Final da Copa do Rei de fútbol 1994/95
 | |||||||
| Estadio Santiago Bernabéu de Madrid, escenario da final. | |||||||
| |||||||
| Data | 24 de xuño de 1995 (susp.) 27 de xuño de 1995 | ||||||
|---|---|---|---|---|---|---|---|
| Estadio | Santiago Bernabéu, Madrid | ||||||
| Asistencia | 95.000 81.000 | ||||||
| Árbitro |  García-Aranda | ||||||
| Tempo | Choiva intensa e sarabia | ||||||
A final da Copa do Rei de fútbol 1994/95 foi a 93ª final da Copa do Rei. Disputouse no estadio Santiago Bernabéu de Madrid o 24 de xuño de 1995 entre o Deportivo da Coruña e o Valencia. O partido foi suspendido a falta de 11 minutos pola forte choiva e sarabia caída na capital española e retomouse tres días despois, o 27 de xuño de 1995. Saíu vencedor o Deportivo da Coruña, por 2–1, conquistando así o seu primeiro título.[1]
Antecedentes[editar | editar a fonte]
Foi a primeira final de Copa do Rei para o Deportivo da Coruña, que ata entón tiña chegado só ata as semifinais (nas edicións de 1988/89 e 1991/92). Para o Valencia foi a 14ª final, 16 anos despois da última, a que conquistara contra o Real Madrid en 1979 no Vicente Calderón. No campionato de liga, finalizado unha semana antes, o Deportivo viña de proclamarse subcampión, mentres que o Valencia acabara décimo.
Camiño á final[editar | editar a fonte]
| Deportivo da Coruña | Rolda | Valencia | ||||
|---|---|---|---|---|---|---|
| Rival | Resultado global | Partidos | Rival | Resultado global | Partidos | |
| Lleida | 7–1 | 0-3 fóra; 4-1 na casa | Oitavos de final | Real Madrid | 4–2 | 1-2 fóra; 2-1 na casa |
| Athletic de Bilbao | 3–0 | 3-0 na casa; 0–0 fóra | Cuartos de final | Mallorca | 4–1 | 1-0 fóra; 4-0 na casa |
| Sporting de Gijón | 2–1 | 0-2 fóra; 0-1 na casa | Semifinais | Albacete | 3–2 | 1-1 casa; 2-1 fóra |
A final[editar | editar a fonte]
Resumo do partido[editar | editar a fonte]
O encontro comezou de xeito intenso, con ocasións para ambos equipos. No minuto 35 Manjarín rouboulle un balón a Fernando Giner na beira da área e anotou o primeiro gol para o Deportivo.[2] Choveu lixeiramente durante toda a primeira parte, pero a chuvia aumentou de intensidade na segunda, o que propiciou numerosas caídas dos futbolistas e que o balón se desprazase con dificultade.[3] No minuto 70 Mijatović colocou o empate no marcador cun saque de falta que entrou polo lado dereito da portería de Liaño.[2]
A partir de entón a chuvia intensificouse aínda máis e comezou tamén a sarabiar, polo que a falta de 11 minutos para o final, o árbitro García-Aranda decretou a suspensión do partido e tanto el como os xogadores correron ao túnel de vestiarios.[2] A choiva inundou diversas partes do estadio e nunha reunión entre os presidentes de ambos clubs, Augusto César Lendoiro e Fernando Roig, co presidente da RFEF, Ángel María Villar, decidiuse o adiamento do partido.[3] A final podería retomarse ao día seguinte, pero decidiuse adiala tres días, para que os afeccionados de ambos equipos puidesen regresar aos seus fogares e volver a Madrid tres días despois.[3]
A final retomouse o día 27 e aos dous minutos Alfredo recolleu co peito un centro de Manjarín e superou cunha cabezada ao gardameta Andoni Zubizarreta, poñendo o 2-1 definitivo.[2][1]
Detalles do partido[editar | editar a fonte]
| Deportivo da Coruña | 1 – 1 | Valencia | 24 de xuño de 1995, 21:00 (CEST) – Santiago Bernabéu, Madrid Asistencia: 95.000 Árbitro: García-Aranda |
Manjarín  35'
|
Informe |
Mijatović 70'
| |
| Deportivo da Coruña | 2 – 1 | Valencia | 27 de xuño de 1995, 20:30 (CEST) – Santiago Bernabéu, Madrid Asistencia: 81.000 Árbitro: García-Aranda |
| Alfredo 81'
|
Informe |
||
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.svg){kind=small}
REGRAS DO PARTIDO
|
Notas[editar | editar a fonte]
- ↑ 1,0 1,1 Segurola, Santiago (28 de xuño de 1995). "Un fogonazo de Alfredo da la gloria al Deportivo". El País (en castelán). Consultado o 17 de xuño de 2022.
- ↑ 2,0 2,1 2,2 2,3 "Una final de 11 minutos" (en castelán). 21 de xuño de 2020. Consultado o 17 de xuño de 2022.
- ↑ 3,0 3,1 3,2 Hermida, Xosé; Rois, Cayetano (25 de xuño de 1995). "Un diluvio aplaza el título". El País (en castelán). Consultado o 17 de xuño de 2022.
Véxase tamén[editar | editar a fonte]
Ligazóns externas[editar | editar a fonte]
- Datos da final en rsssf.com (en inglés).
- Datos da final en linguasport.com (en castelán).