Waldo Botana

Na Galipedia, a Wikipedia en galego.
Saltar ata a navegación Saltar á procura
Waldo Botana
Información persoal
Nome completo José Luis Botana Pedreira
Nacemento 22 de decembro de 1919
Lugar Rutis (Culleredo), Galicia
Falecemento década de 1960
Lugar A Coruña, Galicia
Carreira sénior
Anos Equipos Aprs (Gls)
1935–1936 Deportivo da Coruña
1939–1942 Valencia 22 (5)
1945–1949 Alcoyano 77 (2)
1949–1951 Deportivo da Coruña 38 (0)
* Partidos e goles só en liga doméstica.
† Aparicións (Goles)

José Luis Botana Pedreira, máis coñecido como Waldo Botana, nado en Rutis, Culleredo[1] o 22 de decembro de 1919[2] e finado na década de 1960 na Coruña, foi un futbolista galego.

Traxectoria[editar | editar a fonte]

O seu primeiro equipo foi o Rápido de Rutis, xogando posteriormente no Arsenal de Santa Lucía. Na tempada 1935-1936 pasou ao Real Club Deportivo da Coruña e pronto xogaría no equipo titular.[2]

A guerra civil española levouno a terras valenciás e aló ingresou no Recuperación de Levante, xogando o campionato rexional e outro de clasificación para a Copa. Na tempada 1939-1940 pasou ao Valencia CF. Xogou varios partidos e figurou como suplente na final da Copa del Generalísimo fronte o RCD Español de Barcelona. Na tempada 1941-1942 Botana marchou para o CD Alcoyano, onde habería permanecer sete tempadas, varias delas na Primeira División española de fútbol.[2]

Na tempada 1949–50 volveu para o Deportivo da Coruña, adestrado por Alejandro Scopelli. Na súa primeira campaña formou parte do mediocampo titular, xunto con Dagoberto Moll, Manuel Guimeráns e Juanete. Ese ano participou en 26 partidos e o Deportivo foi subcampión, cun punto menos que o líder, o Atlético de Madrid. Na 1950–51 participou en 12 encontros.

O 27 de novembro de 1950 sufriu unha grave lesión en Riazor (fractura de tibia e peroné) xogando contra o Sevilla FC, o que adiantaría a súa retirada, con 31 anos. Porén, xogaría algún partido máis co filial Deportivo Juvenil.[2] Unha vez retirado da actividade futbolística, pertenceu ao cadro técnico do club coruñés e tivo un establecemento de venda de material deportivo co tamén xogador deportivista Julián Cuenca na rúa de Santo André, que atendían persoalmente. Faleceu na Coruña nos anos 60.[2]

Palmarés[editar | editar a fonte]

Valencia

Notas[editar | editar a fonte]

  1. "Galería de Personajes". Arquivado dende o orixinal o 17-04-2016. Consultado o 31-03-2016. 
  2. 2,0 2,1 2,2 2,3 2,4 Carlos Fernández. La Voz de Galicia (19 de abril de 2004). "Personajes coruñeses | Waldo Botana Pereira". Arquivado dende o orixinal o 13-04-2016. Consultado o 31-03-2016. 

Véxase tamén[editar | editar a fonte]

Ligazóns externas[editar | editar a fonte]