneiro de 1955
Lugar de nacemento Oleiros
Posición Defensa
Carreira xuvenil
1970–1973 Deportivo da Coruña
Carreira sénior
Anos Equipos Aprs (Gls)
1973–1974 Fabril
1974–1985 Deportivo da Coruña 214 (3)
Adestrador
1987–1988 Fabril
1995–1999 Fabril
1999–2001 Compostela
2003–2004 Calahorra
2004–2005 Lugo
Partidos e goles só en liga doméstica.

editar datos en Wikidata ]

Carlos Alberto Ballesta Edreira, nado en San Pedro de Nós (Oleiros) o 14 de xaneiro de 1955, é un ex futbolista e adestrador de fútbol galego.

Xogaba de defensa e desenvolveu toda a súa carreira de futbolista no Deportivo da Coruña, dende o Fabril ata o primeiro equipo, xogando con este último case 300 partidos en tres categorías diferentes. Como adestrador dirixiu o Fabril, o Compostela, o Calahorra e o Lugo.

Traxectoria[editar | editar a fonte]

Como xogador[editar | editar a fonte]

Chegou ao Deportivo con 15 anos, militando no equipo xuvenil do club. Tras unha tempada con bo rendemento no Fabril, subiu ao primeiro equipo do Deportivo da Coruña da man de José Antonio Irulegui na tempada 1974/75, a única do club na Terceira División.[1] Vestiu a camisola do Deportivo durante 11 tempadas até a 1984/85.

Como adestrador[editar | editar a fonte]

Iniciouse nos banquiños na tempada 1986/87, exercendo como segundo adestrador de Eusebio Ríos no Deportivo da Coruña.[2] En novembro de 1987, tras o cesamento de Ríos e o ascenso ao primeiro equipo do adestrador do Fabril Luis Rodríguez Vaz, Ballesta fíxose cargo do filial ao mesmo tempo que exercía como segundo adestrador de Vaz no primeiro equipo.[3] Adestrou ao Fabril ata o remate da tempada, quedando na sexta posición do seu grupo de Terceira División. Nas seguintes tempadas continuou como segundo adestrador de Arsenio Iglesias no primeiro equipo. Na tempada 1995–96 fíxose de novo cargo do Deportivo B, agora xa en Segunda B, equipo que adestrou até a tempada 1998–99, conseguindo xogar a liguiña de ascenso a Segunda nas tempadas 1996–97 e 1997–98, pero descendendo na seguinte campaña.[4] Na tempada 1999–00 traballou como axudante de Javier Irureta no Deportivo e, mediada a campaña, fíxose cargo da SD Compostela de Segunda División en substitución de Pichi Lucas,[5] sendo o terceiro adestrador do equipo santiagués esa tempada, e pese a coller ao equipo en postos de descenso logrou salvar a categoría. Na seguinte campaña, tamén no Compostela, foi cesado na xornada 25 sendo substituído por Zoran Maric.[6] Esa tempada non se puido evitar o descenso.

Na tempada 2003–04 firmou co Calahorra de Segunda División B. Foi cesado na xornada 19, sendo substituído por José Ramón Arteche, descendendo ao final da campaña. Na tempada seguinte fichou polo Lugo, de Terceira División, ao que adestrou ata o final de tempada, clasificando ao equipo para a promoción de ascenso a 2ª B, tras rematar en terceira posición. Na fase de ascenso o equipo foi eliminado polo Valladolid B.[7]

En 2014 volveu ao Deportivo da Coruña para traballar na captación de xogadores para a canteira.[8]

Notas[editar | editar a fonte]

  1. "Piña no va al Oviedo". La Voz de Galicia (en castelán). 4 de xullo de 1974. p. 27. 
  2. "El Deportivo contrató a Ballesta como ayudante del entrenador Eusebio Ríos". La Voz de Galicia (en castelán). 9 de xullo de 1986. 
  3. "Ballesta se hará cargo del Fabril". La Voz de Galicia (en castelán). 10 de novembro de 1987. p. 39. 
  4. "Pinillos responsabiliza del descenso a Carlos Ballesta". La Voz de Galicia (en castelán). 25 de maio de 1999. p. 66. 
  5. "Carlos Ballesta, novo adestrador do Compostela". 24 de marzo de 2000. Consultado o 27 de outubro de 2020. 
  6. "O Compos encoméndase a Maric para atar a categoría". La Voz de Galicia. 20 de febreiro de 2001. Consultado o 27 de outubro de 2020. 
  7. Fernández, R. (29 de xuño de 2004). "O Lugo ficha a Carlos Ballesta para ascender e cambiar de imaxe". La Voz de Galicia. Consultado o 27 de outubro de 2020. 
  8. "Carlos Ballesta regresa al Depor para reforzar la base". El Ideal Gallego (en castelán). 8 de setembro de 2014. Arquivado dende o orixinal o 31 de outubro de 2020. Consultado o 27 de outubro de 2020. 

Véxase tamén[editar | editar a fonte]

Ligazóns externas[editar | editar a fonte]