Estadio Municipal de Pasarón
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2015.) |
Coordenadas: 42°26′16″N 8°38′27″O / 42.43778, -8.64083
| Pasarón | |
|---|---|
 | |
| Datos | |
| Localización | Pontevedra  |
| Construción | |
| Inauguración | 1965 (estadio actual en 2010) |
| Estadio | |
| Superficie | herba |
| Dimensións | 105 x 66 |
| Capacidade | 12 000 |
| Propietario | Concello de Pontevedra |
| Localía | Pontevedra CF |
| Eventos | |
| Trofeo Luis Otero | |
O Estadio Municipal de Pasarón é o campo de fútbol principal da cidade de Pontevedra, servindo de feudo local ó Pontevedra CF. Ten unha medida de 105 x 66 metros, e unha capacidade de 12 000 persoas, todas elas sentadas. Está situado na rúa Luis Otero, no barrio do Burgo.
Historia[editar | editar a fonte]
Nos terreos de Pasarón xogáronse partidos desde a década de 1920, cando xogaba alá o Pontevedra Athletic Club. En 1931 era feudo do Eiriña CF, e foi sede do Pontevedra CF desde a súa fundación en 1941.
Tralo ascenso do equipo granate a segunda división na tempada 1959-60, o concello, presidido polo alcalde José Filgueira Valverde, mercoulle os terreos á familia de Valentín Paz Andrade por 1.900.000 pesetas a pagar a prazos durante cinco anos. O campo foi deseñado polos arquitectos municipais, Emilio Quiroga Losada e Alfonso Barreiro Buján, en colaboración co enxeñeiro José María García-Morán Lima. Foi inaugurado en 1965.
O 7 de xaneiro de 1973, nun partido entre o Pontevedra e o Sevilla FC, faleceu o xogador hispalense Pedro Berruezo, ao sufrir un paro cardíaco.
Malia as reformas do ano 1982 co gallo da Copa do Mundo, o estadio estaba demasiado vello despois de 50 anos, polo que tralo ascenso do Pontevedra CF á segunda división en 2004, acometeuse unha reforma integral, derruíndo e construíndo o novo estadio por sectores (fondo norte, fondo sur, tribuna e preferencia).
Tralas reformas acometidas entre 2004 e 2010, reduciuse a capacidade de 16.500 persoas a 12.500, dado que antes os fondos estaban deseñados para estar de pé. A reforma do estadio, financiada polo concello, a deputación de Pontevedra e a Xunta de Galicia, viu como o orzamento inicial ascendía mesmo até o dobre, e como o tempo previsto de execución se atrasaba.
O 28 de decembro de 2008 acolleu un encontro da selección galega de fútbol feminino contra a selección das Illes Balears. O 7 de setembro de 2012 a selección española de fútbol xogou un amigable contra o combinado de Arabia Saudita, gañando 5-0.
Outros usos[editar | editar a fonte]
Dispón de servizo de gardería, salas VIP e modernas salas de prensa. Foi sede do Corpo Municipal de Bombeiros entre 1968 e 1987, e do Club Ciclista de Pontevedra nos anos 80. Entre maio de 1987 e xullo de 1998 acolleu parte do arquivo municipal mentres se acondicionaba outro baixo. En 1994 pasou a acoller a Agrupación de Voluntarios de Protección Civil.
Ao longo da súa historia acolleu diversos concertos e actuacións, como o do grupo Depeche Mode en 1993[1] ou The Black Crowes e Julio Iglesias en 1995.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Estadio Municipal de Pasarón |
Bibliografía[editar | editar a fonte]
- López Torre, Rafael (2015): Filgueira Valverde. Crónica de una alcaldía (1959-1968), Concello de Pontevedra e Faro de Vigo, D.L.: PO 314-2015 (en castelán).
- ↑ "Depeche Mode congregó a tres mil personas en Pasarón". La Voz de Galicia. 13 de xullo de 2017.